ప్రియాంక దుస్తులపై చేయివేయడానికి ఎంత ధైర్యం?
close

తాజా వార్తలు

Updated : 05/10/2020 11:18 IST
Facebook Share Twitter Share WhatsApp Share Telegram Share Link Share

ప్రియాంక దుస్తులపై చేయివేయడానికి ఎంత ధైర్యం?

యూపీ పోలీసుల తీరుపై భాజపా నేత మండిపాటు

ముంబయి: హాథ్రస్‌ హత్యాచార బాధిత యువతి కుటుంబసభ్యులను కలిసేందుకు వెళ్తున్న సమయంలో కాంగ్రెస్‌ నాయకురాలు ప్రియాంక గాంధీ వాద్రాను ఓ పోలీసు చేయి పట్టుకుని నిలువరించడంపై భాజపా మహిళా నేత ఒకరు తీవ్రంగా మండిపడ్డారు. ‘మహిళా నాయకురాలి దుస్తులపై చేయి వేయడానికి ఆ పోలీసు అధికారికి ఎంత ధైర్యం?’ అని మహారాష్ట్ర భాజపా ఉపాధ్యక్షురాలు చిత్రా కిషోర్‌ వాగ్‌ ఆగ్రహం వ్యక్తం చేశారు. అసలేం జరిగిందంటే..

గత శనివారం హత్యాచార బాధిత యువతి కుటుంబసభ్యులను కలుసుకునేందుకు దిల్లీ నుంచి వెళ్లిన కాంగ్రెస్‌ ప్రతినిధులను గ్రేటర్‌ నోయిడా వద్ద పోలీసులు అడ్డుకున్నారు. దీంతో కాంగ్రెస్‌ కార్యకర్తలు ఆందోళనకు దిగారు. ఈ క్రమంలో ఒకింత ఉద్రిక్త వాతావరణం చోటుచేసుకుంది. కార్యకర్తలను అడ్డుకునేందుకు పోలీసులు లాఠీఛార్జ్‌ చేశారు. దీంతో అక్కడే ఉన్న ప్రియాంక గాంధీ కార్యకర్తలకు దెబ్బలు తగలకుండా ఉండేందుకు ప్రయత్నించారు. ఆ సమయంలో ఓ పోలీసు అధికారి ప్రియాంక చేయి పట్టుకుని బలవంతంగా నిలువరించే ప్రయత్నం చేశారు. ఇది తీవ్ర దుమారానికి దారితీసింది. 

మహిళా నాయకురాలిపై పోలీసులు ప్రవర్తించిన తీరు పట్ల కాంగ్రెస్‌ నేతలు తీవ్ర అభ్యంతరం వ్యక్తం చేశారు. తాజాగా భాజపా మహిళా నేత అయిన చిత్రా వాగ్‌ కూడా ఈ ఘటనను తీవ్రంగా ఖండించారు. ‘మహిళా నాయకురాలి దుస్తులపై చేయి వేయడానికి మగ పోలీసుకు ఎంత ధైర్యం?’ అని ట్విటర్‌ వేదికగా మండిపడ్డారు. భారత సంస్కృతి, సంప్రదాయాలపై విశ్వాసం కలిగిన యూపీ సీఎం యోగి ఆదిత్యనాథ్ దీనిపై తీవ్రంగా స్పందించాలని, సదరు పోలీసులపై కఠిన చర్యలు తీసుకోవాలని కోరారు. పోలీసులు తమ పరిమితులు తెలుసుకుని మర్యాదగా ప్రవర్తించాలని సూచించారు. 

ఇదిలా ఉండగా.. ఈ ఘటనపై స్పందించిన యూపీ గౌతమ్‌ బుద్ధ్‌ నగర్‌ పోలీసులు ప్రియాంక గాంధీకి క్షమాపణలు తెలిపారు. ఘటనపై దర్యాప్తు చేస్తున్నట్లు చెప్పారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని