తాజా వార్తలు

Facebook Share Twitter Share Comments Telegram Share
India-China: సీడీఎస్‌ బిపిన్‌ రావత్‌ వ్యాఖ్యలపై చైనా అభ్యంతరం!

బీజింగ్‌: భారత్‌కు చైనా అతిపెద్ద భద్రతా ముప్పుగా మారిందని, ఇరు దేశాల మధ్య సరిహద్దు వివాద పరిష్కారం విషయంలో విశ్వాసం లోపించిందని కొన్ని రోజుల కిందట డిఫెన్స్ స్టాఫ్‌ చీఫ్ జనరల్ బిపిన్ రావత్ వ్యాఖ్యానించారు. తాజాగా ఆయన వ్యాఖ్యలపై డ్రాగన్‌ దేశం తీవ్ర అభ్యంతరం వ్యక్తం చేసింది. అకారణంగా చైనాను నిందిస్తున్నారని, ఈ వ్యాఖ్యలు ఇరు దేశాల నాయకుల వ్యూహాత్మక మార్గదర్శకాలను ఉల్లంఘించడమేనని చైనా రక్షణ శాఖ ఆరోపించింది. ‘ఇరు దేశాలు ఒకదానికొకటి ముప్పుగా మారకూడదు. ఇలాంటి వ్యాఖ్యలతో ఘర్షణను ప్రేరేపించడం బాధ్యతారాహిత్యం, ప్రమాదకరం’’అని చైనా రక్షణ శాఖ ప్రతినిధి సీనియర్‌ కల్నల్‌ వూ క్వియాన్‌ అన్నారు. బిపిన్‌ వ్యాఖ్యలపై తమ అభ్యంతరాన్ని ఇప్పటికే భారత ప్రతినిధులకు తెలియజేసినట్లు చెప్పారు.

‘‘చైనా-భారత సరిహద్దు సమస్యపై చైనాకు స్పష్టమైన వైఖరి ఉంది. చైనా సరిహద్దు భద్రతాదళాలు జాతీయ సార్వభౌమాధికారాన్ని, భద్రతను పరిరక్షిస్తున్నాయి. అలాగే, సరిహద్దు ప్రాంతంలో ప్రశాంత వాతావరణం కొనసాగించడానికి కట్టుబడి ఉన్నాయి. ఘర్షణ పరిస్థితిని తగ్గించడం కోసం గొప్ప ప్రయత్నాలు చేస్తున్నాయి’’అని సీనియర్‌ కల్నల్‌ వూ క్వియాన్‌ తెలిపారు.

గతేడాది తూర్పు లద్దాఖ్‌లో గల్వాన్‌ ఘటన అనంతరం భారత్‌-చైనా సరిహద్దుల ఉద్రిక్త పరిస్థితులు నెలకొన్న విషయం తెలిసిందే. దీంతో రెండు దేశాలు సైనిక స్థావరాలను ఏర్పాటు చేసుకోవడంతో పాటు భారీ సంఖ్యలో సైనికులను మోహరించాయి. ఈ వివాదం పరిష్కారానికి ఇరు దేశాలకు చెందిన సైనికాధికారులు పలుమార్లు సమావేశమైనా చర్చలు ఎటూ తేలకుండానే ముగిశాయి.

Read latest National - International News and Telugu News


మరిన్ని

దేవ‌తార్చ‌న

+

© 1999- 2022 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

For Editorial Feedback - eMail: infonet@eenadu.net
For Digital Marketing enquiries Contact : 040 -
23318181 eMail :marketing@eenadu.net
Best Viewed In Latest Browsers
Terms & Conditions   |   Privacy Policy
Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.