కాలు, చెయ్యి లేకుంటేనేం.. 'ఫ్లయింగ్ ఫిష్’ అయింది! - inspiration story of china para swimmer jiang yuyan
close
Updated : 04/09/2021 18:14 IST

కాలు, చెయ్యి లేకుంటేనేం.. 'ఫ్లయింగ్ ఫిష్’ అయింది!

నీళ్లలో వేగంగా ఈత కొట్టాలంటే కాళ్లు చేతులు సక్రమంగా ఉండాల్సిందే. అయితే ఒక కాలు, ఒక చెయ్యి లేకపోయినా చేపపిల్లలా వేగంగా ఈదేస్తోంది చైనాకు చెందిన జియాంగ్‌ యుయాన్‌. డాక్టర్ల సలహాలతో ఈత కొలనులోకి దిగిన ఈ అమ్మాయి ఇప్పుడు అందులో ఏకంగా ప్రపంచ రికార్డులు కొల్లగొడుతోంది. తాజాగా పారాలింపిక్స్‌లోనూ రెండు బంగారు పతకాలు గెల్చుకుందీ టీనేజ్‌ సెన్సేషన్‌. ఇలా ఈతలో ‘ఫ్లయింగ్‌ ఫిష్‌’ గా మన్ననలు అందుకుంటోన్న ఈ పారా స్విమ్మర్‌ స్ఫూర్తిదాయక ప్రయాణం గురించి మనమూ తెలుసుకుందాం రండి.

రెండు బంగారు పతకాలు!

గతంలోలాగే ఈసారి కూడా టోక్యో పారాలింపిక్స్‌కు 256 మందితో భారీ బృందాన్ని పంపింది చైనా. అందులో అందరి దృష్టిని ఆకర్షించింది 16 ఏళ్ల జియాంగ్‌. కరోనా కారణంగా రెండేళ్ల పాటు ఈత కొలనుకు దూరంగా ఉన్నా... పారాలింపిక్స్‌లో పాల్గొనడం మొదటిసారైనా ఏ మాత్రం తడబడలేదీ టీనేజ్‌ సెన్సేషన్‌. ఇప్పటికే మహిళల 50 మీటర్ల బటర్‌ ఫ్లై ఎస్‌-6 విభాగంలో బంగారు పతకాన్ని ముద్దాడిన ఈ అమ్మాయి... తాజాగా మహిళల 400 మీటర్ల ఫ్రీ స్టైల్‌ విభాగంలో మరో స్వర్ణం సాధించింది.

ట్రక్కు ఢీకొని!

చైనాకు చెందిన జియాంగ్‌ మూడేళ్ల వయసులోనే రోడ్డు ప్రమాదానికి గురైంది. సరదాగా ఆటలాడుకుంటుండగా ఓ భారీ ట్రక్కు వచ్చి తనను చిదిమేసింది. తల్లిదండ్రులు వెంటనే ఆమెను ఆస్పత్రికి తీసుకెళ్లారు. ప్రమాదంలో తన కుడి చెయ్యి, కాలు బాగా దెబ్బతినడంతో పూర్తిగా తొలగించాల్సి వచ్చింది. దీని తర్వాత కూడా ఎముకల పెరుగుదలకు సంబంధించి పలు సమస్యలు తలెత్తాయి. దీంతో యాక్సిడెంట్‌ తర్వాత కూడా కొన్నేళ్ల పాటు ఆస్పత్రుల చుట్టూనే తిరగాల్సి వచ్చింది. ఈ క్రమంలోనే ఎముకల ఆరోగ్యం కోసం స్విమ్మింగ్‌ చేయాలని డాక్టర్లు జియాంగ్‌కు, ఆమె తల్లిదండ్రులకు సూచించారు.

పూల్‌లో దిగొద్దన్నారు!

చిన్నతనంలోనే దివ్యాంగురాలిగా మారిపోయిన తన కూతురుని చూసి తల్లడిల్లిపోయింది వాంగ్‌ జిఫాంగ్‌. అదే సమయంలో ఈ యాక్సిడెంట్‌ కారణంగా తన బిడ్డ భవిష్యత్ అంధకార బంధురం కాకూడదనుకుంది. డాక్టర్ల సలహా మేరకు జియాంగ్‌ను ఓ స్విమ్మింగ్ శిక్షణ శిబిరంలో చేర్పించింది. 2012లో మొదటిసారి నీళ్లలో దిగిన జియాంగ్‌ తోటి పిల్లల సూటి పోటి మాటలతో తీవ్ర ఇబ్బందులు పడింది.

‘చాలామందికి నీళ్లంటే భయం. అందుకే ఈత నేర్చుకోవడానికి జంకుతారు. అయితే నాకు అలాంటి భయాలేమీ లేవు. కానీ స్విమ్మింగ్‌ ట్రైనింగ్‌ కోసం చేరిన మొదట్లో కొందరు ‘నువ్వు అసంపూర్ణురాలివి..పూల్‌లోకి దిగద్దు’ అని అవమానించారు. ఈ మాటలు ఇబ్బంది పెట్టినా ఆ తర్వాత పట్టించుకోవడం మానేశాను’ అని ఓ సందర్భంలో తన చేదు అనుభవాలను గుర్తు చేసుకుందీ టీనేజ్‌ సెన్సేషన్.

చదువుతో పాటు స్విమ్మింగ్‌లోనూ సమాంతరంగా శిక్షణ తీసుకుంది జియాంగ్‌. 11 ఏళ్ల ప్రాయంలోనే 50 మీటర్ల బటర్‌ఫ్లై స్విమ్మింగ్‌ పోటీల్లో నేషనల్ ఛాంపియన్‌గా నిలిచింది. ఆ తర్వాత దుబాయి ఏషియన్‌ యూత్‌ పారా గేమ్స్‌, జకార్తా ఏషియన్‌ గేమ్స్‌లో పతకాల వేట కొనసాగించింది. ఇక 2019లో లండన్‌ వేదికగా జరిగిన ప్రపంచ పారా స్విమ్మింగ్‌ ఛాంపియన్‌షిప్‌లో మూడు స్వర్ణాలు, రెండు కాంస్య పతకాలు తన మెడలో వేసుకుంది. 

మూడేళ్లు కష్టపడ్డాను!

కరోనా కారణంగా సుమారు గత ఏడాదిన్నర కాలంగా ఈత కొలనుకు దూరంగా ఉండిపోయింది జియాంగ్‌. అయితే ఆ ప్రభావం పారాలింపిక్స్‌పై పడకుండా చూసుకుంది. టోక్యో చేరుకున్నాక సాధన కోసం ఎక్కువ సేపు స్విమ్మింగ్‌ పూల్స్‌ వద్దనే గడిపింది. ఆ కష్టమే బంగారు పతకాల రూపంలో తిరిగొచ్చింది.

‘పారాలింపిక్స్‌లో పాల్గొనడం ఇదే మొదటిసారి. స్వర్ణం గెల్చుకోవడం ఎంతో సంతోషంగా ఉంది. నేను ఈ పతకం కోసం మూడేళ్లుగా కష్టపడుతున్నా. నేను కోరుకున్నది దక్కింది. ఇప్పటివరకు నేను గెల్చుకున్న పతకాల్లో ఇవే బెస్ట్‌. మా అమ్మానాన్నలు, కోచ్‌ సహకారం, ప్రోత్సాహంతోనే ఈ విజయాలు వస్తున్నాయి’ అని ఈ సందర్భంగా చెప్పుకొచ్చిందీ ఫ్లయింగ్‌ ఫిష్.



మరిన్ని

ఇంటి పేరుతో కాదు... ఇది నా స్వయంకృషి...!

నాన్న ప్రముఖ నటుడు దగ్గుబాటి వెంకటేశ్‌. ఇక తాత, పెదనాన్న, అన్న... ఇలా ఆ ఇంట్లో వాళ్ల పేర్లు చెప్పక్కర్లేదు. వారి పేర్లు ఉపయోగించుకుంటే బోలెడు గుర్తింపు. కానీ ఆమె మాత్రం... తన అభిరుచి, సృజనాత్మకత, శ్రమలనే పెట్టుబడిగా గుర్తింపు సాధించాలనుకుంది. తనే వెంకటేశ్‌ పెద్ద కుమార్తె ఆశ్రిత. తన లక్ష్యం దిశగా కృషి చేస్తూ... ఇన్‌స్టాగ్రాం, యూట్యూబ్‌ల్లో లక్షల్లో అభిమానుల్ని సంపాదించుకుంది. ఇటీవల ఇన్‌స్టాగ్రాంలో ఎక్కువ సంపాదిస్తున్న సెలబ్రిటీల జాబితాను హోపర్‌డాట్‌కాం సంస్థ విడుదల చేసింది. అందులో ఆశ్రిత అంతర్జాతీయంగా 377, ఆసియాలో 27వ ర్యాంకులు సాధించింది. ఈ సందర్భంగా వసుంధర ఆమెతో ముచ్చటించింది.

తరువాయి

‘స్పెల్లింగ్స్‌’ చెప్పి సెన్సేషనయ్యారు!

పిల్లల్లో ఇంగ్లిష్‌ నైపుణ్యాలను పరీక్షించడానికి అమెరికాలో ఏటా నేషనల్‌ స్పెల్లింగ్‌-బీ పోటీలు నిర్వహిస్తోన్న సంగతి తెలిసిందే. ఎంతో ప్రతిష్ఠాత్మకంగా జరిగే ఈ పోటీల్లో వేలాదిమంది చిన్నారులు పాల్గొంటారు. తల్లిదండ్రులు కూడా తమ పిల్లలను ఈ పోటీలకు అన్ని రకాలుగా సిద్ధం చేస్తూ ప్రోత్సహిస్తుంటారు. ఇక ఈసారి నిర్వహించిన స్పెల్లింగ్‌-బీ పోటీల్లో లూసియానాకు చెందిన 14 ఏళ్ల జైలా అవంత్‌ గార్డే విజేతగా నిలిచింది. దీంతో 93 ఏళ్ల ఈ కంటెస్ట్‌ చరిత్రలో ఈ ట్రోఫీ నెగ్గిన మొదటి ఆఫ్రికన్‌ అమెరికన్‌గా, రెండో నల్లజాతీయురాలిగా చరిత్ర సృష్టించిందీ యంగ్‌ గర్ల్‌.

తరువాయి

కథ చెబుతాను... ఊ కొడతారా..!

రాత్రయిందంటే చాలు.. బామ్మ చెప్పే నీతికథలు వింటూ నిద్రలోకి జారుకోవడం మనందరికీ చిన్ననాటి ఓ మధుర జ్ఞాపకం! అప్పుడంటే చాలావరకు ఉమ్మడి కుటుంబాలు కాబట్టి ఇది వర్కవుట్‌ అయింది.. ఇప్పుడు వృత్తి ఉద్యోగాల రీత్యా చాలామంది ఇంట్లో పెద్దవాళ్లు, కన్న వాళ్ల నుంచి దూరంగా వచ్చేస్తున్నారు. దీంతో పిల్లలు వాళ్ల గ్రాండ్‌పేరెంట్స్‌ని, వాళ్లు చెప్పే బోలెడన్ని కథల్ని మిస్సవుతున్నారు. ఇలాంటి అనుభవమే తన చెల్లెలికీ ఎదురైందంటోంది 18 ఏళ్ల ప్రియల్ జైన్‌. అది చూసి ఆలోచనలో పడిపోయిన ఆమె.. నీతి కథలు చెప్పే ఓ ప్లాట్‌ఫామ్‌కు శ్రీకారం చుట్టింది. చిన్నారులకు బామ్మ దగ్గర లేని లోటుని తన వెబ్‌సైట్ తీరుస్తుందంటోన్న ఈ యంగ్‌ ఆంత్రప్రెన్యూర్‌ కథేంటో మనమూ తెలుసుకుందాం రండి..

తరువాయి

చిన్నప్పటి కల.. ఇలా సాధించేసింది!

ఆడవారు అనుకుంటే ఏదైనా సాధిస్తారు... వారికి కావల్సిందల్లా కాసింత ప్రోత్సాహం. ఎవరి సహకారం ఉన్నా, లేకున్నా తల్లిదండ్రులు, తోడబుట్టిన వారి సహకారం మాత్రం ఉంటే చాలు... అమ్మాయిలకు అసలు తిరుగుండదు. అన్నింటా విజయాలే సాధిస్తారు. పలువురికి ఆదర్శంగా నిలుస్తారు. అందుకు తాజా ఉదాహరణే 24 ఏళ్ల మావ్యా సూదన్‌. జమ్మూకశ్మీర్‌లోని ఓ మారుమూల గ్రామానికి చెందిన ఈ యువతి ఇటీవల ఇండియన్‌ ఎయిర్‌ ఫోర్స్‌ ఫైటర్‌ పైలట్‌గా నియమితురాలైంది. ఈ నేపథ్యంలో దేశం మొత్తంమీద ఈ అవకాశం దక్కించుకున్న 12 వ మహిళగా, మొదటి కశ్మీరీ మహిళగా గుర్తింపు పొందిందీ యంగ్‌ సెన్సేషన్.

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని