ఇది హిట్‌మ్యానా.. భజ్జీ అనుకున్నామే! - rohit sharma imitates harbhajan singhs bowling action
close
Published : 06/02/2021 19:50 IST
Facebook Share Twitter Share WhatsApp Share Telegram Share Link Share

ఇది హిట్‌మ్యానా.. భజ్జీ అనుకున్నామే!

ఇంటర్నెట్‌డెస్క్‌: చెపాక్‌ వేదికగా భారత్‌తో జరుగుతున్న తొలి టెస్టులో ఇంగ్లాండ్ పటిష్ఠ స్థితిలో నిలిచింది. రెండో రోజు ఆట ముగిసేసరికి మొదటి ఇన్నింగ్స్‌లో 8 వికెట్ల నష్టానికి 555 పరుగులు చేసింది. కెప్టెన్‌ జో రూట్ (218) ద్విశతకం సాధించాడు. అయితే రెండో రోజు ఆటలో బౌలర్లకు కాస్త విశ్రాంతిని ఇవ్వాలని భావించిన భారత సారథి విరాట్ కోహ్లీ టీ విరామానికి ముందు రోహిత్‌కు బంతిని అందించాడు. రెండు ఓవర్లు వేసిన హిట్‌మ్యాన్ ఏడు పరుగులిచ్చాడు.

అయితే రెండో సెషన్‌లో ఆఖరి ఓవర్ వేసిన రోహిత్ చివరి బంతిని టీమిండియా సీనియర్ స్పిన్నర్‌ హర్భజన్‌ సింగ్‌లా అనుకరించి బౌలింగ్ చేశాడు. భజ్జీ శైలిలో చేతుల్ని తిప్పుతూ బంతిని విసిరాడు. రోహిత్‌ బౌలింగ్ శైలిని చూసి బ్యాటింగ్ చేస్తున్న రూట్ కూడా చిరునవ్వు నవ్వాడు. అంతేగాక హిట్‌మ్యాన్ బౌలింగ్ చేస్తుండగా వికెట్ల వెనుక ఉన్న పంత్‌ బిగ్గరగా అరుస్తూ సలహాలిచ్చాడు. దానికి రోహిత్ నవ్వుతూ ‘అలాగే సర్‌’ అని బదులివ్వడం గమనార్హం.

దీనికి సంబంధించిన వీడియో నెట్టింట్లో వైరల్‌గా మారింది. అలసిపోయిన సహచర ఆటగాళ్లలో జోష్‌ నింపడానికి భజ్జీలా రోహిత్‌ సరదాగా బౌలింగ్ చేశాడని నెటిజన్లు కామెంట్లు చేస్తున్నారు. బౌలింగ్ చేసేది భజ్జీనే అనుకున్నామని కొందరు ఫన్నీగా పోస్ట్‌లు పెడుతున్నారు.

ఇవీ చదవండి

రూట్‌’ను తప్పించడం ఎందుకింత కష్టం!

సీన్‌ రిపీట్‌: ఇంగ్లాండ్‌దే పైచేయి




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని