close

తాజా వార్తలు

Updated : 24/10/2020 10:53 IST
Facebook Share Twitter Share WhatsApp Share Telegram Share

ట్రంప్‌-బైడెన్‌.. ఎవరొచ్చినా వైఖరి మారదు!

భారత్‌తో సంబంధాలపై అమెరికా

దిల్లీ: భారత్‌-అమెరికా మధ్య జరగబోయే 2+2 చర్చల్లో చైనా సరిహద్దు అంశం సైతం చర్చకు వచ్చే అవకాశం ఉందని అగ్రరాజ్య ఉన్నతాధికారి ఒకరు తెలిపారు. భారత్‌-చైనా సరిహద్దుల్లో పరిస్థితిని క్షుణ్నంగా పరిశీలిస్తున్నామన్నారు. మరింత ఉద్రిక్తంగా మారకుండా ఉండాలని కోరుకుంటున్నామన్నారు. చైనా దురాక్రమణపూరిత వైఖరిని నిలువరించాలంటే ఆగ్నేయాసియాలో భారత్‌ శక్తిమంతంగా మారాల్సిన అవసరం ఉందన్నారు. ఈ మేరకు దక్షిణ చైనా సముద్రంలో భారత్‌ తన సైనిక కార్యకలాపాల్ని వేగవంతం చేయడం.. ఆ ప్రాంతంలోని ఇతర మిత్రదేశాలతో కలిసి పనిచేయడం స్వాగతిస్తున్నామన్నారు. 

హిమాలయాల నుంచి దక్షిణ చైనా సముద్రం వరకు చైనా దురుసు వైఖరిని ప్రదర్శిస్తోందని ట్రంప్‌ పాలకవర్గంలోని ఉన్నతాధికారులు అభిప్రాయపడ్డారు. దీనికి అడ్డుకట్ట వేయడానికి భారత్‌ వంటి మిత్ర దేశాలతో కలిసి పనిచేస్తామన్నారు. ఈ మేరకు రక్షణ విక్రయాలు, విన్యాసాలు, కీలక సమాచార మార్పిడి వంటి అంశాల్లో భారత్‌కు సహకారం అందిస్తున్నామన్నారు. 2016 తర్వాత భారత్‌-అమెరికా మధ్య రక్షణ భాగస్వామ్యం కొత్త పుంతలు తొక్కిందన్నారు. 

అధ్యక్ష ఎన్నికల తర్వాత కూడా చైనా విషయంలో భారత్‌కు సహకారం కొనసాగుతుందని స్పష్టం చేశారు. ప్రభుత్వం మారినా ఈ విషయంలో పెద్దగా మార్పు ఉండదని తేల్చి చెప్పారు. అమెరికాలోని రెండు ప్రధాన పార్టీలూ భారత్‌తో మెరుగైన సంబంధాల్నే కోరుకుంటున్నాయన్నారు.

భారత్‌-అమెరికాల మధ్య అత్యంత కీలకమైన 2+2 చర్చలు ఈ నెల 26-27 తేదీల్లో దిల్లీలో నిర్వహించేందుకు రంగం సిద్ధమైంది. అందులో భాగంగా అమెరికా విదేశాంగ మంత్రి మైక్‌ పాంపియో, రక్షణ మంత్రి మార్క్‌ ఎస్పర్‌లు- భారత రక్షణశాఖ మంత్రి రాజ్‌నాథ్‌ సింగ్‌, విదేశీవ్యవహారాల శాఖ మంత్రి జైశంకర్‌లతో భేటీ కానున్నారు. ప్రాంతీయ భద్రతా సహకారం, రక్షణ సమాచార మార్పిడి, సైనిక సంప్రదింపులు, రక్షణోత్పత్తుల వ్యాపారంపై ప్రధానంగా చర్చించనున్నారు. అత్యంత కీలకమైన బేసిక్‌ ఎక్స్చేంజీ అండ్‌ కో-ఆపరేషన్‌ అగ్రిమెంట్‌ (బెకా)పై సంతకాలు చేసే అవకాశాలు ఉన్నాయి.


Tags :

జాతీయ-అంతర్జాతీయ

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జిల్లా వార్తలు

చిత్ర వార్తలు

సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.