close

తాజా వార్తలు

Updated : 23/04/2021 12:14 IST
Facebook Share Twitter Share WhatsApp Share Telegram Share

ఐసీయూలో మంటలు..13మంది మృతి

పాల్ఘర్‌: మహారాష్ట్రలో మరో తీవ్ర విషాదం చోటుచేసుకుంది. మొన్నటికి మొన్న నాసిక్‌లోని ఓ కొవిడ్‌ ఆసుపత్రిలో ఆక్సిజన్‌ ట్యాంకర్‌ లీకై.. ప్రాణవాయువు సరఫరా నిలిచి 24 మంది ప్రాణాలు కోల్పోయిన విషయం తెలిసిందే. ఆ దుర్ఘటన మరవకముందే పాల్ఘర్‌ జిల్లాలో మరో ప్రమాదం జరిగింది. వాసాయిలోని విజయ్‌ వల్లభ్‌ కొవిడ్‌ ఆసుపత్రిలో ఐసీయూలో మంటలు చెలరేగి 13 మంది రోగులు మృత్యువాత పడ్డారు. వీరిలో 10 మంది మహిళలున్నారు. ఘటన నేపథ్యంలో ఇతర రోగులకు వెంటనే మరో ఆసుపత్రికి తరలించారు.

ఏసీలో షార్ట్‌సర్క్యూట్‌ కారణంగా మంటలు చెలరేగినట్లు తెలుస్తోంది. ఘటనాస్థలానికి చేరుకున్న పోలీసులు, అగ్నిమాపక సిబ్బంది మంటలను అదుపుచేశారు. ఘటనపై మహారాష్ట్ర ముఖ్యమంత్రి ఉద్ధవ్‌ ఠాక్రే విచారం వ్యక్తం చేశారు. అగ్నిప్రమాదంపై దర్యాప్తునకు ఆదేశించారు. 

మోదీ సంతాపం

ప్రమాదంపై ప్రధానమంత్రి నరేంద్రమోదీ దిగ్భ్రాంతి వ్యక్తం చేశారు. ‘కొవిడ్‌ ఆసుపత్రిలో అగ్నిప్రమాద ఘటన తీవ్ర బాధాకరం. మృతుల కుటుంబాలకు ప్రగాఢ సానుభూతి తెలియజేస్తున్నారు’అని మోదీ ట్వీట్‌ చేశారు. కేంద్ర మంత్రులు రాజ్‌నాథ్ సింగ్‌, నితిన్‌ గడ్కరీ, ఒడిశా ముఖ్యమంత్రి నవీన్‌ పట్నాయక్‌ సహా పలువురు ప్రముఖులు సంతాపం ప్రకటించారు.  


 

ఇవీ చదవండి


 

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని