జయమ్మగా ‘క్రాక్‌’తోనూ, లాయర్‌ ఆద్యగా ‘నాంది’ చిత్రంతోనూ తెలుగు ప్రేక్షకులకు మరింతగా చేరువైంది వరలక్ష్మి శరత్‌కుమార్‌. ఆమె కథానాయికగా త్వరలోనే ఓ హారర్‌ చిత్రం రూపొందనుంది. డార్లింగ్‌ స్వామి దర్శకత్వం వహించనున్న ఈ చిత్రాన్ని, హవీష్‌ ప్రొడక్షన్‌ పతాకంపై కాంచన కోనేరు నిర్మిస్తున్నారు. కోనేరు సత్యనారాయణ సమర్పకులు. వరలక్ష్మి పుట్టినరోజు సందర్భంగా శుక్రవారం ఈ సినిమాని ప్రకటించారు. ‘‘హారర్‌ వినోదంతో రూపొందనున్న ఈ చిత్రంలో వరలక్ష్మి ఓ విలక్షణ పాత్రలో కనిపించనుంద’’ని సినీ వర్గాలు తెలిపాయి. ఈ చిత్రానికి కళ: గాంధీ నడికుడికర్‌, కూర్పు: అమర్‌రెడ్డి.