పద్నాలుగు పతకాలు ఆమె సొంతం!

మహిళా జయహో

పద్నాలుగు పతకాలు ఆమె సొంతం!

డాక్టర్‌ కావాలనేది తన చిన్ననాటి కల.. దాన్ని సాకారం చేసుకునేందుకు నిరంతరం శ్రమించింది. వైద్యవిద్యలో పద్నాలుగు బంగారు పతకాలు అందుకుని యువతకు ఆదర్శంగా నిలుస్తోంది. ఆమే ఇండోర్‌కి చెందిన యువ వైద్యురాలు కృతి జైన్‌.
ఉజ్జయినికి చెందిన కృతి ఎంబీబీఎస్‌లో పద్నాలుగు పతకాలు సాధించి విశ్వవిద్యాలయం టాపర్‌గా నిలిచింది. అంతేకాదు ఆ రాష్ట్రంలోనే మొదటిసారి ఇన్ని పతకాలు అందుకున్న తొలి వైద్యురాలిగా రికార్డు సృష్టించింది. డాక్టర్‌ కృతి జైన్‌ వైద్యవిద్యలో ఎనిమిది బంగారు పతకాలు, ఒక వెండి పతకం మొత్తం కలిపి తొమ్మిది పతకాలను ఆ రాష్ట్ర గవర్నరు ఆనందిబెన్‌ పాటిల్‌ నుంచి శుక్రవారం జరిగిన స్నాతకోత్సవంలో అందుకుంది.

సబ్జెక్ట్‌కు రెండు చొప్పున ఎనిమిది పసిడి పతకాలు, ఒక వెండి పతకం సాధించింది. అలాగే చివరి సంవత్సరం అన్ని సబ్జెక్ట్‌లలోనూ టాపర్‌గా నిలిచింది. కోర్సులో చేరినప్పటి నుంచి ప్రతి ఏడాది పసిడి పతకాన్ని కైవసం చేసుకుంటూ ఇప్పటిదాకా అయిదు పతకాలనూ అందుకుంది. అలా మొత్తం పద్నాలుగు పతకాలు ఆమెకు దక్కాయి.
ఈ పతకాల సాధనలో ఆమె ఎనలేని కృషి దాగి ఉంది. వీటిని సాధించడానికి చాలా కష్టపడింది. ‘డాక్టర్‌ కావాలనేది నా చిన్నప్పటి కల. దాన్ని సాకారం చేసుకునేందుకు చాలా కష్టపడ్డా. అన్ని సబ్జెక్ట్‌లకు సమాన ప్రాధాన్యం ఇచ్చేదాన్ని. ప్రతి దానికి ఇంత సమయం అంటూ పెట్టుకుంటూ రోజూ పక్కా ప్రణాళికతో ముందుకు వెళ్లేదాన్ని. ఈ నా కష్టంతోపాటు అమ్మానాన్నలు నా వెన్నంటే ఉండి ప్రోత్సహించేవారు. వారి తోడ్పాటు లేకపోతే ఇవన్నీ సాధ్యమయ్యేవి కావు. నేను సోషల్‌ మీడియాలో చురుగ్గా ఉంటా. అలా అని చదువును నిర్లక్ష్యం చేయను. వైఫల్యాలు ఎదురైనప్పుడు వాటి నుంచి పాఠాలను నేర్చుకుంటా’ అని చెబుతోంది ఈ యువ వైద్యురాలు. కృతి మహాత్మాగాంధీ మెమోరియల్‌ మెడికల్‌ కాలేజ్‌ (ఎంజీఎమ్‌) నుంచి ఎంబీబీఎస్‌ పూర్తిచేసింది. ప్రస్తుతం ‘శ్రీ అరబిందో మెడికల్‌ కాలేజీ’లో రేడియాలజీలో పీజీ రెండో ఏడాది చదువుతోంది.
ఎంజీఎమ్‌ అందించే ప్రతిష్ఠాత్మక పురస్కారం ‘ఎంజీఎమ్‌ బ్లూను కిందటి ఏడాది అందుకుంది. దాంతోపాటు ‘డాక్టర్‌ ఆర్‌పీ సింగ్‌ మెమోరియల్‌ అవార్డు’ను కైవసం చేసుకుంది. ఈమె తల్లిదండ్రులు అనిల్‌ జైన్‌, సీమా జైన్‌ కూతురు సాధించిన ఈ విజయానికి మురిసిపోతున్నారు. స్నేహితులు, బంధువుల ప్రశంసలతో తడిసి ముద్దవుతోంది కృతి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

మహిళా జయహో

మరిన్ని

రుచులు

App