Tamil Nadu: జాలర్లకు చిక్కిన రూ.50 కోట్ల అంబర్‌ గ్రిస్‌

చెన్నై (మహాబలిపురం), న్యూస్‌టుడే: తమిళనాడులోని కల్పాక్కం సమీపంలో జాలర్ల వలల్లో చిక్కిన రూ.50 కోట్ల విలువైన అంబర్‌ గ్రిస్‌(తిమింగలం వాంతి)ని అచ్చిరుపాక్కం అటవీశాఖ అధికారులకు అప్పగించారు. అటవీ అధికారుల కథనం మేరకు... చెంగల్పట్టు జిల్లా కల్పాక్కం సమీప కడపాక్కం గ్రామానికి చెందిన ఇంద్రకుమార్‌, మాయకృష్ణన్‌, కర్ణన్‌, శేఖర్‌ చేపల వేట కోసం శనివారం సముద్రంలోకి వెళ్లారు. వారు విసిరిన వలల్లో 38.6 కిలోల అంబర్‌ గ్రిస్‌ చిక్కింది. జాలర్లు ఈ విషయాన్ని అచ్చిరుపాక్కం అటవీశాఖ అధికారులకు తెలియజేయడంతో దానిని స్వాధీనం చేసుకున్నారు.