ఇంటర్నెట్‌ డెస్క్‌: గోవా బ్యూటీ ఇలియానా తాజాగా ఇన్‌స్టాగ్రామ్‌ వేదికగా అభిమానులతో ముచ్చటించింది. నెటిజన్లు అడిగిన ప్రశ్నలకు సమాధానం ఇచ్చి సందడి చేసింది. ‘ఆస్క్‌ మీ ఎనీథింగ్‌’ పేరిట నిర్వహించిన ఈ చాటింగ్‌లో పలు ఆసక్తికర విషయాలను పంచుకొందీ ముద్దుగుమ్మ. ‘మీ బాయ్‌ ఫ్రెండ్‌  పేరేంటి?’ అని ఓ నెటిజన్అ‌ డగ్గా తాను పెంచుకుంటున్న కుక్కను చూపించి వీడి పేరు ఛార్లీ అంటూ బదులిచ్చింది. గతంలో ఆండ్రూ అనే వ్యక్తితో ఇలియానా ప్రేమాయణం సాగించిన విషయం తెలిసిందే. ప్రస్తుతం వీళ్లద్దరూ విడిగానే ఉంటున్నారు. ‘దేవదాసు’ చిత్రంతో టాలీవుడ్‌కి పరిచయమైన ఈ బ్యూటీ ప్రస్తుతం తెలుగు తెరకు దూరంగా ఉంది. ‘అన్‌ఫెయిర్‌ అండ్‌ లవ్లీ’, ‘ది బిగ్‌ బుల్‌’ చిత్రాలతో బాలీవుడ్‌లో బిజీ అయిపోయింది.