Mon, February 08, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
ఇంటి పనులతో చదువు సాగదు
ఏపీ, తెలంగాణ రాష్ట్రాల్లో జరిపిన అధ్యయనంలో వెల్లడి
దిల్లీ
ఇంటిపనుల్లో ఎక్కువ సమయం గడిపే పిల్లలు మాధ్యమికవిద్యను (పదోతరగతి) పూర్తి చేసే అవకాశాలు చాలా తక్కువని ఒక అధ్యయనంలో వెల్లడైంది. ‘యంగ్‌ లైవ్స్‌ ఇండియా’ అనే స్వచ్ఛందసంస్థ ఆంధ్రప్రదేశ్‌, తెలంగాణ రాష్ట్రాల్లో దీనిని నిర్వహించింది. దీంట్లో భాగంగా 900 మందికిపైగా పిల్లలను ఆ సంస్థ ప్రతినిధులు ప్రశ్నించారు. రోజుకు మూడు లేదా అంతకన్నా ఎక్కువ గంటలపాటు ఇంటిపనులు చేసే పిల్లలు మాధ్యమికవిద్యను పూర్తిచేసే అవకాశం 70 శాతం కన్నా తక్కువని వీరి అధ్యయనంలో తేలింది. ఎనిమిదేళ్ల వయసులో పుస్తకాలను బాగా చదివే నైపుణ్యం ఉన్న పిల్లలు మాధ్యమిక విద్యను పూర్తి చేసే అవకాశం మామూలు పిల్లలకన్నా రెట్టింపు ఉంటుందని, అలాగే అదే వయసులో బాగా రాయగలిగే నైపుణ్యం ఉన్న పిల్లల్లో ఆ అవకాశం మూడురెట్లు అధికమని వెల్లడైంది. మరోవైపు, ఇంటిపనులు చేసే బాలల్లో మగపిల్లలకన్నా ఆడపిల్లలు చదువుకునే అవకాశం మరింత తక్కువని ఈ అధ్యయనం స్పష్టంచేసింది. ఈ ఫలితాలపై యంగ్‌లైవ్స్‌ ఇండియా కంట్రీ డైరెక్టర్‌ డాక్టర్‌ సింగ్‌ మాట్లాడుతూ.. ‘‘పనులు చేయకుండా పాఠశాలకు వెళ్లే సౌకర్యం పేదింటి పిల్లల్లో చాలా తక్కువమందికే లభిస్తోందని మా విశ్లేషణ నిర్ధరిస్తోంది. వీరిలో మాధ్యమిక విద్యను పూర్తి చేయటం అనేది బాలికలకన్నా బాలురలోనే అధికంగా ఉంటోంది’’ అని తెలిపారు. ఈ లింగవివక్షతను దూరం చేయటంతోపాటు, చిన్నారులు ఇంటిపనుల్లో తలమునకలు కాకుండా విద్యాభ్యాసంపై దృష్టిపెట్టేలా విధానాల రూపకల్పన జరగాలని ఈ అధ్యయనం సిఫార్సు చేసింది. ముఖ్యంగా ప్రాథమిక విద్య పూర్తి చేసేలా చర్యలు చేపడితే మాధ్యమికవిద్యను చదివే అవకాశాలు పెరుగుతాయని పేర్కొంది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

ఉప్పల్‌లో పరుగుల పండగ

మ్యాచ్‌ అంటే ఇదీ.. ఆడేది సినిమావాళ్లే అయినా, అంతర్జాతీయ మ్యాచ్‌కి ఏమాత్రం తీసిపోదు. టీ ట్వంటీలో ఉండే అసలైన మజా... మరోసారి తెలిసొచ్చింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net