కాటన్‌ బాల్స్‌ని ఇలా కూడా వాడచ్చు! - multiple uses of cotton balls in telugu
close
Published : 04/09/2021 18:45 IST

కాటన్‌ బాల్స్‌ని ఇలా కూడా వాడచ్చు!

అమ్మాయిల బ్యూటీ కిట్‌లో ఉండే ముఖ్యమైన వస్తువుల్లో కాటన్‌ బాల్స్‌ కూడా ఒకటి. ముఖానికి రోజ్‌ వాటర్‌ రాసుకోవడానికైనా, వేసుకున్న మేకప్‌ తొలగించుకోవడానికైనా, నెయిల్‌ పాలిష్‌ని తొలగించుకునే క్రమంలో.. ఇలా అతివల సౌందర్య సంరక్షణలో ఇవి చాలా రకాలుగానే ఉపయోగపడతాయని చెప్పచ్చు. ఇలా కేవలం బ్యూటీ విషయంలోనే కాదు.. ఈ కాటన్‌ బాల్స్‌ని ఇంట్లో మరిన్ని అవసరాల కోసం కూడా వాడుకోవచ్చు. అదెలాగో ఇప్పుడు తెలుసుకుందాం రండి..

ఇంటి అవసరాల కోసం..!

* ఇంట్లో చీమల బెడదను తగ్గించుకోవాలంటే.. కొన్ని వేడి నీళ్లలో కొద్దిగా చక్కెర వేసి.. అందులో టీస్పూన్‌ బోరాక్స్‌ పొడి వేసి కలపాలి. ఇందులో ముంచిన కాటన్‌ బాల్‌ని చీమలున్న చోట పెడితే.. అవి చచ్చిపోతాయి. ఇతర కీటకాల్ని తొలగించడానికీ ఈ చిట్కా ఉపయోగించచ్చు.

* ఇంట్లో సింక్‌, కిచెన్‌ ప్లాట్‌ఫామ్‌, బాత్‌రూమ్‌.. వంటి పలుచోట్ల మూలల్లో జిడ్డుగా, మురికి పేరుకుపోవడం మనం గమనిస్తుంటాం. అయితే ఎంత రుద్దినా ఆ జిడ్డు ఓ పట్టాన వదలదు. అలాంటప్పుడు కాటన్ బాల్‌ను బ్లీచింగ్‌ పౌడర్‌లో ముంచి మూలలకు అప్లై చేసి గంట పాటు అలాగే ఉంచాలి. ఆపై రుద్దుతూ వేడినీటితో కడిగేస్తే సులభంగా జిడ్డు మాయమవుతుంది.

* వంటింట్లో అప్పుడప్పుడూ దుర్వాసనలు రావడం మామూలే. ఇలాంటి సమయాల్లో కొన్ని కాటన్‌ బాల్స్‌ని ఏదైనా అత్యవసర నూనెలో (ఎసెన్షియల్ ఆయిల్) కాసేపు నానబెట్టి.. ఆ గిన్నెను ఓ మూలన ఉంచడం వల్ల ఫలితం ఉంటుంది.

* కొన్ని చుక్కల వెనీలా ఎక్స్‌ట్రాక్ట్‌ని కాటన్‌ బాల్‌పై వేసి వార్డ్‌రోబ్‌లో ఓ మూల ఉంచితే దుస్తులు సువాసనలు వెదజల్లుతాయి. అలాగే రిఫ్రిజిరేటర్‌లో నుంచి వచ్చే దుర్వాసనలు పోగొట్టడానికీ ఈ చిట్కాను పాటించచ్చు.

* సింక్‌ ట్యాప్‌, వాష్‌బేసిన్‌ ట్యాప్‌, సింక్‌ టైల్స్‌.. ఇలా నీళ్లు పడిన చోట తెల్లటి మరకలు పడడం పరిపాటే. వాటిని స్క్రబ్బర్‌తో ఎంత రుద్దినా వదిలిపోవు. అలాంటప్పుడు వెనిగర్‌, నీళ్లు సమపాళ్లలో తీసుకొని.. ఆ మిశ్రమంలో కాటన్‌ బాల్‌ని ముంచి మరకలు పడిన చోట అప్లై చేయాలి. కొన్ని నిమిషాలయ్యాక ఆయా భాగాలను కడిగేయడం లేదంటే మృదువైన గుడ్డతో తుడిచేయడం చేయాలి.

* స్విచ్‌బోర్డులు, డోర్‌ నాబ్స్‌, డోర్‌ స్టాపర్స్‌.. వంటి చిన్న చిన్న వస్తువుల్ని శానిటైజ్‌ చేయడానికి పెద్ద పెద్ద క్లాత్స్‌ కంటే చిన్న కాటన్‌ బాల్స్‌ ఉపయోగిస్తే సులభంగా పని పూర్తవుతుంది.

* విత్తనాలు నాటుకోవడానికి ముందుగా అవి మొలకెత్తాలంటే ఒక జార్‌లో ఆయా విత్తనాలు, కొన్ని కాటన్‌ బాల్స్‌ని ఉంచాలి. ఆపై మూత పెట్టి ఒకసారి జార్‌ను షేక్‌ చేస్తే విత్తనాలు, బాల్స్‌ కలిసిపోతాయి. ఇప్పుడు బాల్స్‌ తడిచేలా నీళ్లు పోయాలి. బాల్స్‌ తడిని లాక్ చేసి ఉంచడం వల్ల నాలుగైదు రోజులకు విత్తనాలు మొలకలొస్తాయి. ఆపై వాటిని తీసి కుండీలో, నేలలో నాటుకుంటే సరి!

* ఎలుకలు, ఉడతలు.. వంటివి మీ గార్డెన్‌ను పాడుచేస్తుంటే.. వెనిగర్‌లో ముంచిన కొన్ని కాటన్‌ బాల్స్‌ని గార్డెన్‌లో అక్కడక్కడా వేయండి. సమస్య ఇట్టే పరిష్కారమవుతుంది.

బయటికి వెళ్లేటప్పుడు ఇలా!

* మీరు బయటికి వెళ్లేటప్పుడు మీ వద్ద పాకెట్‌ పెర్‌ఫ్యూమ్‌ లేదనుకోండి.. ఏం చేస్తారు? ఇంట్లో ఉండే పెద్ద పెర్‌ఫ్యూమ్‌ బాటిల్‌ని బ్యాగ్‌లో వేసుకొని తీసుకెళ్తాం అంటారా? దానికి ప్రత్యామ్నాయంగా ఈ సింపుల్‌ టిప్‌ని పాటిస్తే సరి! ఇందుకోసం కొన్ని కాటన్‌ బాల్స్‌పై పెర్‌ఫ్యూమ్‌ని స్ప్రే చేసుకొని లేదంటే కొన్ని చుక్కల సెంట్‌ వేసి జిప్‌లాక్ బ్యాగ్‌లో పెట్టేసుకోవాలి. ఇక మీకు అవసరమైనప్పుడు ఆ బాల్స్‌తో మెడలు, డ్రస్‌.. ఇలా మీకు ఎక్కడ కావాలనుకుంటే అక్కడ టచప్‌ ఇస్తే సరిపోతుంది.
* మీరు బయటికి వెళ్లినప్పుడల్లా మేకప్‌ కిట్‌ మోసుకెళ్లడం ఇబ్బందిగా ఉందా? అయితే ఆ సమయంలో మధ్యమధ్యలో టచప్‌ ఇవ్వాలనుకున్న బ్రాంజర్‌, బ్లష్‌.. వంటి వాటిలో వేర్వేరుగా కాటన్‌ బాల్‌ను అద్ది.. జిప్‌లాక్‌ బ్యాగ్‌లో పెట్టుకొని తీసుకెళ్లాలి. వాటితో మీకు కావాల్సినప్పుడు మీ అందానికి మెరుగులద్దుకోవచ్చు.

* ప్రయాణాల్లో బంగారు ఆభరణాలు, వెండి వస్తువులు డ్యామేజ్‌ కాకుండా ఉండాలంటే కాటన్‌బాల్స్ నింపిన చిన్న కుషన్స్‌ మధ్యలో వీటిని అమర్చడం, లేదంటే వాటికి సపోర్ట్‌గా ఉంచడం ఉత్తమం.

ఇలా కూడా!

* కొత్త చెప్పులు లేదా షూస్‌ వేసుకున్నప్పుడు వాటి రాపిడికి అక్కడక్కడా పాదాలపై దద్దుర్లు రావడం, ఎరుపెక్కడం మనకు అనుభవమే. అలా జరగకూడదంటే ఆయా భాగాలపై కాటన్‌ బాల్స్ ఉంచి.. చెప్పులు లేదా షూస్‌ వేసుకోవడం మంచిది.

* పిల్లలు డ్రాయింగ్‌ వేసే క్రమంలో వారి చేతులపై మార్కర్‌ మరకలు పడుతుంటాయి. అవి మామూలుగా కడిగితే ఓ పట్టాన వదలవు. అలాంటప్పుడు పాలల్లో ముంచిన కాటన్‌ బాల్‌తో మరకలు పడిన చోట రుద్దితే ఇట్టే వదిలిపోతాయి.

* దుస్తులపై పడిన సిరా మరకల్ని తొలగించడానికీ కాటన్‌ బాల్‌ ఉపయోగపడుతుంది. ఈ క్రమంలో ఆల్కహాల్‌ ద్రావణంలో ముంచిన కాటన్‌ బాల్‌తో మరక పడిన చోట నెమ్మదిగా రుద్ది.. ఆపై ఉతికేస్తే సరిపోతుంది.

* చేతులకు ధరించిన గ్లౌజులు కొన్ని రోజులకు డ్యామేజ్‌ అయి మునివేళ్ల భాగంలో చిరిగిపోవడం మనం గమనిస్తుంటాం. అలా జరగకూడదంటే మునివేళ్ల దగ్గర కాటన్‌ బాల్స్‌ని ఉంచి.. ఆపై గ్లౌజులు వేసుకోవాలి.

* ఎండ వేడికి చర్మం కందిపోయి మంట పుడుతుంది. అలాంటప్పుడు యాపిల్‌ సిడార్‌ వెనిగర్‌లో ముంచిన కాటన్‌ బాల్‌తో సమస్య ఉన్న చోట రాస్తే మంట తగ్గి చల్లబడుతుంది.

* పంటి నొప్పి వేధిస్తున్నట్లయితే లవంగం నూనెలో ముంచిన కాటన్‌ బాల్‌ను నొప్పి ఉన్న చోట కాసేపు ఉంచితే ఫలితం ఉంటుంది.



మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని