Corona: ఆత్మసంతృప్తి వద్దు.. జాగ్రత్తగా ముందుకెళ్దాం - states uts must ensure lockdown opening up process is carefully calibrated
close
Published : 19/06/2021 13:37 IST
Facebook Share Twitter Share WhatsApp Share Telegram Share Link Share

Corona: ఆత్మసంతృప్తి వద్దు.. జాగ్రత్తగా ముందుకెళ్దాం

రాష్ట్రాలకు కేంద్ర హోంశాఖ లేఖ

దిల్లీ: కొవిడ్ పరిస్థితులను నిశితంగా గమనించి, కార్యకలాపాలను పునఃప్రారంభించడంలో అప్రమత్తంగా వ్యవహరించాలని రాష్ట్రాలు/కేంద్ర పాలిత ప్రాంతాలకు కేంద్ర ప్రభుత్వం సూచించింది. వైరస్ వ్యాప్తి అదుపులోకి వస్తోన్న వేళ.. నిబంధనల విషయంలో సంతృప్తి పడొద్దని హెచ్చరించింది. ఈ మేరకు పలు సూచనలు చేస్తూ శనివారం కేంద్ర హోంశాఖ కార్యదర్శి అజయ్ భల్లా లేఖ రాశారు. 

క్షేత్రస్థాయిలో పరిస్థితిని ఎప్పటికప్పుడు సమీక్షించుకుంటూ కొవిడ్ ఆంక్షల విధింపు లేక సడలింపు విషయంలో నిర్ణయం తీసుకోవాలని రాష్ట్ర ప్రభుత్వాలకు హోంశాఖ సూచించింది. ‘క్రియాశీల కేసులు తగ్గుతుండటంతో పలు రాష్ట్రాలు/కేంద్ర పాలిత ప్రాంతాలు ఆంక్షలను సడలిస్తున్నాయి. క్షేత్రస్థాయిలో పరిస్థితిని సమీక్షించి ఆంక్షల విషయంలో నిర్ణయం తీసుకోవాలి. కొవిడ్‌ ఉద్ధృతిని నిశితంగా గమనించి, కార్యకలాపాలను జాగ్రత్తగా పునఃప్రారంభించాలి. టెస్టింగ్, ట్రాకింగ్, వైద్యసేవలు, టీకాలు, నిరంతర నిఘా వంటి నియమాలను తప్పక పాటించాలి. దేశంలో మరోసారి కరోనా వైరస్ విజృంభించకుండా కొవిడ్ నియమావళిని క్రమం తప్పకుండా పర్యవేక్షించాలి’ అని సూచించింది. అయితే కొన్ని రాష్ట్రాల్లో ఆంక్షల సడలింపులు మార్కెట్లను రద్దీగా మారుస్తున్నాయని ఆందోళన వ్యక్తం చేసింది. కేసులు తగ్గుతున్న వేళ.. సంతృప్తితో చతికిల పడకుండా చూసుకోవడం చాలా అవసరమని గుర్తుచేసింది. అలాగే కేసులు పెరుగుతూ, పాజిటివిటీ రేటు అధికంగా నమోదవుతున్న ప్రాంతాల్లో ఆరోగ్యశాఖ సూచించిన కట్టడి చర్యలను అమలు చేయాలని పేర్కొంది. సంబంధిత అధికారులను సమన్వయం చేస్తూ ముందుకెళ్లాలని చెప్పింది. వ్యాక్సినేషన్ ప్రక్రియను వేగవంతం చేయాల్సిన ఆవశ్యకతను వెల్లడించింది.

రెండోదశలో ఉక్కిరిబిక్కిరి అయిన దిల్లీలో అన్‌లాక్ ప్రక్రియ ప్రారంభమైంది. దాంతో మార్కెట్లు, షాపింగ్‌ మాల్స్‌, మెట్రో స్టేషన్ల వద్ద రద్దీ పెరిగింది. వేలాది మంది ఒకేదగ్గరికి చేరడమే కాకుండా, నిబంధనలను మరిచిన దృశ్యాలు వెలుగులోకి వచ్చాయి. ఈ తీరుపై నిపుణులు ఆందోళన వ్యక్తం చేస్తున్నారు. ఈ ప్రవర్తనే మూడోదఫా విజృంభణను వేగవంతం చేస్తుందంటూ దిల్లీ హైకోర్టు అసహనం వ్యక్తం చేసిన సంగతి తెలిసిందే. 
 


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని