close

తాజా వార్తలు

ఆ వృద్ధాశ్రమం పూర్తి చేసే బాధ్యత నాదే: తేజ్‌

హైదరాబాద్‌: తన పుట్టినరోజు సందర్భంగా ఏదైనా ఒక సమస్యకు శాశ్వత పరిష్కారం చూపించాలని నిర్ణయం తీసుకున్నట్లు యువ కథానాయకుడు సాయిధరమ్‌తేజ్‌ తెలిపారు. అందుకే మధ్యలో ఆగిపోయిన ఒక వృద్ధాశ్రమం నిర్మాణం పూర్తి చేయడంతో పాటు,  ఏడాది కాలానికి అవసరమయ్యే అన్ని వసతులు కల్పిస్తానని అన్నారు. మంగళవారం ఆయన పుట్టినరోజు సందర్భంగా చిత్ర పరిశ్రమలోని పలువురు ప్రముఖులతో పాటు, అభిమానులు కూడా ఆయనకు శుభాకాంక్షలు తెలిపారు. ఈ నేపథ్యంలో సాయిధరమ్‌తేజ్‌ ఒక వీడియోను అభిమానులతో పంచుకున్నారు. 

‘‘అందరికీ నమస్కారం.. నా పుట్టినరోజు సందర్భంగా ఫ్యాన్స్‌, ఫ్రెండ్స్‌ వారి ఊళ్లలో రక్తదాన శిబిరాలు, అనాథ శరణాలయాల్లో అన్నదానం, పేద విద్యార్థులకు పుస్తకాల పంపిణీ చేస్తున్నారు. నాకు చాలా సంతోషంగా ఉంది. ఈ నేపథ్యంలో నాకో ఆలోచన వచ్చింది. ఇప్పటివరకూ ఉన్న సమస్యలకు తాత్కాలికంగా మాత్రమే పరిష్కారం చూపిస్తూ వచ్చాం. అయితే, ఏదైనా ఒక సమస్యకు శాశ్వత పరిష్కారం చూపిస్తే ఎలా ఉంటుందని ఆలోచన వచ్చింది. ఆ సమయంలో ఒక వృద్ధాశ్రమం వాళ్లు ట్విటర్‌లో నన్ను ట్యాగ్‌ చేసి తమ వృద్ధాశ్రమం పూర్తి కావడానికి సాయం అడిగారు. ఆ మొత్తం ఖర్చును నేను భరిస్తా’’

‘‘మెగా ఫ్యాన్స్‌కు కూడా నేను విజ్ఞప్తి చేశా. ‘నా పుట్టినరోజున ఫ్లెక్సీలు పెట్టవద్దు. వాటికయ్యే ఖర్చు లేదా మీరు ఎంత ఇవ్వాలనుకుంటున్నారో ఆ మొత్తం నాకు ఇవ్వండి. వృద్ధాశ్రమం పూర్తికావడానికి మీ తరపున నేను వారికి డబ్బులు ఇస్తా’నని చెప్పా. చాలా మంది ఫ్యాన్స్‌ నాకు డబ్బులు పంపారు. దాదాపు రూ. లక్షకుపైగా విరాళం ఇచ్చారు. ఫ్యాన్స్‌ నుంచి ఈ స్థాయిలో సహకారం అందినందుకు నిజంగా థ్యాంక్స్‌. ఆ ప్రాజెక్టు పూర్తి కావడానికి అయ్యే ఖర్చు భరించడంతో పాటు, ఏడాది పాటు ఆ వృద్ధాశ్రమం నడవడానికి కావాల్సినవన్నీ సమకూరుస్తా. ఇవేవీ నా గురించి గొప్పలు చెప్పుకోవడానికి కాదు. నన్ను చూసి స్ఫూర్తి పొంది ఎవరైనా ఇలా సాయం చేయడానికి ముందుకు వస్తే, ప్రతి చిన్న సమస్యకు పరిష్కారం దొరుకుతుంది. అందుకే ఈ విషయాన్ని ప్రజలతో పంచుకోవాలనుకుంటున్నా’’ అని అన్నారు. 

సాయిధరమ్‌తేజ్‌ ప్రస్తుతం మారుతీ దర్శకత్వంలో ‘ప్రతి రోజూ పండగే ’ చిత్రంలో నటిస్తున్నారు. యూవీ క్రియేషన్స్‌, జీఏ2 పిక్చర్స్‌ పతాకంపై బన్ని వాసు నిర్మిస్తున్నారు. తమన్‌ స్వరాలు సమకూరుస్తున్నారు. 


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.