సూచించిన మార్గాల్లోనే వెళ్లాలి: అదనపు ట్రాఫిక్‌ కమిషనర్‌

హైదరాబాద్‌: ఆర్టీసీ కార్మికులు తలపెట్టిన చలో ట్యాంక్‌ బండ్‌ కార్యక్రమం సందర్భంగా హైదరాబాద్‌ అదనపు ట్రాఫిక్‌ కమిషనర్‌ నగరంలో ఆంక్షలు విధించారు. ఈ క్రమంలో ట్యాంక్‌ బండ్‌పైకి వచ్చే వాహనాల రాకపోకలను క్రమబద్దీకరించడంతో పాటు ఆయా మార్గాల్లో వాహనాలను దారి మళ్లించారు.  సూచించిన మార్గాల్లో మాత్రమే వాహనదారులు వెళ్లాలని ట్రాఫిక్‌ అధికారులు పేర్కొన్నారు.
* ఉదయం 8 గంటల నుంచి సాయంత్రం 5 గంటల వరకు ట్యాంక్ బండ్ పై రాకపోకలను నిలిపివేశారు. 
* సికింద్రాబాద్ నుంచి ట్యాంక్ బండ్‌ వైపు వచ్చే వాహనాలను కవాడిగూడ వైపు మళ్లింపు 
* ఆర్టీసీ క్రాస్ రోడ్‌ నుంచి ఇందిరా పార్క్‌ వైపు వచ్చే వాహనాలు అశోక్ నగర్ నుంచి మళ్లింపు.
* తెలుగు తల్లి ఫ్లైఓవర్ వైపు వెళ్లే వాహనాలు సమాంతరంగా మరో మార్గంలో వెళ్లాలని సూచన.
* హిమాయత్ నగర్ దగ్గర నుంచి ట్యాంక్ బండ్ వచ్చే వాహనాలు బషీర్ బాగ్ వైపు మళ్లింపు.
* ఓల్డ్ ఎమ్మెల్యే క్వార్టర్స్‌ రూట్ నుంచి వచ్చే వాహనదారులు పీసీఆర్ జంక్షన్ దగ్గర దారి మళ్లింపు.
* ఖైరతాబాద్ నుంచి ట్యాంక్ బండ్ వచ్చే వాహనదారులు ఇందిరా గాంధీ విగ్రహం దగ్గర నెక్ లెస్‌ రోడ్ అండ్ మింట్ కాంపౌండ్‌ వైపు మళ్లింపు.