మెహుల్ ఛోక్సికి బాంబే హైకోర్టు ఆదేశం

ముంబయి: తన ఆరోగ్య పరిస్థితిపై వెంటనే మెడికల్ ప్రతాలను సమర్పించాలని  పరారీలో ఉన్న వజ్రాల వ్యాపారి మెహుల్ ఛోక్సిని బాంబే హైకోర్టు సోమవారం ఆదేశించింది. పరిశీలన నిమిత్తం ఆ పత్రాలను ముంబయిలో ఆసుప్రతికి సమర్పించాలని, దాన్ని బట్టి  అతడు ప్రయాణం చేయొచ్చో లేదో తేలుస్తామని వెల్లడించింది. 

ఛోక్సి భారత్‌కు రావడానికి ప్రయాణం చేయొచ్చో లేదో ముంబయిలోని ప్రభుత్వ ఆధ్వర్యంలో నడిచే జేజే ఆసుపత్రి వైద్య బృందం పరిశీలిస్తారని హైకోర్టు వెల్లడించింది. ఆ తరవాత ఆ పత్రాలను కోర్టుకు సమర్పించాలని తెలిపింది. ప్రస్తుతం కరీబియన్‌ దీవుల్లో ఉంటోన్న ఛోక్సిని తీసుకురావడానికి ఎయిర్ అంబులెన్స్‌ను ఏర్పాటు చేస్తామని శనివారం ఈడీ కోర్టుకు వెల్లడించింది. ఈడీ వాదనలు విన్న తరవాత కోర్టు ఈ ఆదేశాలు జారీ చేసింది. న్యాయ విచారణను ఆలస్యం చేయడానికి ఛోక్సి ఆరోగ్యకారణాలను వంకగా చూపిస్తూ, కోర్టును తప్పుదోవ పట్టిస్తున్నారని  ఈడీ  వెల్లడించింది. పంజాబ్ నేషనల్ బ్యాంకుకు వేల కోట్ల రూపాయలు  మోసం చేసిన వజ్రాల వ్యాపారీ నీరవ్ మోదీకి ఛోక్సి బంధువు.