Azadi Ka Amrit Mahotsav: ఆరు ఖండాల్లో ఆజాదీకా అమృత్‌ మహోత్సవ్‌..!

ఉత్సాహంగా ఇండియన్‌ నేవీ కార్యక్రమాలు

ఇంటర్నెట్‌డెస్క్‌: భారత నౌకాదళం ఆరు ఖండాలు, మూడు సముద్రాల్లోని ఆరు టైమ్‌జోన్లలో ఆజాదీకా అమృత్‌ మహోత్సవ్‌ కార్యక్రమాలు నిర్వహించింది. ఈ సందర్భంగా ఆయా ప్రాంతాల్లోని భారత యుద్ధనౌకలపై త్రివర్ణ పతాకాన్ని ఎగురవేశారు. విదేశాల్లో ఉంటున్న పలువురు భారత వాసులు ఈ కార్యక్రమాలు చూసేందుకు ఆయా ఓడరేవుల వద్దకు ఉత్సాహంగా వచ్చారు. చాలా మంది యుద్ధ నౌకలు ఎక్కి ఫొటోలు తీసుకొన్నారు. ఈ కార్యక్రమంలో భాగంగా భారత యుద్ధ నౌక ఐఎన్‌ఎస్‌ సూర్య సింగపూర్‌లోని ఛాంగై నౌకాదళ స్థావరానికి చేరుకొంది. 

* దక్షిణ అమెరికాలోని బ్రెజిల్‌లో ఉన్న భారత నేవీకి చెందిన ఐఎన్‌ఎస్‌ తరక్ష్‌పై జాతీయ పతాకాన్ని ఎగురవేశారు. ఈ సందర్భంగా నౌకాదళ సిబ్బంది పరేడ్‌ నిర్వహించారు. ఈ కార్యక్రమం రియో డి జెనిరియోలో జరిగింది.

* ఐరోపాలోని సముద్ర జలాల్లో ఉన్న భారత నౌక ఐఎన్‌ఎస్‌ తరంగిణిపై సిబ్బంది స్వాతంత్ర్య దినోత్సవ వేడుకలు నిర్వహించారు. ఈ నౌక లండన్‌లోని కాన్‌ వార్ఫ్‌ వద్ద వెస్ట్‌ఇండియా డాక్స్‌లో లంగర్ వేసి ఆగింది. ఈ సందర్భంగా జెండా వందనం నిర్వహించారు. ఈ కార్యక్రమంలో వందల మంది భారతీయులు పాల్గొన్నారు.

* కెన్యాలోని ముంబాస పోర్టుకు భారత యుద్ధ నౌక ఐఎన్‌ఎస్‌ తబర్‌ చేరుకొంది. ముంబాస నగరంలో ఆజాదీకా అమృత్‌ మహోత్సవ్‌ కార్యక్రమాలు నిర్వహించారు. వీటిల్లో నౌక సిబ్బంది తదితరులు పాల్గొన్నారు. 

* ఆజాదీకా అమృత్‌ మహోత్సవ్‌లో భాగంగా నౌకాదళం నిర్వహిస్తోన్న కార్యక్రమం కోసం భారత యుద్ధ నౌక ఐఎన్‌ఎస్‌ సుమేధ ఆస్ట్రేలియాలోని పెర్త్‌ నౌకాశ్రయానికి చేరుకొంది. అక్కడ భారతీయులు పెద్ద ఎత్తున నౌకను సందర్శంచారు. 

* అమెరికాలో ఆజాదీకా అమృత్‌ మహోత్సవ్‌లో పాల్గొనేందుకు భారత యుద్ధ నౌక శాన్‌ డియాగో పోర్టుకు చేరుకొంది.








మరిన్ని

ap-districts
ts-districts