close
Updated : 19/07/2021 15:09 IST
Facebook Share
Twitter Share
WhatsApp Share
Telegram Share

పాటని కట్టేసుకుంది!

షేర్నీ చీరంచుపై మెరిసిన ఠాగూర్‌ పాట

ఫ్యాషన్‌లో నూతన ఒరవడితో అందరినీ ఆకర్షించే నటి విద్యాబాలన్‌. తను తాజాగా రవీంద్రనాథ్‌ ఠాగూర్‌ పాటను ప్రింట్‌ చేసిన చీర కట్టుకుని, ఆ ఫొటోలను ట్విటర్‌లో పెట్టింది. మారుమూల ప్రాంతాల్లోని చేనేత కళను సామాజిక మాధ్యమాల్లో పరిచయం చేస్తుంటుందీమె. ఈసారి రాజస్థాన్‌లోని ఓ గ్రామీణ నేత కళాకారుడి చేతిలో రూపు దిద్దుకున్న ఆరుగజాల చీరను కట్టుకుని మురిసిపోయింది. రెండువైపులా అంచుల మీద ప్రింట్‌ చేసిన ఈ పాట తన మనసులోని భావాల్ని వ్యక్తీకరిస్తోందంటూ కామెంట్‌ పెట్టింది. ఠాగూర్‌ రచించిన ‘ఎక్లా ఛోలో రే’ పాటను ఆయన అభిమాని అయిన ఓ నేతన్న సహజ వర్ణాలతో చీర మీద ప్రింట్‌ చేశాడు. ఠాగూర్‌ దీన్ని 1905లో బెంగాలీలో రాశారు. తర్వాత ఆయనే ఆంగ్లంలోకి తర్జుమా చేశారు. ‘నేతాజీ సుభాష్‌ చంద్రబోస్‌’లో, ఏఆర్‌రెహ్మాన్‌ ‘ద ఫర్‌గాటెన్‌ హీరో’ చిత్రంలో ఈ గీతాన్ని ఉపయోగించారు. బాపూజీకి చాలా ఇష్టమైన ఈ పాటను ‘కహానీ’ చిత్రం కోసం అమితాబ్‌ పాడటం మరో విశేషం.

ఇతరులకు నచ్చక పోయినా, లక్ష్య సాధన కోసం సొంతంగా వేసుకున్న మార్గంలో అడుగులేయాలంటూ ప్రబోధిస్తుందీ గీతం.


మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

'స్వీట్' హోం

మరిన్ని

సూపర్‌ విమెన్

మరిన్ని