close

తాజా వార్తలు

రెడ్‌మీ8: తొలి 50 లక్షలమందికి ₹1000 తగ్గింపు

రెడ్‌మీ 8కి షావోమీ ఆఫర్‌

ఇంటర్నెట్‌డెస్క్‌: షావోమీ వరుసగా కొత్త మొబైళ్లను లాంచ్‌ చేస్తూ అదరగొడుతోంది. ఈ క్రమంలో ‘8’ సిరీస్‌లో మరో బడ్జెట్‌ ఫోన్‌ను భారత మార్కెట్‌లోకి విడుదల చేసింది. తక్కువ ధరలో పెద్ద బ్యాటరీ, ఆకర్షణీయమైన డిజైన్‌తో ‘రెడ్‌మీ 8’ను తీసుకొచ్చింది. ఈ మొబైల్‌లో మూడు కెమెరాలున్నాయి. వెనుకవైపు సోనీ ఐఎంఎక్స్‌ 363 సెన్సర్‌తో 12 మెగాపిక్సెల్ కెమెరా ఇస్తున్నారు. 2 మెగాపిక్సెల్ డెప్త్‌ సెన్సర్‌ కెమెరా కూడా ఉంటుంది. మూడో కెమెరాను 8 మెగాపిక్సెల్‌ ఏఐతో సెల్ఫీలు తీసుకునేందుకు అమర్చారు . 5000 ఎంఏహెచ్‌ బ్యాటరీతో వస్తున్న ఈ మొబైల్‌ 18 వాట్‌ ఫాస్ట్‌ చార్జింగ్‌ను సపోర్ట్‌ చేస్తుంది. 720x1520 పిక్సెల్‌ రిజల్యూషన్‌తో 6.22 అంగుళాల హెచ్‌డీ స్క్రీన్‌ ఉంటుంది. గొరిల్లా గ్లాస్‌ 5 ప్రొటెక్షన్‌తో ఈ మొబైల్‌ను తీసుకొస్తున్నారు.  ఆండ్రాయిడ్‌ 9 ‘పై’ ఓఎస్‌తో ఈ ఫోను పని చేస్తుంది. స్నాప్‌డ్రాగన్‌ 439 ప్రాసెసర్‌ను అమర్చారు. 

వైర్‌లెస్‌ ఎఫ్ఎం రేడియో, ఫింగర్‌ ప్రింట్‌ సెన్సర్, ఏఐ ఫేస్‌ లాక్‌ వంటి ఫీచర్స్‌ రెడ్‌మీ 8లో ఉన్నాయి. రెండు వేరియంట్లలో ఈ మొబైల్‌ లభ్యమవుతుంది. 3 జీబీ ర్యామ్‌, 32 జీబీ అంతర్గత మెమొరీ వెర్షన్‌ ధర రూ. 7,999. 4 జీబీ ర్యామ్‌, 64 జీబీ ఇంటర్నల్‌ మెమొరీ వేరియంట్‌ ధర రూ. 8,999. మెమొరీ కార్డుతో స్టోరేజిని 512 జీబీ వరకు పొడిగించొచ్చు. ప్రారంభ ఆఫర్‌ కింద 4 జీబీ ర్యామ్‌, 64 జీబీ అంతర్గత మెమొరీ వేరియంట్‌ను రూ. 7,999కే విక్రయించనున్నారు. అయితే తొలి 50 లక్షల ఫోన్లకే ఈ ఆఫర్‌ ఇస్తున్నారు. ఆనిక్స్‌ బ్లాక్‌, రూబీ రెడ్‌, సఫైర్‌ బ్లూ రంగుల్లో ఈ మొబైల్‌ లభిస్తుంది. అక్టోబరు 12 నుంచి ఎంఐ.కామ్‌, ఎంఐ హోమ్‌, ఫ్లిప్‌కార్ట్‌లో ఈ ఫోనును కొనుగోలు చేయవచ్చు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.