Paramilitary Forces: ఆరేళ్లలో 680 మంది పారామిలిటరీ సిబ్బంది ఆత్మహత్య..! - 680 personnel of paramilitary forces died by suicide in last 6 years home ministry
close
Published : 05/08/2021 01:52 IST
Facebook Share Twitter Share WhatsApp Share Telegram Share Link Share

Paramilitary Forces: ఆరేళ్లలో 680 మంది పారామిలిటరీ సిబ్బంది ఆత్మహత్య..!

దిల్లీ: కేంద్ర సాయుధ పోలీసు బలగాలు(సీఏపీఎఫ్‌), అస్సాం రైఫిల్స్ నివేదికల ప్రకారం.. గడిచిన ఆరేళ్లలో పారామిలిటరీ దళాలకు చెందిన 680 మంది సిబ్బంది ఆత్మహత్య చేసుకున్నారని కేంద్ర హోంశాఖ వెల్లడిండింది. ‘‘గత ఆరేళ్లలో 700 మందికిపైగా పారామిలిటరీ సిబ్బంది ఆత్మహత్యలకు పాల్పడినట్టు వస్తున్న వార్తలకు సంబంధించి వాస్తవాలను వెల్లడించాలంటూ రాజ్యసభలో హోంశాఖను భాజపా ఎంపీ సుశీల్‌ కుమార్‌ మోదీ లిఖితపూర్వకంగా అడిగిన ప్రశ్నకు హోంశాఖ సహాయ మంత్రి నిత్యానంద్‌ రాయ్‌ ఈ మేరకు బదులిచ్చారు. ఇదే వ్యవధిలో ప్రమాదాల కారణంగా 1,764 మంది, ఎదురుకాల్పుల్లో 323 మంది సిబ్బంది ప్రాణాలు కోల్పోయినట్లు చెప్పారు. వారి ఆత్మహత్యలకు కుటుంబ సమస్యలు, అనారోగ్యం, ఆర్థిక సమస్యలు కారణాలు కావచ్చంటూ ఆయన పేర్కొన్నారు. ఈ అంశాన్ని ప్రభుత్వం ఎప్పటికప్పుడు ప్రొఫెషనల్‌ ఏజెన్సీల సహాయంతో సమీక్షిస్తూనే ఉందని తెలిపారు. బీఎస్‌ఎఫ్‌, సీఆర్‌పీఎఫ్ సిబ్బందిని దృష్టిలో పెట్టుకొని వారిలో మానసిక ఒత్తిడికి కారణాలపై పోలీసు పరిశోధన, అభివృద్ధివిభాగం 2004లో అధ్యయనం చేపట్టిందని ఆయన పేర్కొన్నారు. అహ్మదాబాద్‌ ఐఐఎమ్‌ కూడా 2012లో ఇదే తరహా అధ్యయనం చేసినట్లు వివరించారు. 

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని