తెదేపా నేతల హత్యలో ఎమ్మెల్యే హస్తం: చంద్రబాబు

తాజా వార్తలు

Updated : 17/06/2021 14:45 IST

తెదేపా నేతల హత్యలో ఎమ్మెల్యే హస్తం: చంద్రబాబు

అమరావతి: కర్నూలు జిల్లా పెసరవాయిలో తెదేపా నేతలు నాగేశ్వర్‌రెడ్డి, ప్రతాప్‌రెడ్డి హత్యల వెనుక వైకాపాకు చెందిన పాణ్యం ఎమ్మెల్యే కాటసాని రాంభూపాల్‌ రెడ్డి హస్తం ఉందని తెదేపా అధినేత చంద్రబాబు ఆరోపించారు. రోజులు ఎప్పుడూ ఒకేలా ఉండవని.. వైకాపా నేతలు, పోలీసు అధికారులు తగిన మూల్యం చెల్లించుకోక తప్పదని హెచ్చరించారు. ఈ మేరకు చంద్రబాబు ఓ ప్రకటన విడుదల చేశారు. 

‘‘రాష్ట్రంలో శాంతిభద్రతలు క్షీణించడంతో పట్టపగలే తెదేపా నేతలు, కార్యకర్తలను హతమారుస్తున్నారు. పోలీసు వ్యవస్థ పనిచేస్తోందో లేదో అనే అనుమానం కలుగుతోంది. బంధువు చిన్నదినం కార్యక్రమం కోసం శ్మశానానికి వెళ్లి వస్తున్న నాగేశ్వర్‌రెడ్డి, ప్రతాప్‌రెడ్డిలను ప్రత్యర్థి వర్గం కారుతో ఢీకొట్టి వేటకొడవళ్లతో నరికి దారుణంగా హత్య చేసింది. ఫ్యాక్షనిస్టు పోకడలతో సమాజానికి ఏం సంకేతాలు ఇస్తున్నారు? ప్రజలను రక్షించాల్సిన పోలీసులు అధికార పార్టీకి తొత్తుల్లా మారారు. వైకాపా అధికారంలోకి వచ్చాక 30 మంది తెదేపా కార్యకర్తలను పొట్టబెట్టుకున్నారు. వీరితో పాటు 1500 మందికి పైగా నాయకులపై దాడులు, ఆస్తుల ధ్వంసం ఘటనలకు పాల్పడితే పోలీసు వ్యవస్థ ఏమీ పట్టనట్లు వ్యవహరించడం విస్మయానికి గురిచేస్తోంది. మరే ఇతర రాష్ట్రాల్లోనూ లేనివిధంగా ఏపీలో తెదేపా కార్యకర్తలపై చోటుచేసుకుంటున్న అవాంఛనీయ సంఘటనలు, హత్యాకాండకు ప్రభుత్వం, పోలీసు వ్యవస్థే బాధ్యత వహించాలి. మృతుల కుటుంబాలకు పార్టీ అండగా నిలబడుతుంది’’ అని చంద్రబాబు చెప్పారు. 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని