Amarinder: సిద్ధూని మాత్రం సీఎం కానివ్వనంతే.. అందుకు ఎలాంటి త్యాగానికైనా రె‘ఢీ’! - wont let navjot sidhu win says amarinder singh
close
Published : 23/09/2021 01:46 IST
Facebook Share Twitter Share WhatsApp Share Telegram Share Link Share

Amarinder: సిద్ధూని మాత్రం సీఎం కానివ్వనంతే.. అందుకు ఎలాంటి త్యాగానికైనా రె‘ఢీ’!

చండీగఢ్‌: పంజాబ్‌ పీసీసీ అధ్యక్షుడు నవ్‌జ్యోత్‌సిద్ధూపై మాజీ సీఎం కెప్టెన్‌ అమరీందర్‌ సింగ్‌ యుద్ధం ప్రకటించారు! ఎట్టిపరిస్థితుల్లో ఆయన్ను సీఎంని కానివ్వబోనన్నారు. వచ్చే ఏడాది జరగనున్న అసెంబ్లీ ఎన్నికల్లో సిద్ధూని కచ్చితంగా ఓడిస్తానన్నారు.సిద్ధూ ప్రమాదకర వ్యక్తి అని.. ఆయనపై బలమైన అభ్యర్థిని పోటీలో నిలబెడతానని ప్రకటించారు. సిద్ధూతో పంజాబ్‌కు, ఈ దేశానికే ప్రమాదమన్న కెప్టెన్‌.. ఆయన్ను సీఎం కానీయకుండా అడ్డుకొనేందుకు ఎలాంటి త్యాగానికైనా తాను సిద్ధమేనన్నారు. రాహుల్ గాంధీ, ప్రియాంకా గాంధీ వాద్రాకు అంతగా అనుభవం లేదని, వారి సలహాదారులు తప్పుదారి పట్టిస్తున్నారంటూ వ్యాఖ్యానించారు. రాహుల్‌, ప్రియాంక తన పిల్లల్లాంటివారేనన్నారు. ముగింపు ఇలా ఉండాల్సింది కాదన్న కెప్టెన్‌..  తాను తీవ్ర మనస్థాపానికి గురైనట్టు ప్రకటనలో పేర్కొన్నారు. ఎమ్మెల్యేలను గోవాకో, ఇంకే ప్రాంతానికో విమానంలో తీసుకెళ్లే పని తనకు చేతకాదని, జిమ్మిక్కులు చేయడం తెలియదన్నారు. తన గురించి గాంధీ కుటుంబానికి బాగా తెలుసన్నారు. 

పార్టీలో అంతర్గత కలహాలు, సిద్ధూతో తీవ్ర విభేదాలు కొనసాగుతున్న వేళ ఇటీవల కాంగ్రెస్‌ అధిష్ఠానం ఆదేశాలతో ‘కెప్టెన్‌’ తన సీఎం పదవికి రాజీనామా చేసిన విషయం తెలిసిందే. ఇప్పటికే మూడు సార్లు అవమానానికి గురయ్యానని, ఇకపై అలాంటివి భరించలేనంటూ రాజీనామా సందర్భంగా అమరీందర్‌ సింగ్‌ వ్యాఖ్యానించారు. ఆయన రాజీనామా చేసిన రెండు రోజుల తర్వాత దళిత నేత, సిద్ధూ శిబిరానికి చెందిన చరణ్‌జిత్‌ సింగ్‌ చన్నీని ముఖ్యమంత్రిగా నియమించిన విషయం తెలిసిందే.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని