close

ఫీచర్ పేజీలు

Facebook Share Twitter Share WhatsApp Share Telegram Share
జింకల్లే గెంతాల..

కొత్త కరోనా విజృంభణతో జింక్‌కు ప్రాధాన్యం పెరిగిపోయింది. ఇది రోగనిరోధకశక్తిని పెంపొందిస్తుంది మరి. ఒక్క రోగనిరోధకశక్తి పెంపొందటానికే కాదు శరీరంలోని అన్ని అవయవాలు, వ్యవస్థలు పనిచేయటానికీ జింక్‌ తోడ్పడుతుంది. దీని కథేంటో తెలుసుకొని, జాగ్రత్త పడదాం.
* రోజుకు మగవాళ్లకు 8 మి.గ్రా., ఆడవాళ్లకు 11 మి.గ్రా. జింక్‌ చాలు. అయినా చాలామంది దీని లోపంతో బాధపడుతున్నవారే.
* మాంసం, చికెన్‌ వంటి వాటితో జింక్‌ ఎక్కువగా లభిస్తుంది.
* గింజపప్పులు, పప్పుల్లోనూ జింక్‌ ఉంటుంది గానీ స్వల్పమే. పైగా కూరగాయలు, తృణధాన్యాల్లోని ఫైటిక్‌ ఆమ్లం దీన్ని దెబ్బతీస్తుంది. జింక్‌తో ఫైటిక్‌ ఆమ్లం చర్య జరిపి జింక్‌ ఫైటేట్‌గా మారుస్తుంది. దీన్ని శరీరం గ్రహించుకోలేదు.
* తృణధాన్యాలు ఎక్కువగా.. మాంసాహార ప్రొటీన్‌ తక్కువగా తినేవారిలో జింక్‌ లోపం అధికం.
* తరచూ విరేచనాలు, పరాన్నజీవుల ఇన్‌ఫెక్షన్‌, మద్యం అలవాటు, కాలేయ జబ్బు, కిడ్నీ వైఫల్యం వంటి సమస్యలూ జింక్‌ లోపానికి దారితీస్తాయి.
* జింక్‌ లోపిస్తే సంతాన సామర్థ్యమూ దెబ్బతినొచ్చు. గర్భిణుల్లో  పిండం ఎదుగుదల కుంటుపడొచ్చు.
* రక్తహీనతకు ఐరన్‌తో పాటు జింక్‌ సైతం వాడుకోవాల్సి వస్తే 12 గంటల తేడాతో తీసుకోవాలి. కలిపి తీసుకుంటే ఇవి పనిచేయవు.
* జింక్‌ లోపం దుష్ప్రభావాలు నెమ్మదిగా బయటపడుతుంటాయి. దీని లోపంతో ఎదుగుదల కుంటుపడుతుంది. వెంట్రుకలు ఊడిపోవటం, గోళ్లు పెళుసుబారటం, చర్మం పొడిబారటం, ఆకలి తగ్గటం, వాసన తగ్గటం, తరచూ జలుబు రావటం, శరీర ఉష్ణోగ్రత మారిపోవటం, నిస్సత్తువ, చిరాకు వంటి సమస్యలెన్నో తలెత్తుతాయి.
* లోపాన్ని తగ్గించుకోవటానికి మాత్రలు, సిరప్‌ల రూపంలోనైతే శరీర బరువును బట్టి తీసుకోవాలి. ఒక రోజుకు పిల్లలకైతే కిలోకు 2-4 మి.గ్రా. (ఉదా: 10 కిలోల బరువున్నవారికి 20-40 మి.గ్రా.).. పెద్దవాళ్లకు కిలోకు 40 మి.గ్రా. (ఉదా: 50 కిలోల బరువున్నవారికి 2000 మి.గ్రా.) అవసరం.


మరిన్ని

జిల్లా వార్తలు

దేవ‌తార్చ‌న

రుచులు