Chidambaram: డిసెంబర్‌కీ అందరికీ టీకా..ఒట్టి మాటే.. - chidambaram slams govts covid vaccination programme
close
Published : 13/07/2021 17:29 IST
Facebook Share Twitter Share WhatsApp Share Telegram Share Link Share

Chidambaram: డిసెంబర్‌కీ అందరికీ టీకా..ఒట్టి మాటే..

దిల్లీ: కరోనాను కట్టడి చేసే లక్ష్యంతో కేంద్రం నిర్వహిస్తోన్న టీకా కార్యక్రమం నత్తనడకన సాగుతోందని కాంగ్రెస్ నేత చిదంబరం విమర్శించారు. డిసెంబర్ చివరినాటికి దేశంలోని వయోజనులందరికీ టీకా అందించనున్నామనే ప్రభుత్వ హామీ.. ఒట్టి ప్రగల్భమంటూ నిందించారు. ఒడిశా, దిల్లీ టీకా కొరతను ఎదుర్కొంటున్నాయని ఆరోపించారు. ఏ ఆటంకం లేని టీకా పంపిణీ కోసం కేంద్ర ఆరోగ్య శాఖ ఎలాంటి ప్రణాళికలు వేస్తోందని ప్రశ్నించారు. ఈ క్రమంలో ఆయన ట్విటర్ వేదికగా స్పందించారు.

‘టీకా కొరత వాస్తవం. టీకా ఉత్పత్తి అతిశయోక్తి. టీకా దిగుమతి ఒక రహస్యం. 2021 డిసెంబరు నాటికి వయోజనులందరికీ టీకా వేస్తామన్న ప్రభుత్వ హామీ ఒట్టి ప్రగల్భం. టీకా కార్యక్రమం గురించి నూతనంగా నియమితులైన ఆరోగ్య శాఖ మంత్రి దేశానికి సమాధానం చెప్పాలి. నిరంతరాయంగా టీకా పంపిణీ జరిగేందుకు ఎలాంటి ప్రణాళికలు వేశారో వెల్లడించాలి’ అంటూ కేంద్రంపై విమర్శలు చేశారు. ఒడిశాలోని 30 జిల్లాల్లో 24 జిల్లాలు టీకా కొరతను ఎదుర్కొంటున్నాయని వెల్లడించారు. ‘ఒడిశాలోని అధికార పార్టీ భాజపా మిత్రపక్షం. ఇప్పుడు ఆ రాష్ట్రంలో టీకా కొరత ఎదుర్కొంటోంది. ఇంతకాలం టీకా కొరతపై వస్తోన్న వార్తలను తోసిపుచ్చిన కేంద్రం ఇప్పుడు ఏం చెప్తుంది’ అని ప్రశ్నించారు. 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని