RenuDesai: వాళ్లని ప్రశ్నించండి.. నన్ను కాదు - go and question your politicians but not me
close
Published : 21/05/2021 00:59 IST
Facebook Share Twitter Share WhatsApp Share Telegram Share Link Share

RenuDesai: వాళ్లని ప్రశ్నించండి.. నన్ను కాదు

ఆగ్రహానికి లోనైన నటి

హైదరాబాద్‌: సాయం కోరుతూ తాము చేసిన మెస్సేజ్‌లకు సరైన సమయంలో రేణూ స్పందించడం లేదంటూ కొంతమంది వ్యక్తులు మెస్సేజ్‌లు పెడుతున్నారని నటి రేణూదేశాయ్‌ అసంతృప్తి వ్యక్తం చేశారు. లాక్‌డౌన్‌ కారణంగా ఇంట్లోనే ఉంటున్న రేణూ గత కొన్నిరోజుల నుంచి పలువురు కొవిడ్‌ బాధితులకు చేయూతనందిస్తున్న విషయం విదితమే. కాగా, తాజాగా ఓ నెటిజన్‌.. కొవిడ్‌ ఆసుపత్రుల విషయంలో సాయం చేయమని కోరుతూ రేణూకి మెస్సేజ్‌ పెట్టాడు. కాకపోతే ఆమె ఆ సందేశానికి ఏవిధంగానూ స్పందించలేదు. దీంతో ఆగ్రహానికి లోనైన నెటిజన్‌.. ‘మేడమ్‌ సాయం చేస్తున్నా అన్నారు. ఎక్కడ చేస్తున్నారండి మీరు.. సాయం. డబ్బున్న వాళ్లనే మీరు పట్టించుకుంటారు కానీ మాలాంటి మధ్య తరగతి వాళ్లని  పట్టించుకోరు’ అని సందేశం పంపించాడు. కాగా, నెటిజన్‌ పంపిన సందేశం పట్ల ఆమె అసంతృప్తి చెందారు. తనని ప్రశ్నించాల్సిన అవసరం ఎవరికీ లేదని.. కావాలంటే రాజకీయ నాయకుల్ని ప్రశ్నించమని ఆమె అన్నారు.

‘సుమారు 10-12 రోజుల నుంచి నిరంతరంగా కొవిడ్‌ బాధితులకు నాకు చేతనైనంత సాయం చేస్తున్నాను. నేను ఏమీ రాజకీయ నాయకురాలినో లేదా మీరు ఎన్నుకున్న నేతనో కాదు.. మీరు నన్ను ప్రశ్నించడానికి!! మీరు ఎవరికైతే ఓట్లు వేశారో వెళ్లి వాళ్లని ప్రశ్నించండి!! సాయం కోరుతూ కొంతమంది వ్యక్తులు పెడసరి ధోరణితో నాకు మెస్సేజ్‌లు పెడుతున్నారు. వాటి వల్ల కొన్నిసార్లు సాయం చేయాలనే స్ఫూర్తి పోతుంది. ఒకవేళ నేను కనుక మీ మెస్సేజ్‌కు స్పందించకపోతే దయచేసి నాకు మరొకసారి సందేశాన్ని పంపించండి. ఎందుకంటే చేయూతనందించమంటూ నాకు ఎంతోమంది మెస్సేజ్‌లు చేస్తున్నారు. దానివల్ల కొన్నిటిని నేను చూడలేకపోతున్నాను’ అని రేణూ వివరించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని