Breaking | Feedback | ePratibha | E-PAPER | Pratibha

IND vs ENG: భారత్ X ఇంగ్లాండ్‌.. ఐదో టెస్టు లైవ్‌ అప్‌డేట్స్

ధర్మశాల టెస్టులోనూ భారత్‌ ఘన విజయం సాధించింది. దీంతో ఇంగ్లాండ్‌తో (IND vs ENG) ఐదు టెస్టుల సిరీస్‌ను టీమ్‌ఇండియా 4-1 తేడాతో కైవసం చేసుకుంది.

Updated : 09 Mar 2024 14:01 IST

09/03/2024 15:01(IST)

‘టెస్టు క్రికెట్ ఇన్సెంటివ్‌ స్కీమ్‌’ ప్రకటించిన బీసీసీఐ కార్యదర్శి జై షా

టెస్టు క్రికెట్‌ను ఎక్కువ మంది క్రికెటర్లు ఆడేందుకు బీసీసీఐ చర్యలు తీసుకుంటోంది.
దాని కోసం ‘టెస్టు క్రికెట్ ఇన్సెంటివ్‌ స్కీమ్‌’ను తీసుకొచ్చింది.
ఈ మేరకు బీసీసీఐ కార్యదర్శి జై షా ప్రకటించారు.
ఒక సీజన్‌లో కనీసం 50 శాతం కంటే ఎక్కువ టెస్టులు ఆడితే రూ. 30 లక్షల నుంచి రూ. 45 లక్షలు అదనంగా బీసీసీఐ చెల్లించనుంది.
రిజర్వ్‌ బెంచ్‌ ఆటగాళ్లకు అందులో సగం ఇవ్వనుంది.

09/03/2024 14:41(IST)

IND vs ENG: యశస్వి జైస్వాల్‌కు ‘ప్లేయర్ ఆఫ్‌ ది సిరీస్‌’ అవార్డు

సిరీస్‌ ఆసాంతం అద్భుత ప్రదర్శన చేసిన భారత యువ బ్యాటర్ యశస్వి జైస్వాల్‌
అతడికే ‘ప్లేయర్‌ ఆఫ్‌ ది సిరీస్‌’ అవార్డు వరించింది.
ఈ ఐదు టెస్టుల సిరీస్‌లో యశస్వి మొత్తం 9 ఇన్నింగ్స్‌ల్లో 712 పరుగులు చేశాడు.

09/03/2024 14:38(IST)

IND vs ENG: కుల్‌దీప్‌ యాదవ్‌కు ‘ప్లేయర్ ఆఫ్‌ ది మ్యాచ్‌’ అవార్డు

కుల్‌దీప్‌ యాదవ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.
తొలి ఇన్నింగ్స్‌లో ఐదు వికెట్లు, రెండో ఇన్నింగ్స్‌లో 2 వికెట్లు పడగొట్టాడు.
బ్యాటింగ్‌లోనూ విలువైన 30 పరుగులు చేశాడు.

09/03/2024 14:01(IST)

IND vs ENG: ఐదో టెస్టు.. భారత్‌ ఘన విజయం

ఇంగ్లాండ్‌తో జరిగిన చివరి టెస్టులో భారత్‌ ఇన్నింగ్స్‌, 64 పరుగుల తేడాతో ఘన విజయం సాధించింది.
ఐదు టెస్టుల సిరీస్‌ను 4-1 తేడాతో కైవసం చేసుకుంది.
ఈ మ్యాచ్‌లో తొలి ఇన్నింగ్స్‌లో ఇంగ్లాండ్‌ 218 పరుగులకు ఆలౌటైంది.
అనంతరం భారత్‌ తొలి ఇన్నింగ్స్‌లో 477 పరుగులు చేసింది.
రెండో ఇన్నింగ్స్‌లో ఇంగ్లాండ్‌ 195కే కుప్పకూలింది.
జో రూట్‌ ఒక్కడే 84 పరుగులు చేయగా మిగతా వారందరూ విఫలమయ్యారు.
భారత బౌలర్లలో అశ్విన్‌ 5 వికెట్లు పడగొట్టాడు.
బుమ్రా 2, కుల్‌దీప్‌ 2, జడేజా ఒక వికెట్‌ దక్కించుకున్నారు.

09/03/2024 13:54(IST)

IND vs ENG: విజయానికి అడుగు దూరంలో భారత్‌

భారత్‌ విజయానికి చేరువైంది.
45.5 ఓవర్లో జడేజా వేసిన బంతికి బషీర్‌ క్లీన్‌ బౌల్డ్‌ అయ్యాడు.
దీంతో ఇంగ్లాండ్‌ తొమ్మిదో వికెట్‌ కోల్పోయింది.
క్రీజ్‌లోకి అండర్సన్ వచ్చాడు.
మరో వైపు రూట్‌ 78 పరుగులతో బ్యాటింగ్‌ చేస్తున్నాడు.
ఇంగ్లాండ్‌ స్కోరు 189/9.
70 పరుగులు వెనుకంజలో ఉంది.

09/03/2024 13:27(IST)

IND vs ENG: ఓటమి అంచుల్లో ఇంగ్లాండ్‌.. జో రూట్ పోరాటం

ఇంగ్లాండ్‌ ఓటమికి దగ్గర్లో ఉన్నా రూట్‌ మాత్రం పోరాడుతున్నాడు.
భారత బౌలర్ల దెబ్బకు ఇంగ్లిష్‌ బ్యాటర్లు వరుసగా పెవిలియన్‌ చేరారు.
రూట్‌ ఒక్కడే 50+ పరుగులు చేశాడు.
ప్రస్తుతం ఇంగ్లాండ్‌ స్కోరు 167/8 (40 ఓవర్లు)
93 పరుగులు వెనుకంజలో ఉంది.
రూట్‌ 60*, బషీర్‌ 9* క్రీజ్‌లో ఉన్నారు.
మరో రెండు వికెట్లు పడగొడితే భారత్‌ ఇన్నింగ్స్‌ తేడాతో విజయం సాధిస్తుంది.

09/03/2024 12:59(IST)

IND vs ENG: ఒకే ఓవర్లో రెండో వికెట్‌ పడగొట్టిన బుమ్రా

34.4 ఓవర్లో మార్క్‌ వుడ్ (0) ఎదుర్కొన్న రెండో బంతికే ఎల్బీడబ్ల్యూగా వెనుతిరిగాడు.
క్రీజ్‌లోకి బషీర్‌ వచ్చాడు.
ఇంగ్లాండ్‌ స్కోరు 145/8 (35 ఓవర్లు)
114 పరుగులు వెనుకంజలో ఉన్న పర్యటక జట్టు ఇన్నింగ్స్‌ తేడాతో ఓటమి దిశగా సాగుతోంది.

09/03/2024 12:57(IST)

IND vs ENG: ఇంగ్లాండ్‌ ఏడో వికెట్‌ డౌన్‌.. బుమ్రాకు తొలి వికెట్‌

ఇంగ్లాండ్ బ్యాటర్లు ఎక్కువ సేపు క్రీజ్‌లో నిలవలేకపోతున్నారు.
స్పిన్నర్లకే 6 వికెట్లు దక్కగా పేసర్‌ బుమ్రా తొలి వికెట్‌ సంపాదించాడు.
34.2 ఓవర్‌ వద్ద బుమ్రా వేసిన బంతికి హార్ట్‌లీ (20) వికెట్ల ముందు దొరికిపోయాడు.
క్రీజ్‌లోకి మార్క్‌ వుడ్‌ వచ్చాడు.

09/03/2024 12:51(IST)

IND vs ENG: రెండో సెషన్‌.. కట్టుదిట్టంగా భారత్‌ బౌలింగ్‌

భారత స్పిన్నర్లు ఇంగ్లిష్‌ బ్యాటర్లను పరుగులు చేయకుండా నిలువరిస్తున్నారు.
జో రూట్‌ 42 * ఒక్కడే పోరాడే ప్రయత్నం చేస్తున్నాడు.
మరో వైపు హార్ట్‌లీ 15 పరుగుల వద్ద బ్యాటింగ్‌ చేస్తున్నాడు.
చివరి 6 ఓవర్లలో 22 పరుగులొచ్చాయి.
ఇంగ్లాండ్‌ స్కోరు 139/6
120 పరుగులు వెనుకంజలో ఉంది.

09/03/2024 12:28(IST)

IND vs ENG: రెండో సెషన్‌.. అశ్విన్‌ ఖాతాలో ఐదో వికెట్

వందో టెస్టులో అశ్విన్‌ అదరగొట్టాడు.
5 వికెట్లు పడగొట్టి ఇంగ్లాండ్‌ను కష్టాల్లో నెట్టాడు.
26.4 వద్ద బెన్‌ ఫోక్స్‌ 8 పరుగులకే బౌల్డయ్యాడు.
ప్రస్తుతం స్కోరు 113/6
146 పరుగులు వెనుకంజలో పర్యటక జట్టు ఉంది.
క్రీజ్‌లోకి హార్ట్‌లీ వచ్చాడు.

09/03/2024 11:36(IST)

IND vs ENG: మూడో రోజు లంచ్‌ బ్రేక్‌.. అశ్విన్‌ దెబ్బకు ఇంగ్లాండ్‌ విలవిల

మూడో రోజు ఆటలో భారత ఆటగాళ్లు పూర్తి ఆధిపత్యం చెలాయిస్తున్నారు.
తొలి సెషన్‌లోనే 5 వికెట్లు పడగొట్టి ఇంగ్లాండ్‌ను కోలుకోలేని దెబ్బ తీశారు.
సెషన్‌ చివరి ఓవర్లో అశ్విన్ బెన్‌ స్టోక్స్‌ను క్లీన్‌ బౌల్డ్‌ చేశాడు.
దీంతో అతడి ఖాతాలో 4 వికెట్లు పడ్డాయి.
కుల్‌దీప్‌ ఒక వికెట్ పడగొట్టాడు.
పర్యటక జట్టు ఇంకా 156 పరుగులు వెనుకంజలోనే ఉంది.
క్రీజ్‌లో రూట్‌ 34* ఉన్నాడు.
లంచ్‌ బ్రేక్‌ సమయానికి ఇంగ్లాండ్‌ స్కోరు 103/5 (22.5 ఓవర్లు)

09/03/2024 11:13(IST)

IND vs ENG: కష్టాల్లో ఇంగ్లాండ్‌.. బెయిస్టో ఔట్‌

భారత స్పిన్నర్ల ధాటికి ఇంగ్లాండ్‌ ఏ దశలోనూ కోలుకునేలా కనిపించట్లేదు.
167 పరుగులు వెనుకంజలో ఉండగానే నాలుగో వికెట్‌ బెయిర్‌ స్టో (39) రూపంలో కోల్పోయింది.
17.4వ ఓవర్లో కుల్‌దీప్‌ వేసిన బంతికి వికెట్ల ముందు దొరికిపోయి వందో టెస్టులోనూ నిరాశపరిచాడు.
రివ్యూకి వెళ్లినా అంపైర్స్‌ కాల్‌ రావడంతో పెవిలియన్‌ చేరక తప్పలేదు.
క్రీజ్‌లోకి బెన్‌ స్టోక్స్‌ వచ్చాడు.
ఇంగ్లాండ్‌ స్కోరు 94/4

09/03/2024 11:09(IST)

IND vs ENG: జో రూట్‌, బెయిర్‌ స్టో హాఫ్‌ సెంచరీ భాగస్వామ్యం

వికెట్లు పడుతున్నా ఇంగ్లాండ్‌ దూకుడుగానే ఆడుతోంది.
రూట్‌, బెయిస్టో నాలుగో వికెట్‌కు 40 బంతుల్లో 52 పరుగులు నమోదు చేశారు.
బెయిర్‌ స్టో 3 ఫోర్లు, 3 సిక్సర్లతో 37 పరుగులు, రూట్‌ 24 పరుగుల వద్ద బ్యాటింగ్‌ చేస్తున్నారు.
చివరి 5 ఓవర్లలో 41 పరుగులు వచ్చాయి.
ఇంగ్లాండ్‌ స్కోరు 88/3 (16 ఓవర్లు)

09/03/2024 10:41(IST)

IND vs ENG: విజృంభించిన అశ్విన్‌.. వరుసగా మూడో వికెట్‌

అశ్విన్‌ తన స్పిన్‌తో ఇంగ్లాండ్‌ బ్యాటర్లను తిప్పేస్తున్నాడు.
వరుసగా మూడు వికెట్లు తీసి ప్రత్యర్ధి జట్టును కోలుకోకుండా చేశాడు.
10.2 ఓవర్‌ వద్ద ఒలీపోప్‌ (19) స్వీప్‌ షాట్‌ ఆడబోయి స్వ్కేర్‌ లెగ్‌లో ఉన్న జైస్వాల్‌ చేతికి చిక్కాడు.
ఇప్పటికే 223 పరుగులు వెనుకంజలో ఇంగ్లాండ్‌ ఉంది.
క్రీజ్‌లోకి బెయిర్‌స్టో వచ్చాడు.
ఇంగ్లాండ్‌ స్కోరు 36/3

09/03/2024 10:28(IST)

IND vs ENG: మరో ఓపెనర్‌ను వెనక్కి పంపిన అశ్విన్‌

భారత్‌కు రెండో వికెట్‌ దక్కింది.
ఓపెనర్‌ జాక్ క్రాలే 5.3 ఓవర్లో అశ్విన్‌ వేసిన బంతికి స్లిప్‌లో ఉన్న సర్ఫరాజ్‌కు దొరికిపోయాడు.
దీంతో ఇద్దరు ఓపెనర్ల వికెట్లు అశ్విన్‌కే దక్కాయి.
16 బంతులాడిన క్రాలే ఖాతా తెరవకుండానే పెవిలియన్‌ చేరాడు.
క్రీజ్‌లోకి జోరూట్‌ వచ్చాడు.
ఇంగ్లాండ్‌ స్కోరు 23/2 (6 ఓవర్లు)

09/03/2024 10:09(IST)

IND vs ENG: భారత్‌కు తొలి వికెట్‌.. బెన్‌ డకెట్‌ క్లీన్‌ బౌల్డ్‌

భారత్‌కు తొలి వికెట్‌ దక్కింది.
ఓపెనర్‌ బెన్‌ డకెట్‌ (2) ఎక్కువ సేపు క్రీజ్‌లో నిలవలేకపోయాడు.
1.5 ఓవర్ వద్ద అనవసర షాట్‌ ఆడి అశ్విన్‌ బౌలింగ్‌లో క్లీన్‌ బౌల్డ్‌ అయ్యాడు.
క్రీజ్‌లోకి ఒలీ పోప్‌ వచ్చాడు.
ఇంగ్లాండ్‌ 2 పరుగులకే వికెట్‌ కోల్పోయి 257 పరుగుల వెనుకంజలో ఉంది.

09/03/2024 10:02(IST)

IND vs ENG: ఐదో టెస్టు.. ప్రారంభమైన ఇంగ్లాండ్‌ రెండో ఇన్నింగ్స్‌

మూడో రోజు ఆటలో ఇంగ్లాండ్‌ రెండో ఇన్నింగ్స్‌ ప్రారంభించింది.
తొలి ఇన్నింగ్స్‌లో భారత్‌ 259 పరుగుల ఆధిక్యం సంపాదించింది.
క్రీజ్‌లోకి క్రాలే, డకెట్‌ వచ్చారు.
రోహిత్‌ ఫీల్డ్‌లోకి రావడంలేదు. దీంతో బుమ్రా జట్టును నడిపించనున్నాడు.
తొలి ఓవర్‌ బుమ్రా వేస్తున్నాడు.

09/03/2024 09:53(IST)

IND vs ENG: ఐదో టెస్టు.. భారత్‌ తొలి ఇన్నింగ్స్‌ 477 ఆలౌట్‌

ధర్మశాలలో జరుగుతున్న ఐదో టెస్టులో భారత్‌ తొలి ఇన్నింగ్స్‌లో 477 పరుగులు చేసింది.
భారత బ్యాటర్లలో గిల్‌ 110, రోహిత్‌ 103, పడిక్క్‌ 65, జైస్వాల్‌ 57, సర్ఫరాజ్‌ 56 పరుగులు చేశారు.
ఇంగ్లాండ్ బౌలర్లలో బషీర్‌ 5 వికెట్లు పడగొట్టాడు.
అండర్సన్‌ 2, హార్ట్‌లీ 2, స్టోక్స్‌ ఒక వికెట్ తీశారు.
ఇంగ్లాండ్‌ తొలి ఇన్నింగ్స్‌లో 218 పరుగులకు ఆలౌటైంది.
ప్రస్తుతం భారత్‌ ఆధిక్యం 259 పరుగులు

09/03/2024 09:47(IST)

IND vs ENG: 700 వికెట్ల క్లబ్‌లో అండర్సన్‌.. కుల్‌దీప్‌ ఔట్‌

మూడో రోజు ఆట ప్రారంభమైన కొద్దిసేపటికే భారత్‌ వికెట్‌ కోల్పోయింది.
123.4 ఓవర్‌ వద్ద అండర్సన్‌ వేసిన బంతికి కుల్‌దీప్‌ యాదవ్‌ (30) ఔటయ్యాడు.
అండర్సన్‌ టెస్టుల్లో 700 వికెట్లతో అత్యధిక వికెట్లు సాధించిన బౌలర్ల జాబితాలో మూడో స్థానంలో నిలిచాడు.
తొలి స్థానంలో మురళీధరన్‌ (800), రెండో స్థానంలో షేన్‌ వార్న్‌ (708) ఉన్నారు.
క్రీజ్‌లోకి సిరాజ్‌ వచ్చాడు.
భారత్‌ స్కోరు 477/9 (124 ఓవర్లు)
259 పరుగులు ఆధిక్యంలో ఉంది.

09/03/2024 09:18(IST)

Sarfaraz Khan: ఆ షాట్‌ ఎందుకు సర్ఫ్‌రాజ్‌?

చక్కగా కుదురుకుని అర్ధసెంచరీ చేసిన తర్వాత ఓ చెత్త షాట్‌ ఆడి ఎందుకు ఔటయ్యావని భారత యువ బ్యాటర్‌ సర్ఫ్‌రాజ్‌ఖాన్‌ను దిగ్గజ ఆటగాడు సునీల్‌ గావస్కర్‌ ప్రశ్నించాడు. పూర్తి కథనం కోసం క్లిక్‌ చేయండి.

08/03/2024 16:56(IST)

IND vs ENG: ముగిసిన రెండో రోజు ఆట.. భారత్‌ 473/8

చివరి టెస్టులో రెండో రోజు ఆట ముగిసింది.
తొలి ఇన్నింగ్స్‌లో భారత బ్యాటర్లు ఆదరగొట్టారు.
135/1తో రెండో రోజు ఆటను కొనసాగించగా,
టాప్‌ ఆర్డర్‌లో ఐదుగురు బ్యాటర్లు వరుసగా 50+ స్కోర్లు సాధించారు.
దీంతో 8 వికెట్ల నష్టానికి భారత్‌ 473 పరుగులు చేసిది.
రోహిత్‌ శర్మ 103, గిల్‌ 110, పడిక్కల్‌ 65, జైస్వాల్‌ 57, సర్ఫరాజ్‌ 56 పరుగులు చేయడంతో 255 పరుగుల ఆధిక్యంలో నిలిచింది.
క్రీజ్‌లో కుల్‌దీప్‌ 27*, బుమ్రా 19* ఉన్నారు.
ఇంగ్లాండ్‌ బౌలర్లలో బషీర్‌ 4, హార్ట్‌లీ 2, అండర్సన్‌, స్టోక్స్‌ చెరో వికెట్ పడగొట్టారు.
ఇంగ్లాండ్‌ తొలి ఇన్నింగ్స్‌లో 218 పరుగులకు ఆలౌటైంది.

08/03/2024 16:28(IST)

IND vs ENG: వికెట్ ఇవ్వకుండా ఆడుతున్న బుమ్రా, కుల్‌దీప్‌

కుల్‌దీప్‌ 22*, బుమ్రా 12* వికెట్‌ ఇవ్వకుండా ఆడుతున్నారు.
అనవసర షాట్లు కొట్టకుండా నెమ్మదిగా పరుగులు చేస్తున్నారు.
చివరి ఆరు ఓవర్లలో 17 పరుగులు వచ్చాయి.
ప్రస్తుతం భారత్‌ స్కోరు 460/8 (114 ఓవర్లు)

08/03/2024 16:10(IST)

IND vs ENG: ఆచితూచి ఆడుతున్న భారత బ్యాటర్లు

వరుస వికెట్లు కోల్పోయిన తర్వాత క్రీజ్‌లో ఉన్న బ్యాటర్లు నెమ్మదిగా ఆడుతున్నారు.
కుల్‌దీప్‌, బుమ్రా వికెట్‌ ఇవ్వకుండా జాగ్రత్తపడుతున్నారు.
ప్రస్తుతం భారత్ ఆధిక్యం 226
8 వికెట్ల నష్టానికి 444 పరుగులు చేసింది. (108 ఓవర్లు)
క్రీజ్‌లో బుమ్రా 2*, కుల్‌దీప్‌ 15* ఉన్నారు.

08/03/2024 15:49(IST)

IND vs ENG: రెండు ఓవర్లలో మూడు వికెట్లు.. అశ్విన్‌ బౌల్డ్‌

భారత బ్యాటర్లు వరుసగా పెవిలియన్‌ చేరుతున్నారు.
102వ ఓవర్‌లో హార్ట్‌లీ తొలి బంతికి జడేజాను వెనక్కి పంపగా చివరి బంతికి అశ్విన్‌ బౌల్డయ్యాడు.
దీంతో 100వ టెస్టులో పరుగులేమి చేయకుండానే వెనుతిరిగాడు.
క్రీజ్‌లోకి బుమ్రా వచ్చాడు.
భారత్‌ స్కోరు 428/8

08/03/2024 15:41(IST)

IND vs ENG: స్వల్ప వ్యవధిలో మరో వికెట్‌.. జడేజా ఔట్‌

స్వల్ప వ్యవధిలోనే భారత్‌ మరో వికెట్ కోల్పోయింది.
101.1 ఓవర్‌ వద్ద హార్ట్‌లీ వేసిన బంతికి రవీంద్ర జడేజా (15) వికెట్ల ముందు దొరికిపోయాడు.
దీంతో భారత్‌ ఏడో వికెట్ చేజార్చుకుంది.
ప్రస్తుతం స్కోరు 427/7

08/03/2024 15:38(IST)

IND vs ENG: ఐదోటెస్టు.. ఆరో వికెట్‌ కోల్పోయిన భారత్‌

భారత్‌ మరో వికెట్‌ కోల్పోయింది.
100.4 ఓవర్‌ వద్ద బషీర్‌ వేసిన బంతికి భారీ షాట్‌ ఆడబోయిన ధ్రువ్‌ జురెల్‌ (15) బౌండరీ వద్ద డకెట్‌కు చిక్కాడు.
క్రీజ్‌లోకి అశ్విన్‌ వచ్చాడు.
భారత్‌ స్కోరు 427/6
209 పరుగులు ఆధిక్యంలో ఉంది.

08/03/2024 15:30(IST)

IND vs ENG: చివరి సెషన్.. 200 పరుగుల ఆధిక్యం దాటిన భారత్‌

భారత్‌కు 200 పరుగుల ఆధిక్యం లభించింది.
ఇద్దరు బ్యాటర్లు శతకాలు, ముగ్గురు 50+ పరుగులు చేయడంతో భారత్‌ ముందంజలో ఉంది.
భారత టాప్‌ 5 బ్యాటర్లు 50+ స్కోర్లు సాధించడం ఇది నాలుగో సారి.
ప్రస్తుతం క్రీజ్‌లో ఉన్న జురెల్‌ 14*, జడేజా 9* నెమ్మదిగా ఆడుతున్నారు.
భారత్‌ స్కోరు 420/5 (98 ఓవర్లు)

08/03/2024 15:05(IST)

IND vs ENG: చివరి సెషన్.. పడిక్కల్‌ ఔట్‌

అరంగేట్ర మ్యచ్‌లో నిలకడగా బ్యాటింగ్‌ చేస్తున్న పడిక్కల్‌ (65) ఔటయ్యాడు.
93వ ఓవర్‌లో బషీర్‌ వేసిన బంతిని డిఫెన్డ్‌ చేయబోయి బౌల్డయ్యాడు.
దీంతో భారత్‌ ఐదో వికెట్‌ కోల్పోయింది.
క్రీజ్‌లోకి ధ్రువ్ జురెల్‌ వచ్చాడు.
భారత్‌ స్కోరు 406/5
188 పరుగుల ఆధిక్యంలో ఉంది.

08/03/2024 14:45(IST)

IND vs ENG: అరంగేట్ర టెస్టులోనే దేవదుత్‌ పడిక్కల్‌ హాఫ్ సెంచరీ

భారత యువ ఆటగాడు దేవదుత్ పడిక్కల్ (52*) హాఫ్ సెంచరీ సాధించాడు.
షోయబ్ బషీర్ (86.1వ ఓవర్) తొలి బంతినే పడిక్కల్‌ సిక్స్‌గా మలిచాడు.
దీంతో తన అరంగేట్ర టెస్టులోనే అర్ధశతకం పూర్తి చేసుకున్నాడు.
ప్రస్తుతం భారత్‌ స్కోరు 87 ఓవర్లకు 386/4.
ఆధిక్యం 168 పరుగులకు చేరింది.
క్రీజ్‌లో పడిక్కల్‌తోపాటు రవీంద్ర జడేజా ఉన్నాడు.

08/03/2024 14:37(IST)

IND vs ENG: చివరి సెషన్‌ ఆట ప్రారంభం.. భారత్‌కు తొలి షాక్‌

రెండో రోజు చివరి సెషన్ ఆట ప్రారంభమైంది.
అయితే, ఈ సెషన్ తొలి ఓవర్‌ మొదటి బంతికే భారత్‌కు షాక్‌ తగిలింది.
సర్ఫరాజ్ ఖాన్ (56)ను బషీర్‌ బోల్తా కొట్టించాడు.
ఆఫ్‌ వికెట్‌కు అవుట్‌సైడ్‌ వేసిన బంతిని ఆడే క్రమంలో స్లిప్‌లోని రూట్‌ చేతికి సర్ఫరాజ్‌ క్యాచ్‌ ఇచ్చాడు.
దీంతో 376 స్కోరు వద్ద టీమ్‌ఇండియా నాలుగో వికెట్‌ను నష్టపోయింది.
క్రీజ్‌లోకి రవీంద్ర జడేజా (1*) వచ్చాడు. అతడితోపాటు దేవదుత్ పడిక్కల్ (44*) ఉన్నాడు.

08/03/2024 14:16(IST)

IND vs ENG: రెండో రోజు.. టీ బ్రేక్.. భారత్‌ 376/3

ఐదో టెస్టులో రెండో రోజు రెండో సెషన్‌ ముగిసింది.
ఈ సెషన్‌లో 24 ఓవర్లలో రెండు వికెట్ల నష్టానికి 112 పరుగులు వచ్చాయి.
క్రీజ్‌లో సర్ఫరాజ్‌ 56*, పడిక్కల్‌ 44* ఉన్నారు.
ఐదో వికెట్‌కు వీరిద్దరూ 97 పరుగులు జోడించారు.
భారత్ 158 పరుగులు ఆధిక్యంలో ఉంది.

08/03/2024 14:02(IST)

IND vs ENG: ఐదో టెస్టు.. సర్ఫరాజ్‌ హాఫ్‌ సెంచరీ

దూకుడుగా ఆడుతున్న సర్ఫరాజ్‌ అర్ధ శతకం సాధించాడు.
7 ఫోర్లు, ఒక సిక్స్‌ కొట్టి 55 బంతుల్లో 51 పరుగులు చేశాడు.
మరోవైపు పడిక్కల్‌ 39 పరుగుల వద్ద బ్యాటింగ్‌ చేస్తున్నాడు.
భారత్‌ స్కోరు 366/3 (81 ఓవర్లు)
148 పరుగుల ఆధిక్యంలో భారత్‌ ఉంది.

08/03/2024 13:51(IST)

IND vs ENG: రెండో సెషన్‌.. దూకుడు పెంచిన సర్ఫరాజ్‌

క్రీజ్‌లో కుదురుకున్నాక సర్ఫరాజ్‌ దూకుడు పెంచాడు.
75వ ఓవర్లో రెండు ఫోర్లు బాదాడు.
76వ ఓవర్లో మరో రెండు ఫోర్లు కొట్టాడు.
78వ ఓవర్లో ఫోర్‌తో పాటు, అద్భుతమైన సిక్స్‌ కొట్టాడు.
చివరి 4 ఓవర్లలో 32 పరుగులొచ్చాయి.
సర్ఫరాజ్‌ 40*, పడిక్కల్‌ 36* పరుగుల వద్ద బ్యాటింగ్‌ చేస్తున్నారు.
భారత్‌ స్కోరు 352/3 (78 ఓవర్లు)

08/03/2024 13:31(IST)

IND vs ENG: ఐదో టెస్టు.. 100 పరుగుల ఆధిక్యంలో భారత్‌

తొలి ఇన్నింగ్స్‌లో భారత్‌ 100 పరుగుల ఆధిక్యం సాధించింది.
గిల్‌, రోహిత్‌ ఔటైనా సర్ఫరాజ్ 9*, పడిక్కల్‌ 33* నిలకడగా బ్యాటింగ్‌ చేస్తున్నారు.
చివరి 6 ఓవర్లలో 17 పరుగులొచ్చాయి.
భారత్ స్కోరు 318/3 (74 ఓవర్లు)

08/03/2024 12:54(IST)

IND vs ENG: 300 పరుగులు దాటిన భారత్‌ స్కోరు

తొలి ఇన్నింగ్స్‌లో భారత్‌ స్కోరు 300 దాటింది.
సెంచరీలతో చెలరేగిన గిల్‌, రోహిత్‌ ఔటవడంతో పరుగుల వేగం కాస్త తగ్గింది.
సర్ఫరాజ్ 7, పడిక్కల్‌ 17 వద్ద బ్యాటింగ్‌ చేస్తున్నారు.
భారత్‌ 82 పరుగుల ఆధిక్యంలో ఉంది.

08/03/2024 12:21(IST)

IND vs ENG: బెన్‌ స్టోక్స్‌కు వికెట్‌.. రోహిత్‌ శర్మ బౌల్డ్‌

చాలా కాలంగా బౌలింగ్‌ చేయని స్టోక్స్‌ మళ్లీ బంతిని పట్టాడు.
తొలి ఓవర్‌ తొలి బంతికే రోహిత్ శర్మ (103)ను బౌల్డ్‌ చేశాడు.
దీంతో 171 పరుగుల భాగస్వామ్యానికి తెర పడింది.
క్రీజ్‌లోకి పడిక్కల్‌ వచ్చాడు.
భారత్ స్కోరు 279/2 (62 ఓవర్లు)

08/03/2024 12:00(IST)

IND vs ENG: పలు రికార్డులు నమోదు చేసిన రోహిత్‌ శర్మ

ఐదో టెస్టులో 12వ టెస్టు సెంచరీ సాధించిన రోహిత్‌ శర్మ పలు రికార్డులు నమోదు చేశాడు.
ఇంగ్లాండ్‌పై అత్యధిక సెంచరీలు (4) చేసిన భారత ఓపెనర్‌గా సునిల్‌ గవాస్కర్‌ సరసన నిలిచాడు.
అంతర్జాతీయ క్రికెట్‌లో ఓపెనర్‌గా అత్యధిక సెంచరీలు (43) సాధించిన మూడో బ్యాటర్‌గా నిలిచాడు.
తొలి స్థానంలో డేవిడ్‌ వార్నర్‌ (49), రెండో స్థానంలో సచిన్‌ తెందూల్కర్‌ (45) ఉన్నారు.
అత్యధిక సెంచరీలు (48) చేసిన భారత ఆటగాడిగా రాహుల్‌ ద్రవిడ్‌తో కలిసి మూడో స్థానంలో నిలిచాడు.
తొలి స్థానంలో సచిన్‌ (100 సెంచరీలు), రెండో స్థానంలో విరాట్‌ కోహ్లీ (80 సెంచరీలు) ఉన్నారు.

08/03/2024 11:36(IST)

IND vs ENG: రెండో రోజు లంచ్‌ బ్రేక్‌.. గిల్‌, రోహిత్‌ సెంచరీల మోత

ఐదో టెస్టులో రెండో రోజు లంచ్‌ బ్రేక్‌ సమయానికి భారత్‌ 264 పరుగులు చేసింది.
గిల్‌ 101*, రోహిత్‌ 102* సెంచరీలతో కదం తొక్కారు.
తొలి నుంచి ఇద్దరూ బౌండరీలు బాదుతూ పరుగులు రాబట్టారు.
ప్రస్తుతం భారత్ 46 పరుగుల ఆధిక్యంలో ఉంది.

08/03/2024 11:27(IST)

IND vs ENG: శతకంతో మెరిసిన శుభ్‌మన్‌ గిల్‌

యువ ఆటగాడు శుభ్‌మన్‌ గిల్‌ సెంచరీ సాధించాడు.
ముందునుంచి దూకుడుగా బౌండరీలు బాదుతూ పరుగులు రాబట్టాడు.
10 ఫోర్లు, 5 సిక్సర్లతో 137 బంతుల్లో 100 పరుగుల మార్క్‌ చేరుకున్నాడు.
టెస్టుల్లో అతనికిది నాలుగో సెంచరీ.
ప్రస్తుతం భారత్‌ స్కోరు 262/1

08/03/2024 11:25(IST)

IND vs ENG: ఐదో టెస్టు.. రోహిత్‌ శర్మ సూపర్‌ సెంచరీ

కెప్టెన్‌ రోహిత్‌ శర్మ 100* సెంచరీ సాధించాడు.
తనదైన శైలిలో ఆడుతూ టెస్టుల్లో 12వ శతకం ఖాతాలో వేసుకున్నాడు.
13 ఫోర్లు, 3 సిక్సర్లతో బౌండరీల ద్వారానే 70 పరుగులు రాబట్టాడు.
రెండో వికెట్‌కు ఇప్పటికే గిల్‌, రోహిత్‌ 153 పరుగులు జోడించారు.
ప్రస్తుతం భారత్‌ స్కోరు 256/1
38 పరుగులు ఆధిక్యంలో టీమ్‌ఇండియా ఉంది.

08/03/2024 11:05(IST)

IND vs ENG: శతకాలకు చేరువలో శుభ్‌మన్‌ గిల్‌, రోహిత్‌ శర్మ

అద్భుతమైన బ్యాటింగ్‌తో రోహిత్‌ శర్మ 89*, శుభ్‌మన్‌ గిల్‌ 81* సెంచరీలకు చేరువయ్యారు.
ముందు నుంచి దూకుడుగానే ఆడుతూ పరుగులు రాబడుతున్నారు.
ప్రస్తుతం భారత్ స్కోరు 231/1 (52 ఓవర్లు)
13 పరుగులు ఆధిక్యంలో ఉంది.

08/03/2024 10:40(IST)

IND vs ENG: శుభ్‌మన్‌ గిల్‌, రోహిత్‌ శర్మ సెంచరీ భాగస్వామ్యం

శుభ్‌మన్‌ గిల్‌, రోహిత్‌ శర్మ నిలకడగా ఆడుతూ సెంచరీ భాగస్వామ్యాన్ని నమోదు చేశారు.
తొలి వికెట్‌కు జైస్వాల్‌తో కలిసి 104 పరుగులు జోడించిన రోహిత్‌.
రెండో వికెట్‌కు గిల్‌తోనూ జతకట్టి మరో 100 పరుగులు భాగస్వామ్యాన్ని నెలకొల్పాడు.
ప్రస్తుతం గిల్‌ 65, రోహిత్‌ 80 పరుగుల వద్ద బ్యాటింగ్‌ చేస్తున్నారు.
భారత్‌ స్కోరు 206/1

08/03/2024 10:10(IST)

IND vs ENG: ఐదో టెస్టు.. శుభ్‌మన్‌ గిల్‌ అర్ధ శతకం

యువ ఆటగాడు శుభ్‌మన్‌ గిల్‌ హాఫ్‌ సెంచరీ సాధించాడు.
65 బంతుల్లో 4 ఫోర్లు, 3 సిక్సర్లు బాది 50 పరుగులు పూర్తి చేశాడు.
టెస్టు కెరీర్‌లో అతనికిది ఏడో హాఫ్‌ సెంచరీ.
భారత్‌ స్కోరు 186/1 (40 ఓవర్లు)
గిల్‌ 51*, రోహిత్‌ 74* పరుగులతో క్రీజ్‌లో ఉన్నారు.

08/03/2024 09:50(IST)

IND vs ENG: ఐదో టెస్టు.. దూకుడుగా ఆడుతున్న గిల్‌, రోహిత్‌

రోహిత్‌ శర్మ, శుభ్‌ మన్‌ గిల్‌ దూకుడుగా పరుగులు రాబడుతున్నారు.
రెండో వికెట్‌కు ఇద్దరు కలిసి ఇప్పటికే 57 పరుగులు జోడించారు.
బషీర్‌ వేసిన 33వ ఓవర్‌లో రోహిత్‌ సిక్స్‌, ఫోర్‌ బాదాడు.
34వ ఓవర్‌ అండర్సన్‌ వేయగా గిల్‌ సిక్స్‌, ఫోర్‌ కొట్టాడు. మరో ఫోర్‌ లెగ్‌ బైస్‌ రూపంలో వచ్చింది.
భారత్ స్కోరు 162/1 (35 ఓవర్లు)

08/03/2024 09:26(IST)

మాయగాడు కుల్‌దీప్‌

బంతిని అధీనంలోకి తెచ్చుకుంటాడు. ఎక్కడ పడాలో.. ఎటు తిరగాలో.. ఎక్కడికి వెళ్లాలో అని బంతిని నియంత్రిస్తాడు. బ్యాటర్‌ బుర్రను ముందే చదివేసి.. ఆశ్చర్యకర బౌలింగ్‌తో అబ్బురపరుస్తాడు. మణికట్టు మాయాజాలంతో మెప్పిస్తాడు..

పూర్తి కథనం కోసం క్లిక్‌ చేయండి

07/03/2024 16:59(IST)

IND vs ENG: ఐదో టెస్టు.. ముగిసిన తొలి రోజు ఆట.. భారత్‌ 135/1

ఐదో టెస్టులో తొలి రోజు ఆట ముగిసింది.
తొలి ఇన్నింగ్స్‌లో భారత్‌ ఒక వికెట్‌ కోల్పోయి 135 పరుగులు చేసింది.
జైస్వాల్‌ 57 పరుగులతో మరోసారి తన ఫామ్‌ కొనసాగించాడు.
రోహిత్‌ శర్మ 52*, గిల్‌ 26* క్రీజ్‌లో ఉన్నారు.
బషీర్‌కు ఒక వికెట్‌ దక్కింది.
అంతకు ముందు తొలి ఇన్నింగ్స్‌లో ఇంగ్లాండ్ 218 పరుగులకు ఆలౌటైంది.
క్రాలే 79 పరుగులు చేశాడు.
భారత బౌలర్లలో కుల్‌దీప్‌ 5, అశ్విన్‌ 4, జడేజా ఒక వికెట్‌ పడగొట్టారు.
భారత్‌ 83 పరుగులు వెనుకంజలో ఉంది.

07/03/2024 16:42(IST)

IND vs ENG: రోహిత్‌ శర్మ హాఫ్‌ సెంచరీ

కెప్టెన్‌ రోహిత్‌ శర్మ అర్ధ శతకం నమోదు చేశాడు.
నిలకడగా ఆడుతూ 77 బంతుల్లో 50 పరుగులు రాబట్టాడు.
మరోవైపు గిల్‌ దూకుడుగా ఆడుతూ 15 పరుగుల వద్ద క్రీజ్‌లో ఉన్నాడు.
ప్రస్తుతం భారత్‌ స్కోరు 122/1 (25 ఓవర్లు)

07/03/2024 16:24(IST)

IND vs ENG: జైస్వాల్‌ హాఫ్‌ సెంచరీ.. కొద్ది సేపటికే ఔట్‌

ఓపెనర్‌ జైస్వాల్‌ (57) తన ఫామ్‌ను కొనసాగిస్తూ అర్ధ శతకం నమోదు చేశాడు.
కొద్ది సేపటికే 20.4 ఓవర్‌ వద్ద బషీర్‌ వేసిన బంతికి స్టంప్‌ ఔటయ్యాడు.
క్రీజ్‌లోకి శుభ్‌మన్‌ గిల్ వచ్చాడు.
భారత్‌ స్కోరు 104/1

07/03/2024 16:12(IST)

IND vs ENG: టెస్టుల్లో వేయి పరుగులు పూర్తి చేసిన జైస్వాల్‌

ఐదో టెస్టులో జైస్వాల్‌ పలు రికార్డులు నమోదు చేశాడు.
టెస్టుల్లో వేగంగా వేయి పరుగులు పూర్తి చేసిన రెండో భారత బ్యాటర్‌గా నిలిచాడు.
ఇంగ్లాండ్‌పై ఒక సిరీస్‌లో అత్యధిక పరుగులు చేసిన ఆటగాడిగానూ నిలిచాడు.
ఈ సిరీస్‌లో ఇప్పటి వరకూ జైస్వాల్ 681 పరుగులు చేశాడు.
655 పరుగులతో ఉన్న విరాట్‌ కోహ్లీ రికార్డును అధిగమించాడు.
టెస్టుల్లో ఒకే జట్టుపై అత్యధిక సిక్స్‌లు కొట్టిన భారత బ్యాటర్‌ కూడా జైస్వాలే.
ఇంగ్లాండ్‌పై 26 సిక్స్‌లు కొట్టి సచిన్‌ (25 సిక్స్‌లు అస్ట్రేలియాపై)ను అధిగమించాడు.
జైస్వాల్‌ 38, రోహిత్‌ 42 వద్ద బ్యాటింగ్‌ చేస్తున్నారు.
భారత్‌ స్కోరు 80/0 (18 ఓవర్లు)

07/03/2024 15:51(IST)

IND vs ENG: రోహిత్‌, జైస్వాల్‌ హాఫ్‌ సెంచరీ భాగస్వామ్యం నమోదు

ఓపెనర్లు దూకుడుగా ఆడుతూ 50 పరుగుల భాగస్వామ్యాన్ని నమోదు చేశారు.
జైస్వాల్‌ 26*, రోహిత్‌ 30* వద్ద ఉన్నారు.
జైస్వాల్‌ బషీర్‌ వేసిన ఎనమిదో ఓవర్లో మూడు సిక్స్‌లు కొట్టాడు.
హార్ట్‌లీ వేసిన 12వ ఓవర్లో రోహిత్‌ 2 ఫోర్లు కొట్టాడు
భారత్‌ స్కోరు 56/0

07/03/2024 15:20(IST)

IND vs ENG: నిలకడగా ఆడుతున్న భారత బ్యాటర్లు

ఓపెనర్లు జైస్వాల్‌, రోహిత్‌ నిలకడగా బ్యాటింగ్‌ చేస్తున్నారు.
రెండో ఓవర్లో ఫోర్‌ కొట్టిన రోహిత్‌ నాలుగో ఓవర్లో సిక్స్‌, ఫోర్‌ కొట్టాడు.
ఐదో ఓవర్లో రెండు పరుగులొచ్చాయి.
రోహిత్‌ 14*, జైస్వాల్‌ 4* పరుగుల వద్ద బ్యాటింగ్‌ చేస్తున్నారు.
భారత్‌ స్కోరు 18/0 (5 ఓవర్లు)

07/03/2024 15:00(IST)

IND vs ENG: ఐదో టెస్టు.. ప్రారంభమైన భారత్‌ తొలి ఇన్నింగ్స్‌

చివరి టెస్టులో భారత్‌ తొలి ఇన్నింగ్స్‌ ప్రారంభించింది.
క్రీజ్‌లోకి జైస్వాల్‌, రోహిత్‌ వచ్చారు.
తొలి ఓవర్‌ను అండర్సన్‌ వేస్తున్నాడు.
అంతకు ముందు ఇంగ్లాండ్‌ తొలి ఇన్నింగ్స్‌లో 218 పరుగులు చేసింది.

07/03/2024 14:47(IST)

IND vs ENG: ఐదో టెస్టు.. తొలి ఇన్నింగ్స్‌లో ఇంగ్లాండ్ 218 ఆలౌట్

ఇంగ్లాండ్‌తో జరుగుతున్న ఐదో టెస్టులో భారత స్పిన్నర్లు విజృంభించారు.
దీంతో తొలి ఇన్నింగ్స్‌లో ఇంగ్లాండ్ 218 పరుగులకు ఆలౌటైంది.
194/8 స్కోరుతో చివరి సెషన్‌ను ఆరంభించిన ఇంగ్లాండ్ మరో 24 పరుగులు జోడించింది.
చివరి రెండు వికెట్లు అశ్విన్‌ ఖాతాలో పడ్డాయి.
ఓపెనర్‌ జాక్‌ క్రాలే (79; 108 బంతుల్లో 11 ఫోర్లు, 1 సిక్స్‌) మినహా మిగతా బ్యాటర్లు ప్రభావం చూపలేకపోయారు.
కుల్‌దీప్‌ యాదవ్‌ (5/72), అశ్విన్‌ (4/51) తమ స్పిన్‌ మాయజాలంతో పర్యటక జట్టు బ్యాటర్లకు చుక్కలు చూపించారు.
జడేజాకు ఒక వికెట్ దక్కింది.
జానీ బెయిర్‌స్టో (29), జో రూట్ (26), బెన్‌ డకెట్ (27), బెన్‌ ఫోక్స్‌ (24) పరుగులు చేశారు.

07/03/2024 14:37(IST)

IND vs ENG: ఐదో టెస్టు.. తొలి రోజు చివరి సెషన్ ఆరంభం

ఐదో టెస్టులో తొలి రోజు చివరి సెషన్ ఆరంభమైంది.
టీ విరామం అనంతరం అశ్విన్‌ వేసిన మొదటి ఓవర్‌లో బెన్‌ ఫోక్స్‌ (19) రెండు ఫోర్లు బాదాడు.
దీంతో ఇంగ్లాండ్ స్కోరు 200 దాటింది. 56 ఓవర్లకు స్కోరు 206/8.

07/03/2024 14:10(IST)

IND vs ENG: తొలి రోజు టీ బ్రేక్‌.. ఇంగ్లాండ్‌ 194/8

తొలి రోజు ఆటలో రెండో సెషన్‌ ముగిసింది.
రెండు సెషన్లలో భారత స్పిన్నర్లు చెలరేగిపోయారు.
కుల్‌దీప్‌ 5, అశ్విన్‌ 2, జడేజా ఒక వికెట్ పడగొట్టారు.
ఇంగ్లాండ్‌ బ్యాటర్లలో క్రాలే 79, బెయిర్‌ స్టో 29, డకెట్‌ 27, రూట్‌ 26 పరుగులు చేశారు.
క్రీజ్‌లో బెన్‌ ఫోక్స్‌ 8, బషీర్‌ 5 ఉన్నారు.

07/03/2024 13:54(IST)

IND vs ENG: ఒకే ఒవర్లో అశ్విన్‌కు రెండు వికెట్లు

భారత స్పిన్నర్లు తమ బౌలింగ్‌తో అదరగొడుతున్నారు.
8 వికెట్లు స్పిన్నర్లకే దక్కాయి.
50 ఓవర్ వేసిన అశ్విన్‌ వరుసగా హార్ట్‌లీ (6), మార్క్‌ వుడ్‌ (0)లను వెనక్కి పంపాడు.
ప్రస్తుతం ఇంగ్లాండ్ స్కోరు 183/8

07/03/2024 13:44(IST)

IND vs ENG: కుల్‌దీప్‌కు ఐదో వికెట్.. బెన్‌ స్టోక్స్‌ డకౌట్‌

కుల్‌దీప్‌ యాదవ్‌ ఖాతాలో ఐదో వికెట్‌ పడింది.
తన స్పిన్‌ ధాటికి ఇంగ్లాండ్‌ బ్యాటర్లు వరుసగా పెవిలియన్‌ చేరుతున్నారు.
45.4 ఓవర్ వద్ద బెన్‌ స్టోక్స్‌ (0)ను వికెట్ల ముందు దొరకబుచ్చుకున్నాడు.
దీంతో ఇంగ్లాండ్‌ 175 పరుగులకే 6 వికెట్లు కోల్పోయింది.
క్రీజ్‌లోకి హార్ట్‌లీ వచ్చాడు.

07/03/2024 13:30(IST)

IND vs ENG: స్వల్ప వ్యవధిలో మరో వికెట్‌.. జో రూట్‌ ఔట్‌

స్వల్ప వ్యవధిలోనే భారత్‌కు మరో వికెట్‌ లభించింది.
ఈ సారి జడేజా తన ఖాతాను తెరిచాడు.
44.2 ఓవర్‌ వద్ద రూట్‌ (26) వికెట్ల ముందు దొరికిపోయాడు.
రివ్యూకి వెళ్లినా ఫలితం లేదు.
క్రీజ్‌లోకి ఫోక్స్‌ వచ్చాడు.
ఇంగ్లాండ్‌ స్కోరు 175/5

07/03/2024 13:25(IST)

IND vs ENG: బెయిర్‌ స్టో ఔట్‌.. టెస్టుల్లో కుల్‌దీప్‌కు 50 వికెట్లు

కుల్‌దీప్‌ తన బౌలింగ్‌తో బ్యాటర్లను వరుసగా పెవిలియన్‌ చేరుస్తున్నాడు.
4 వికెట్లు పడగొట్టి టెస్టుల్లో 50 వికెట్ల మార్కును చేరుకున్నాడు.
43.4 ఓవర్‌ వద్ద బెయిర్‌ స్టో (29)ను ఔట్‌ చేశాడు.
ఎడ్జ్‌ తీసుకుని బంతి కీపర్‌ చేతికి చిక్కడంతో వందో టెస్టులో బెయిర్‌ స్టో తక్కువ పరుగులకే వెనుతిరిగాడు.
ఇంగ్లాండ్ స్కోరు 175/4 (44 ఓవర్లు)

07/03/2024 12:57(IST)

IND vs ENG: కుల్‌దీప్‌కు మూడో వికెట్‌.. జాక్‌ క్రాలే బౌల్డ్‌

సెంచరీ దిశగా సాగుతున్న జాక్ క్రాలే (79)ను కుల్‌దీప్‌ యాదవ్‌ ఔట్‌ చేశాడు.
37.2 వద్ద కుల్‌దీప్‌ వేసిన బంతి క్రాలే బ్యాట్‌ను తాకి వికెట్లను తాకింది.
మూడు వికెట్లు కుల్‌దీప్‌కే దక్కడం విశేషం.
క్రీజ్‌లోకి బెయిర్‌ స్టో వచ్చాడు.
ఇంగ్లాండ్‌ స్కోరు 143/3 (38 ఓవర్లు)

07/03/2024 12:54(IST)

IND vs ENG: వికెట్‌ కోసం యత్నిస్తున్న భారత బౌలర్లు

వికెట్‌ కోసం భారత బౌలర్లు ప్రయత్నిస్తున్నారు.
పొదుపుగా బౌలింగ్‌ చేస్తూ బ్యాటర్లను కట్టడి చేస్తున్నారు.
32వ ఓవర్లో కుల్‌దీప్‌ 2 పరుగులిచ్చాడు.
33వ ఓవర్లో బుమ్రా 5 పరుగులిచ్చాడు.
34, 35వ ఓవర్లు వరుసగా కుల్‌దీప్‌, బుమ్రా మెయిడెన్‌ చేశారు.
36వ ఓవర్‌ వేసిన కుల్‌దీప్‌ 7 పరుగులిచ్చాడు.
ఇంగ్లాండ్‌ స్కోరు 136/2 (36 ఓవర్లు)
క్రాలే 78*, రూట్‌ 17* పరుగుల వద్ద ఉన్నారు.

07/03/2024 12:33(IST)

IND vs ENG: కట్టుదిట్టంగా భారత్‌ బౌలింగ్‌

భారత బౌలర్లు కట్టుదిట్టంగా బంతులు వేస్తున్నారు.
26వ ఓవర్లో క్రాలే ఇచ్చిన క్యాచ్‌ను షార్ట్‌ లెగ్‌లో సర్ఫరాజ్‌ అందుకున్నా అంపైర్‌ ఔట్‌ ఇవ్వలేదు.
రోహిత్‌ రివ్యూకి వెళ్లకపోవడంతో క్రాలే బతికిపోయాడు.
బంతి బ్యాట్‌కు తగిలినట్టు తేలింది.
చివరి 5 ఓవర్లలో 22 పరుగులు వచ్చాయి.
క్రాలే 69*, రూట్‌ 12* బ్యాటింగ్‌ చేస్తున్నారు.
ఇంగ్లాండ్‌ స్కోరు 122/2 (31 ఓవర్లు).

07/03/2024 11:34(IST)

IND vs ENG: భారత్‌కు రెండో వికెట్‌.. లంచ్‌ బ్రేక్‌.. ఇంగ్లాండ్‌ 100/2

తొలి రోజు ఆటలో తొలి సెషన్‌ ముగిసింది.
లంచ్‌ బ్రేక్‌ ముందు చివరి ఓవర్లో భారత్‌కు రెండో వికెట్‌ దక్కింది.
26వ ఓవర్లో ఒలీ పోప్‌ (11) కుల్‌దీప్‌ వేసిన బంతికి స్టంప్‌ ఔట్‌గా వెనుతిరిగాడు.
ప్రస్తుతం క్రీజ్‌లో క్రాలే 61* ఉన్నాడు.
కుల్‌దీప్‌ యాదవ్‌కే రెండు వికెట్లు దక్కాయి.

07/03/2024 10:59(IST)

IND vs ENG: గిల్‌ అద్భుతమైన క్యాచ్‌.. భారత్‌కు తొలి వికెట్‌

భారత్‌కు తొలి వికెట్‌ దక్కింది.
నిలకడగా ఆడుతున్న బెన్‌ డకెట్‌ 18వ ఓవర్లో కుల్‌దీప్‌ బౌలింగ్‌లో ఔటయ్యాడు.
డకెట్‌ (27) కొట్టిన బంతిని మెరుపు వేగంతో వెనక్కి పరుగెత్తి శుభ్‌మన్‌ గిల్‌ అద్భుతంగా ఒడిసిపట్టాడు.
క్రీజ్‌లోకి ఒలీ పోప్‌ వచ్చాడు.
ఇంగ్లాండ్‌ స్కోరు 64/1 (18 ఓవర్లు)

07/03/2024 10:49(IST)

IND vs ENG: ఇంగ్లాండ్‌ హాఫ్‌ సెంచరీ భాగస్వామ్యం

ఇంగ్లాండ్‌ ఓపెనర్లు హాఫ్‌ సెంచరీ భాగస్వామ్యాన్ని నమోదు చేశారు.
భారత బౌలర్లు కట్టుదిట్టంగా బంతులేస్తున్నా ఆచితూచి పరుగులు రాబడుతున్నారు.
మరోవైపు వికెట్‌ కోసం భారత్ యత్నిస్తోంది.
12వ ఓవర్లో సిరాజ్‌ వేసిన బంతి క్రాలే ప్యాడ్స్‌ను తాకగా అంపైర్‌ నాటౌట్‌ ఇచ్చాడు.
భారత్ రివ్యూ కోరినా అంపైర్స్‌ కాల్‌తో క్రాలే బతికిపోయాడు.
ఇంగ్లాండ్‌ స్కోరు 51/0 (15 ఓవర్లు)

07/03/2024 10:23(IST)

IND vs ENG: బజ్‌ బాల్‌ను పక్కన పెట్టిన ఇంగ్లాండ్‌.. ఆచితూచి బ్యాటింగ్‌

ఇంగ్లాండ్‌ ఆటగాళ్లు దూకుడు తగ్గించారు.
వికెట్‌ నష్టపోకుండా జాగ్రత్తగా ఆడుతున్నారు.
మరోవైపు సిరాజ్‌, బుమ్రా అద్భుతమైన బంతులతో పరుగులను కట్టడి చేస్తున్నారు.
చివరి 5 ఓవర్లకు 23 పరుగులొచ్చాయి.
క్రీజ్‌లో క్రాలే 23*, డకెట్‌ 11* ఉన్నారు.
ప్రస్తుతం స్కోరు 35/0 (10 ఓవర్లు)

07/03/2024 09:55(IST)

IND vs ENG: కట్టుదిట్టంగా భారత్‌ బౌలింగ్

భారత బౌలర్లు కట్టుదిట్టంగా బంతులేస్తున్నారు.
ఎప్పటిలా దూకుడుగా కాకుండా ఇంగ్లాండ్‌ బ్యాటర్లు ఆచితూచి ఆడుతున్నారు.
తొలి 5 ఓవర్లలో బౌలర్లు 12 పరుగులే ఇచ్చారు.
ఇంగ్లాండ్‌ స్కోరు 12/0 (5 ఓవర్లు)

07/03/2024 09:24(IST)

భారత జట్టు ఇదే..

యశస్వి జైస్వాల్‌, రోహిత్‌ శర్మ (కెప్టెన్‌), శుభ్‌మన్‌ గిల్‌, దేవ్‌దత్‌ పడిక్కల్‌, జడేజా, సర్ఫరాజ్‌, ధ్రువ్‌ జురెల్‌ (వికెట్‌ కీపర్‌), అశ్విన్‌, కుల్‌దీప్‌ యాదవ్‌, సిరాజ్‌, బుమ్రా.
దేవ్‌దత్‌ పడిక్కల్‌ తొలి అంతర్జాతీయ టెస్టు మ్యాచ్‌ ఆడుతున్నాడు.

06/03/2024 17:28(IST)

రిషబ్‌ పంత్‌ ఆటను బెన్‌ డకెట్‌ చూడలేదేమో : రోహిత్‌ శర్మ

భారత ఓపెనర్‌ యశస్వి జైస్వాల్‌ బ్యాటింగ్‌పై ఇంగ్లాండ్‌ ఆటగాడు బెన్‌ డకెట్‌ చేసిన వ్యాఖ్యలను కెప్టెన్‌ రోహిత్‌ శర్మ ఖండించాడు. ధర్మశాలలో జరిగే ఐదో టెస్టు మ్యాచ్‌కు ముందు విలేకరుల సమావేశంలో మాట్లాడుతూ వికెట్‌ కీపర్‌, బ్యాటర్‌ రిషబ్‌పంత్ గురించి ప్రస్తావించాడు. పూర్తి వార్త కోసం క్లిక్‌ చేయండి

06/03/2024 17:26(IST)

ధర్మశాలలో పడిక్కల్‌ అరంగేట్రం చేసేనా?

స్వదేశంలో ఇంగ్లాండ్‌తో అయిదు మ్యాచ్‌ల టెస్టు సిరీస్‌ను భారత్‌ ఇప్పటికే 3-1తో సొంతం చేసుకుంది. ఇక మిగిలింది ఆఖరి టెస్టు మాత్రమే. గురువారం ఈ మ్యాచ్‌ ఆరంభమవుతుంది. ఇప్పటికే సిరీస్‌ టీమ్‌ఇండియా సొంతమైన నేపథ్యంలో ఇది నామమాత్ర మ్యాచ్‌గా మారిపోయింది. అయినా ఈ మ్యాచ్‌కు ముందు ఓ విషయం ఆసక్తి రేకెత్తిస్తోంది. భారత ఆటగాళ్ల అరంగేట్రాలకు వేదికగా మారిన ఈ సిరీస్‌లో మరో ఆటగాడు టెస్టుల్లో అడుగుపెడతాడా? అన్నది హాట్‌ టాపిక్‌గా మారింది. ఆ ఆటగాడే.. దేవ్‌దత్‌ పడిక్కల్‌. పూర్తి వార్త కోసం క్లిక్‌ చేయండి

06/03/2024 17:24(IST)

ఒకేసారి ఇద్దరి సెంచరీ

వందో టెస్టు.. ఓ క్రికెటర్‌ జీవితంలో గొప్ప మైలురాయి. ఓ ఆటగాడు ఆ ఘనత అందుకోబోతుంటే ఆ మ్యాచ్‌ చాలా ప్రత్యేకంగా మారుతుంది. అయితే ఒకే మ్యాచ్‌లో ఇద్దరు క్రికెటర్లు వందో టెస్టు మైలురాయిని అందుకుంటే..? గురువారం ధర్మశాలలో ఇదే జరగబోతోంది. పూర్తి కథనం కోసం క్లిక్ చేయండి

06/03/2024 17:22(IST)

భయమేల.. రవిచంద్రుడుండగ!

2011 నవంబరు 6న ఓ యువ స్పిన్నర్‌ టీమ్‌ఇండియా టెస్టు టోపీ అందుకుని మైదానంలోకి అడుగుపెట్టాడు. తర్వాతి పన్నెండేళ్లలో భారత టెస్టు జట్టులోకి ఎందరో స్పిన్నర్లు వచ్చారు. వెళ్లారు. కానీ అతను మాత్రం స్థిరంగా అక్కడే ఉన్నాడు. ఉన్నవాడు ఊరికే ఉన్నాడా? అసామాన్యమైన నిలకడతో.. ఎన్నో అద్భుత ప్రదర్శనలతో.. వందల కొద్దీ వికెట్లతో.. లెక్కలేనన్ని రికార్డులతో అబ్బురపరుస్తూనే ఉన్నాడు. ఇప్పుడు వందో టెస్టు మైలురాయి ముంగిట సగర్వంగా నిలబడ్డ ఆ అసాధారణ బౌలరే.. రవిచంద్రన్‌ అశ్విన్‌. పూర్తి కథనం కోసం క్లిక్ చేయండి

06/03/2024 17:19(IST)

ఇంగ్లాండ్‌తో ఆఖరి టెస్టు.. టీమ్‌ఇండియా జోరు కొనసాగేనా..?

ఇంగ్లాండ్‌తో టెస్టు సిరీస్‌లో ఆఖరి మ్యాచ్‌కు టీమ్‌ఇండియా సిద్ధమైంది. ఇప్పటికే 3-1తో సిరీస్‌ కైవసం చేసుకున్న రోహిత్‌ సేనకు ఇది నామమాత్రపు మ్యాచే. ఇందులోనూ విజయం సాధించి ఆధిపత్యాన్ని కొనసాగించాలని టీమ్‌ఇండియా భావిస్తోంది. డబ్ల్యూటీసీ పాయింట్ల పట్టికలో అగ్రస్థానాన్ని కాపాడుకోవాలంటే ఇక నుంచి ప్రతి మ్యాచ్‌ భారత్‌కు కీలకమే. పూర్తి కథనం కోసం క్లిక్‌ చేయండి

App

IND vs ENG: భారత్ X ఇంగ్లాండ్‌.. ఐదో టెస్టు లైవ్‌ అప్‌డేట్స్

తాజా వార్తలు (Latest News)

ఈనాడు.నెట్‌లో టాప్‌ 10 వార్తలు @ 9 PM

కల్కి ఆ ఇంగ్లీష్‌ మూవీకి కాపీనా? నాగ్‌ అశ్విన్‌ రిప్లై ఇదే!

లైంగిక వేధింపుల కేసు.. ప్రజ్వల్‌ను సస్పెండ్‌ చేస్తాం - జేడీఎస్‌

30 వారాల గర్భవిచ్ఛిత్తి కేసు.. తీర్పును వెనక్కి తీసుకున్న ‘సుప్రీం’

మహీంద్రా నుంచి ఎక్స్‌యూవీ 3XO.. ధర ₹7.49 లక్షలు

ప్రేమలో విఫలమైతే అలా చేయొద్దు: పూరి జగన్నాథ్‌

సుఖీభవ

చదువు