Elections: తెలుగు రాష్ట్రాల్లో నేతల ప్రచార ‘సిత్రాలు’
తెలుగు రాష్ట్రాల్లో ఎన్నికల ప్రచారం జోరుగా సాగుతోంది. అభ్యర్థులు, అధినేతలు నియోజకవర్గాలన్నీ చుట్టేస్తున్నారు. పలు ఆసక్తికర చిత్రాలను చూసేయండి.
Updated : 08 May 2024 12:44 IST
1/23
కుప్పంలోని పోస్టల్ బ్యాలట్ పోలింగ్ కేంద్రం వద్ద ఓటరు కాళ్లు పట్టుకునేందుకు ప్రయత్నిస్తున్న వైకాపా నాయకులు.
2/23
విజయనగరం యువగళం సభలో మాట్లాడుతున్న లోకేశ్. వేదికపై తెదేపా పొలిట్బ్యూరో సభ్యుడు అశోక్ గజపతిరాజు, అసెంబ్లీ అభ్యర్థి అదితి గజపతిరాజు, లోక్సభ అభ్యర్థి కలిశెట్టి అప్పలనాయుడు.
3/23
తిరుపతి సభలో అభిమానులు ఇచ్చిన గదతో చంద్రబాబు, కరవాలంతో పవన్కల్యాణ్. చిత్రంలో చంద్రగిరి, తిరుపతి అసెంబ్లీ అభ్యర్థులు పులివర్తి నాని, శ్రీనివాసులు, తిరుపతి లోక్సభ అభ్యర్థి వరప్రసాదరావు తదితరులు.
4/23
కమలాపురం వద్ద ఉపాధి కూలీలతో కలిసి మట్టి తవ్వుతున్న పీసీసీ అధ్యక్షురాలు షర్మిల.
5/23
కాకినాడ జిల్లా గొల్లప్రోలు మండలం తాటిపర్తిలో ఈనెల 5వ తేదీ రాత్రి పవన్కల్యాణ్కు మద్దతుగా ప్రచారం నిర్వహించిన సమయంలో గాయపడిన నల్లల శ్రీధర్ను పరామర్శిస్తున్న హీరో సాయిధరమ్తేజ్.
6/23
హనుమకొండ చౌరస్తాలో మాట్లాడుతున్న ముఖ్యమంత్రి రేవంత్రెడ్డి. చిత్రంలో కొండా సురేఖ, కడియం కావ్య, సీతక్క, రాజేందర్రెడ్డి తదితరులు.
7/23
బేగంబజార్ రోడ్షోలో ప్రజలకు అభివాదం చేస్తున్న రాజస్థాన్ సీఎం భజన్లాల్ శర్మ. పక్కన హైదరాబాద్ భాజపా అభ్యర్థి మాధవీలత.
8/23
మెదక్ రాందాస్ చౌరస్తాలో నిర్వహించిన కార్నర్ మీటింగ్లో పిడికిలి బిగించి నినాదాలు చేస్తున్న కేసీఆర్, మాజీ మంత్రి హరీశ్రావు. చిత్రంలో అభ్యర్థి వెంకట్రామిరెడ్డి.
9/23
ఖమ్మం నగరంలో రోడ్షోలో అభివాదం చేస్తున్న సినీనటుడు వెంకటేశ్. చిత్రంలో మంత్రి పొంగులేటి శ్రీనివాసరెడ్డి, కాంగ్రెస్ అభ్యర్థి రామసహాయం రఘురాంరెడ్డి, తుమ్మల యుగంధర్ తదితరులు.
10/23
నల్లకుంట రోడ్ షోలో మాట్లాడుతున్న కేటీఆర్. చిత్రంలో కాలేరు వెంకటేశ్, పద్మారావు తదితరులు.
11/23
కారు గుర్తుకు ఓటు వేసి భారాస అభ్యర్థి ఆత్రం సక్కును గెలిపించాలని కోరుతూ ధన్నూర్లో వడియాలు పోస్తున్న ఎమ్మెల్యే అనిల్ జాదవ్.
12/23
ఇంద్రవెల్లి మండల కేంద్రంలోని ఓ టిఫిన్ సెంటర్లో దోసెలు వేస్తున్న భాజపా ఎంపీ అభ్యర్థి గోడం నగేష్.
13/23
మల్కాజిగిరి లోక్సభ భాజపా అభ్యర్థి ఈటల రాజేందర్ కీసరలో వర్షంలోనూ ప్రచారం కొనసాగించారు.
14/23
మల్కాజిగిరి లోక్సభ కాంగ్రెస్ అభ్యర్థి పట్నం సునీతారెడ్డి, మధుయాస్కీ గౌడ్.. కొత్తపేట రాజీవ్గాంధీ నగర్లో స్థానిక నేతలతో కలిసి పర్యటించారు. అభివాదం చేస్తూ ఓటర్లను ఆకట్టుకున్నారు.
15/23
సికింద్రాబాద్ లోక్సభ కాంగ్రెస్ అభ్యర్థి దానం నాగేందర్, మంత్రి కోమటిరెడ్డి వెంకటరెడ్డి, పార్టీ నేత ఫిరోజ్ఖాన్ తదితరులు సీతారాంబాగ్, ఆగాపుర, బోయిగూడ కమాన్ ప్రాంతాల్లో ప్రచారాల్లో పాల్గొన్నారు.
16/23
మాజీ గవర్నర్ తమిళిసై బంజారాహిల్స్ ఎమ్మెల్యే కాలనీ ఓటర్లకు రామ మందిర నమూనాలను కానుకగా అందించారు. సికింద్రాబాద్ లోక్సభ అభ్యర్థి జి.కిషన్రెడ్డికి మద్దతుగా ప్రచారంలో పాల్గొన్నారు.
17/23
హైదరాబాద్ లోక్సభ భారాస అభ్యర్థి గడ్డం శ్రీనివాస్యాదవ్ పాదయాత్రలపై ప్రధానంగా దృష్టి సారించారు. గోషామహల్ ప్రాంతంలోని సిద్ధంబర్ బజార్, భగవాన్గంజ్, మచ్చీపురలో ప్రచారం చేశారు.
18/23
కంటోన్మెంట్ అసెంబ్లీ భాజపా అభ్యర్థి వంశతిలక్కు మద్దతుగా ఎమ్మార్పీఎస్ నేతలు ఏడో వార్డు చిన్న కమేలా, సాయిబాబా హట్స్ ప్రాంతంలో ప్రచారం చేశారు. ఇల్లిల్లూ తిరిగి ఓటర్లకు పాదాభివందనం చేశారు.
19/23
కంటోన్మెంట్ అసెంబ్లీ కాంగ్రెస్ అభ్యర్థి శ్రీగణేశ్ మూడో వార్డు బాలంరాయి బస్తీలో విస్తృతంగా పర్యటించారు. ఇంటింటి ప్రచారంలో వృద్ధులకు దండాలు పెడుతూ తనను గెలిపించాలని అభ్యర్థించారు.
20/23
కరీంనగర్ భారాస అభ్యర్థి బోయినపల్లి వినోద్కుమార్కు మద్దతుగా ప్రచారం చేస్తున్న మాజీ హోం శాఖ మంత్రి మహమూద్ అలీ.
21/23
భువనగిరి పట్టణంలో నేతన్నకు భరోసా ఇస్తున్న ఎమ్మెల్యే కుంభం అనిల్కుమార్రెడ్డి, నాయకులు.
22/23
ముశిపట్లలో అరుగు మీద కూర్చొని నమూనా ఈవీఎం యంత్రంపై ఓటు ఎవరికి వేస్తావో చూపెట్టమని వృద్ధురాలిని కోరుతున్న ఎమ్మెల్యే మందుల సామేల్.
23/23
ఇందల్వాయి టోల్ప్లాజా వద్ద ఓ చిన్నారికి స్వయంగా పకోడి తినిపిస్తున్న భారాస అధినేత, మాజీ ముఖ్యమంత్రి కేసీఆర్.
Tags :
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (20/05/24)
-
నిద్ర చెడగొట్టొదంటున్న దివి.. చిరునవ్వుతో ఫరియా.. మీనాక్షి కొత్త లుక్!
-
‘బ్లూ ఆరిజిన్’ ప్రయోగం విజయవంతం.. అంతరిక్షయానం చేసిన తొలి తెలుగు వ్యక్తి
-
కిల్లర్ టైగర్ కోసం 150 కెమెరాలతో నిఘా.. 36 గ్రామాల్లో రెడ్ అలర్ట్!
-
మీరు డౌన్లోడ్ చేసే యాప్స్ సురక్షితమైనవేనా? తెలుసుకోండిలా..
-
దాన్ని రికార్డు చేయొద్దని కోరినా.. ప్రసారం చేశారు: రోహిత్ మండిపాటు