Andhra News: స్వాతంత్ర్య దినోత్సవ వేళ.. 175 మంది ఖైదీల విడుదల

అమరావతి: స్వాతంత్ర్య దినోత్సవాన్ని పురస్కరించుకొని సత్ర్పవర్తన కలిగిన ఖైదీలను ఆంధ్రప్రదేశ్‌ ప్రభుత్వం విడుదల చేసింది. రాష్ట్ర వ్యాప్తంగా 175 మంది ఖైదీలను విడుదల చేస్తూ ప్రభుత్వం ఉత్తర్వులు జారీ చేసింది. వీరిలో 48 మంది జీవిత ఖైదు పడిన వారుసైతం ఉన్నారు. విడుదలైన మొత్తం ఖైదీల్లో రాజమహేంద్రవరం కేంద్ర కారాగారం నుంచి 66 మంది విడుదలయ్యారు. వారిలో 55 మంది పురుషులు, 11 మంది మహిళలున్నారు. విశాఖ కేంద్ర కారాగారం నుంచి 40 మందిని విడుదల చేశారు. వీరిలో 33 మంది జీవిత ఖైదు, ఏడుగురు ఇతర శిక్షలు పడిన వారు ఉన్నారు. నెల్లూరు కేంద్ర కారాగారం నుంచి 25 మంది ఖైదీలకు ప్రభుత్వం విముక్తి కలిగించింది. బయటకు వెళ్లిన తర్వాత ఎలాంటి చట్ట వ్యతిరేక కార్యకలాపాలకు పాల్పడినా ఉపశమనాన్ని రద్దు చేస్తామని పోలీసులు ఖైదీలను హెచ్చరించారు.


మరిన్ని

ap-districts
ts-districts