close

తాజా వార్తలు

అర్జున్‌రెడ్డి రీమేక్.. షాకైన హీరో

ముంబయి: విజయ్‌ దేవరకొండ కథానాయకుడిగా తెలుగులో విజయవంతమైన చిత్రం ‘అర్జున్‌రెడ్డి’. సందీప్‌ వంగా దర్శకుడు.  ఈ సినిమాని హిందీలో ‘కబీర్‌ సింగ్‌’ పేరుతో తెరకెక్కించారు దర్శకుడు సందీప్‌. షాహిద్‌ కపూర్‌ కథానాయకుడు. కియారా అడ్వాణీ కథానాయిక. ఇటీవల విడుదలైన ఈ సినిమా బాలీవుడ్‌లో మంచి విజయాన్ని అందుకోవడమే కాకుండా షాహిద్‌కపూర్‌ నటనకు సినీ ప్రముఖులతోపాటు ప్రేక్షకుల నుంచి కూడా ప్రశంసలు లభించాయి. తాజాగా ఓ నెటిజన్‌ సోషల్‌మీడియా వేదికగా ‘కబీర్‌ సింగ్‌’ సినిమాలోని క్లైమాక్స్‌ సన్నివేశంలో షాహిద్‌ ఒళ్లు గగుర్పొడిచింది అనే విషయాన్ని తెలియచేస్తూ ఓ పోస్ట్‌ పెట్టారు.

‘ఒక నటుడు సినిమాలోని పాత్రను తన జీవితంతో అన్వయించుకుని.. ఎమోషన్స్‌ను పండించినప్పుడే ప్రేక్షకులు ఆ సినిమాపట్ల ఆసక్తి కనబరుస్తారు. షాహిద్‌కపూర్‌ నటించిన ‘కబీర్‌ సింగ్‌’ సినిమాలో ఆయన తండ్రి అవుతున్నాడనే విషయం తెలిసిన సన్నివేశంలో ఆయనకి ఒళ్లు గగుర్పొడించింది.’ అని దానికి సంబంధించిన ఫొటోలను జత చేస్తూ ఓ నెటిజన్‌ ట్వీట్‌ చేసింది.

కాగా ఈ ట్వీట్‌ను చూసిన షాహిద్‌ స్పందిస్తూ.. ‘నాకు కూడా ఈ విషయం తెలియదు. సినిమా ఎడిటింగ్‌ సమయంలో దీనిని గుర్తించిన మా దర్శకుడు సందీప్‌ రెడ్డి వంగా నాకు ఈ విషయాన్ని తెలియచేశారు. మీరు ఈ విషయాన్ని చాలా అద్భుతంగా గుర్తించారు.’ అని ఆయన తెలిపారు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.