Air Travel: జూన్‌లో పుంజుకున్న ప్రయాణాలు! - Air travel increased in June
close

Published : 25/06/2021 21:09 IST
Facebook Share Twitter Share WhatsApp Share Telegram Share Link Share

Air Travel: జూన్‌లో పుంజుకున్న ప్రయాణాలు!

దిల్లీ: కరోనా రెండో దశ ఉద్ధృతి అదుపులోకి రావడంతో రాష్ట్రాలు లాక్‌డౌన్లు ఎత్తివేస్తున్నాయి. దీంతో విమాన ప్రయాణాలు పుంజుకుంటున్నాయి. మే నెలలో నమోదైన రోజువారీ సగటు ప్రయాణికుల సంఖ్య 42 వేలతో పోలిస్తే జూన్ మూడో వారం ప్రారంభం నాటికి ఆ సంఖ్య మూడింతలు పెరిగి 1,25,000లకు చేరినట్లు ప్రముఖ విమానయాన సంస్థల గణాంకాలు వెల్లడిస్తున్నాయి. ఈ నెలలో ప్రయాణికుల సంఖ్య మరింత పెరిగే అవకాశం ఉంది. జూన్‌ రెండో వారం నుంచి నమోదైన రోజువారీ సగటు ప్రయాణికుల సంఖ్య.. మార్చి రోజువారీ సగటు 3,13,000లో 40 శాతమే కావడం గమనార్హం. మార్చిలో విమానయాన రంగం సాధారణ పరిస్థితులకు దగ్గరగా వచ్చింది. కానీ, రెండో వేవ్‌ విరుచుకుపడడంతో పరిస్థితులన్నీ తారుమారయ్యాయి. కొవిడ్‌ మునుపటి సంఖ్య 4,14,000 పోలిస్తే జూన్‌లో ఇప్పటి వరకు నమోదైన రోజువారీ సగటు ప్రయాణికుల సంఖ్య 30 శాతమే కావడం గమనార్హం.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని