Rahul Gandhi's Photo: ట్విటర్‌కు ఎన్సీపీసీఆర్‌ నోటీసులు..! - child rights body notice on rahul gandhis photo of dalit girls family
close
Published : 05/08/2021 01:50 IST
Facebook Share Twitter Share WhatsApp Share Telegram Share Link Share

Rahul Gandhi's Photo: ట్విటర్‌కు ఎన్సీపీసీఆర్‌ నోటీసులు..!

దిల్లీ: హత్యాచారానికి గురైనట్టుగా అనుమానిస్తున్న తొమ్మిదేళ్ల చిన్నారి తల్లిదండ్రులకు సంబంధించి కాంగ్రెస్‌ అగ్రనేత రాహుల్‌ గాంధీ షేర్‌ చేసిన ఫొటోను తొలగించాలంటూ జాతీయ బాలల హక్కుల పరిరక్షణ కమిషన్‌(ఎన్సీపీసీఆర్‌) ట్విటర్‌ ఇండియాకు బుధవారం నోటీసులు జారీ చేసింది. మృతి చెందిన చిన్నారి తల్లిదండ్రులను పరామర్శిస్తున్న ఫొటోను ఆయన ట్విటర్లో పోస్టు చేశారు. అందులో రాహుల్‌ సహా చిన్నారి తల్లిదండ్రుల ముఖాలు స్పష్టంగా కనిపిస్తున్నాయి. ఈ అంశాన్ని తీవ్రంగా పరిగణిస్తూ.. ఆ ఫొటోను తొలగించాల్సిందిగా రాహుల్‌కు నోటీసులు పంపాలంటూ ట్విటర్‌ ఇండియా గ్రీవెన్స్‌ అధికారిని ఎన్సీపీసీఆర్‌ ఆదేశించింది. అత్యాచార బాధిత కుటుంబాలకు సంబంధించిన వివరాలను బహిరంగపరచడం పోక్సో చట్టాన్ని ఉల్లంఘించడమేనని స్పష్టం చేసింది.

దిల్లీలోని కంటోన్మెంట్‌ ప్రాంతంలో అనుమానాస్పద స్థితిలో ఆదివారం మృతి చెందిన తొమ్మిదేళ్ల చిన్నారి తల్లిదండ్రులను రాహుల్‌ గాంధీ, సీఎం అరవింద్‌ కేజ్రీవాల్‌ బుధవారం వేర్వేరుగా పరామర్శించారు. అనంతరం వారి ఫొటోను ట్విటర్‌లో రాహుల్‌ పోస్టు చేశారు. వారి కన్నీళ్లు కోరుకునేది తమ బిడ్డకు న్యాయం జరగాలని మాత్రమే అంటూ ఆ పోస్టులో ఆయన వ్యాఖ్యానించారు.

 


 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని