నోటి క్యాన్సర్‌ను గుర్తించే క్విట్‌పఫ్‌
close
Published : 24/09/2021 01:02 IST

నోటి క్యాన్సర్‌ను గుర్తించే క్విట్‌పఫ్‌

నోటి క్యాన్సర్‌ నిర్ధరణ పరీక్షలను అందరికీ అందుబాటులో తెచ్చేందుకు బెంగళూరుకు చెందిన 18 ఏళ్ల నిఖియా సంషేర్‌ ‘క్విట్‌పఫ్‌’ అనే పరికరాన్ని ఆవిష్కరించింది. డిగ్రీ చదువుతోన్న  ఈమె దీన్ని తయారుచేయడానికి కారణమేంటో చెబుతోందిలా...

నిఖియ ఎనిమిదో తరగతిలో ఉండగా ఓసారి స్కూలు వాళ్లు చిన్నారులందరికీ ఆస్పత్రిలోని వివిధ భాగాలను చూపించారు. ‘అక్కడ ఒక రోగిని చూశా. అతడి ముఖానికి బ్యాండేజ్‌ వేశారు. నోటి క్యాన్సర్‌ చివరి దశలో ఉన్నాడని, ముందే తెలిస్తే కాపాడగలిగేవారని తెలిసింది’ అంటూ గుర్తు చేసుకుంది నిఖియ. ‘ఈ క్యాన్సర్‌ను ముందుగానే గుర్తించేందుకు చేసే నిర్ధరణ పరీక్షలన్నీ ఖరీదైనవి. పెద్ద ఆస్పత్రుల్లో మాత్రమే అందుబాటులో ఉంటాయి. ఫలితాలు రావడానికి చాలా సమయం పడుతుంది’ అని వివరించింది.

మెంటార్‌తో కలిసి...  ఈ వ్యాధి నిర్ధరణ పద్ధతులను తెలుసుకోవడానికి బోలెడన్ని శాస్త్రీయ పరిశోధక పత్రాలను అంతర్జాలంలో చదివింది. 9వ తరగతి అమ్మాయికి కఠినమైన ఆ వైద్య పరిభాష అర్థం కాలేదు. దాంతో తల్లిదండ్రుల సలహాతో ఐసీఏఆర్‌లో రిసెర్చ్‌ ఫెలోగా పనిచేస్తోన్న డాక్టర్‌ తనయా దాస్‌, సైంటిఫిక్‌ ఎనలసిస్ట్‌ చైతన్య ప్రభులను మెంటార్‌లుగా ఎంచుకుంది. ఆరు నెలలు వారితో కలిసి ప్రయోగాలు చేసి ‘క్విట్‌పఫ్‌’ కిట్‌ను రూపొందించింది. వ్యక్తి లాలాజలంలో ఈమె తయారుచేసిన ద్రవం కలపడం ద్వారా అతనికి ఈ వ్యాధి వస్తుందా... రాదా అనేది తెలుసుకోవచ్చు. దీన్ని క్యాన్సర్‌ ఉన్న వ్యక్తి లాలాజలంతో కలిపినప్పుడు లేత పసుపు రంగు వస్తే వ్యాధి ప్రారంభ దశలో ఉందని, ముదురు గోధుమ రంగుకు మారితే వ్యాధి ముదిరిందని అర్థం. నిఖియ దాని ఖరీదు 38 రూపాయలుగా పెట్టింది. దీంతో బెంగళూరు విక్టోరియా ఆస్పత్రి యాజమాన్యం అనుమతితో అక్కడి రోగుల్లో పొగతాగేవారు, తాగనివారిపై ప్రయోగాలు మొదలుపెట్టింది.

‘జూన్‌ 2018 నుంచి ఫిబ్రవరి 2019 వరకు దాదాపు 500 మంది లాలాజల నమూనాలను సేకరించి వ్యాధి నిర్ధరణ పరీక్షలు చేశాం. 96% కచ్చితమైన ఫలితాలు వచ్చాయి’ అని చెబుతోందామె. నిఖియ, చైతన్యలు ‘క్విట్‌పఫ్‌’ గురించి రాసిన పరిశోధన పత్రాలు 2020లో ప్రచురితమయ్యాయి.

నిఖియ ఈ కిట్‌ను ఇంకా మార్కెట్‌లోకి విడుదల చేయలేదు. ‘ఈ కిట్‌తో ఫలితాలు రావడానికి దాదాపు 15 నిమిషాలు పడుతుంది. దీన్ని అందరికీ ఉపయోగపడేలా మరింత సరళీకరించాలని అనుకుంటున్నాను. ట్రేసింగ్‌ పేపర్‌లా తయారు చేయాలన్నది ఆలోచన. సిగరెట్‌ పెట్టెలో ఓ చిన్న కాగితంలా ఇవ్వాలనుకుంటున్నా. దీని సాయంతో ఎవరికి ¨వారు తమకు నోటి క్యాన్సర్‌ ఉందో లేదో ఉచితంగా పరీక్షించుకుని అప్రమత్తం కావొచ్చు.’ అని చెబుతోందామె.


Advertisement


మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని