ప్రత్యేకంగా...చిన్నారుల గది
close
Published : 10/08/2021 03:16 IST

ప్రత్యేకంగా...చిన్నారుల గది

ఇంట్లో పిల్లలగదిని మిగిలిన వాటికన్నా ఆకర్షణీయంగా తీర్చిదిద్దాలి. అది వారి సృజనాత్మకతను పెంచుతూనే, వారి మనసులో మధుర జ్ఞాపకాలను పొందుపరుస్తాయి. అందుకే వారి గదిని ఎంత ప్రత్యేకంగా సర్దితే, అంతగా వారి మానసిక ఎదుగుదల ఉంటుందని మానసిక నిపుణులు సూచిస్తున్నారు. అందుకు ఏం చేయాలంటే...

గ్యాలరీ వాల్‌... మంచానికి పక్కగా ఉండే గోడను గ్యాలరీవాల్‌గా అనుకోవాలి. దానిపై కొన్ని ఖాళీ ఫ్రేములు అందంగా అమర్చాలి. పిల్లలతో బొమ్మలు వేయించి, వాటిని ఆ ఫ్రేమ్స్‌లో ఉంచేలా అలవాటు చేయాలి. రకరకాల ఆకారాల్లో ఉండే ఆ ఫ్రేమ్స్‌లో వారి మనసుకు నచ్చిన, సొంతంగా వేసిన బొమ్మ కనిపిస్తుంటే వారిలో సృజనాత్మకత పెరుగుతుంది. ఆ బొమ్మలను చూసినప్పుడల్లా వారి ఆత్మవిశ్వాసం రెట్టింపు అవుతుంది. వీలైనప్పుడల్లా కొత్తవి వేసి పాతవి మారుస్తూ ఉండేలా ప్రోత్సహించాలి. అప్పుడు ఆ గోడ వారి ఆలోచనలకు ప్రతిరూపంగా నిలుస్తుంది.

జ్ఞాపకంగా...  పిల్లల గదిలో మంచానికెదురుగా గోడపై వారి మొదటి సంవత్సరం పొడవునా వారి ఎదుగుదలను చూపించే చిత్రాలను ఫ్రేం చేయించి ఉంచాలి. నవజాత శిశువుగా ఉన్నప్పుడు వారు వేసుకున్న మొదటి దుస్తులు, టోపీ, సాక్సు, అప్పటి వారి పాద ముద్రలు వంటివీ ఫ్రేంలో ఉంచాలి. వాటిని చూసినప్పుడల్లా వారిలో ఉత్సాహం పెరుగుతుంది.

ఓ మూలగా... గదిలో ఓ మూల లేత వర్ణం వస్త్రంతో చిన్న టెంట్‌లా ఏర్పాటు చేయాలి. అందులో మెత్తని బొంత, దిండ్లు వేయాలి. పక్కనే చిన్న అల్మారలో బొమ్మల కథల పుస్తకాలుంచాలి. అందులోనే కూర్చొని హోం వర్క్‌ చేసుకోమంటే చాలు... ఆసక్తిగా చదువుకోవడమే కాదు, పుస్తక పఠనం కూడా అలవడుతుంది. అది వారిలో క్రమశిక్షణతోపాటు సృజనాత్మకతనూ పెంచుతుంది.

వృథాను ఉపయోగించి... పాత టైర్లకు ఆకర్షణీయమైన వర్ణాలద్ది వాటిలో బొమ్మలు, పుస్తకాలను సర్దొచ్చు. పాత అల్మార ఉంటే దానికి ముదురు రంగులేసి వారి వార్డ్‌రోబ్‌గా మార్చి చూడండి. ఇలాంటి వాటితో వృథాను ఎలా ఉపయోగించొచ్చు అనేదానిపై అవగాహన పెంచుకుంటారు.

ఫొటోల వెలుతురు... మంచానికి పక్కగా ఉంచే నైట్‌ల్యాంప్‌కు ఫ్యామిలీ ఫొటోలతోపాటు వారి చిన్నప్పటి ఫొటోలను అతికిస్తే బాగుంటుంది.


Advertisement


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని