close

Updated : 22/01/2021 07:50 IST
Facebook Share Twitter Share WhatsApp Share Telegram Share
సైయెంట్‌ లాభం రూ.95.4 కోట్లు

ఈనాడు, హైదరాబాద్‌:  హైదరాబాద్‌కు చెందిన ఐటీ సేవల కంపెనీ సైయెంట్‌ లిమిటెడ్‌ ఈ ఆర్థిక సంవత్సరం మూడో త్రైమాసికంలో ఏకీకృత ఖాతాల ప్రకారం రూ.1044.3 కోట్ల ఆదాయాన్ని ఆర్జించింది. 2019-20 ఇదేకాలంలో ఆదాయం రూ.1105.9 కోట్లు ఉండటం గమనార్హం. ఇదే సమయంలో నికరలాభం రూ.107.6 కోట్ల నుంచి రూ.95.4 కోట్లకు తగ్గింది. ప్రస్తుత ఆర్థిక సంవత్సరం మొదటి 9 నెలల కాలానికి సైయెంట్‌ రూ.3039.3 కోట్ల ఆదాయాన్ని, రూ.260.7 కోట్ల నికరలాభాన్ని ఆర్జించింది. 2019-20 ఇదే కాలంలో ఆదాయం రూ.3353.8 కోట్లు, నికరలాభం రూ.295 కోట్లు ఉన్నాయి. సమీక్షా త్రైమాసిక ఫలితాలు తమ అంచనాలకు అనుగుణంగా ఉన్నట్లు సైయెంట్‌ ఎండీ బి.కృష్ణ పేర్కొన్నారు. ఇటీవల కొన్ని పెద్ద కాంట్రాక్టులు వచ్చినందున సమీప భవిష్యత్తులో ఆదాయాలు పెరుగుతాయని అన్నారు. ప్రస్తుత ఆర్థిక సంవత్సరం పూర్తికాలానికి రెండంకెల వృద్ధి ఉంటుందనే అంచనాల్లో మార్పు ఉండదని స్పష్టం చేశారు.

Tags :

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని