Mahesh Babu: ఫ్యాన్స్‌ను నిరాశపరచకూడదని.. మహేశ్‌బాబు ప్లాన్‌ అదేనా? - mahesh babu want to finish sarkaruvaripata as early as possible
close
Published : 08/09/2021 19:49 IST
Facebook Share Twitter Share WhatsApp Share Telegram Share Link Share

Mahesh Babu: ఫ్యాన్స్‌ను నిరాశపరచకూడదని.. మహేశ్‌బాబు ప్లాన్‌ అదేనా?

ఇంటర్నెట్‌డెస్క్‌: ‘సరిలేరు నీకెవ్వరు’ విజయంతో దూకుడు మీదున్నారు అగ్ర కథానాయకుడు మహేశ్‌బాబు. అదే వేగంతో తన తర్వాతి చిత్రం ‘సర్కారువారి పాట’ను పూర్తి చేద్దామనుకున్నా, ఆ స్పీడ్‌కు కరోనా బ్రేక్‌లు వేసింది. ప్రస్తుతం షూటింగ్‌లకు ఎలాంటి ఇబ్బందులు లేకపోవడంతో ఈ సినిమాను వీలైనంత త్వరగా పూర్తి చేయాలని భావిస్తున్నారట. దర్శకుడు పరుశురామ్‌ వర్కింగ్‌ స్టైల్‌ కూడా అదే కావడంతో సినిమా చిత్రీకరణ శరవేగంగా జరుగుతోందట.

‘సరిలేరు నీకెవ్వరు’ తర్వాత గ్యాప్‌ వచ్చినట్లు ఈ సారి రాకుండా చూసుకుందామని మహేశ్‌ ప్రణాళిక సిద్ధం చేసుకున్నట్లు తెలుస్తోంది. ‘సర్కారు వారి పాట’ను పూర్తి చేసి, ఇక విరామం తీసుకోకుండా వెంటనే త్రివిక్రమ్‌ క్యాంప్‌లోకి అడుగు పెట్టాలని యోచిస్తున్నారు. అన్నీ కుదిరితే నవంబర్‌ నుంచి ఈ సినిమా షూటింగ్‌ షురూ కానున్నట్లు తెలుస్తోంది. వచ్చే ఏడాది ద్వితీయార్ధంలో మహేశ్‌-త్రివిక్రమ్‌ ప్రేక్షకుల ముందుకు తీసుకొచ్చేలా షెడ్యూల్‌ ప్లాన్‌ చేస్తున్నారు. ఇక ఈ సినిమాలో కథానాయికగా పూజాహెగ్డేను ఇప్పటికే ఎంపిక చేశారు. మరోవైపు ‘సర్కారు వారిపాట’లో కథానాయికగా కీర్తి సురేశ్‌ నటిస్తున్న సంగతి తెలిసిందే. తమన్‌ స్వరాలు సమకూరుస్తున్న ఈ చిత్రాన్ని మైత్రీ మూవీ మేకర్స్‌ నిర్మిస్తోంది. సంక్రాంతి కానుకగా జనవరి 13, 2022న ఈ సినిమా ప్రేక్షకుల ముందుకు తీసుకురానున్నారు.



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని