పటాన్‌చెరు, న్యూస్‌టుడే: పారిశ్రామిక విధానాల్లో నిత్యం మార్పులు చోటు చేసుకుంటున్నాయని అమీన్‌పూర్‌ మండలం పటేల్‌గూడ ఎల్లంకి ఇంజినీరింగ్‌ పాలిటెక్నిక్‌ కళాశాల ప్రిన్సిపల్‌ రవీంద్రనాథ్‌ ఠాగూర్‌ అన్నారు. గురువారం ‘నాన్‌ డిస్ట్రాక్టివ్‌ టెస్టింగ్‌’ అనే అంశంపై కళాశాలలో సదస్సు నిర్వహించారు. ఈ సందర్భంగా ఆయన మాట్లాడుతూ.. పారిశ్రామిక ఉత్పత్తుల రంగాల్లో నాణ్యతాప్రమాణాలకు అనుగుణంగా పరీక్షలు జరుగుతున్నాయని వివరించారు. దానికి సాంకేతికత జోడించాల్సిన అవసరం ఉందన్నారు. కార్యక్రమంలో జేఎన్‌టీయూ అధ్యాపకుడు రామ్‌జీ, ఛైర్మన్‌ సదాశివరెడ్డి, దయాకర్‌రెడ్డి, సాంబశివారెడ్డి, శ్రావణ్‌కుమార్‌ తదితరులు పాల్గొన్నారు.