రైతులకు మద్దతుగా లాంగ్‌ మార్చ్‌: పవన్‌
close

తాజా వార్తలు

Updated : 23/01/2020 11:06 IST

రైతులకు మద్దతుగా లాంగ్‌ మార్చ్‌: పవన్‌

దిల్లీ: జనసేన అధినేత పవన్‌ కల్యాణ్‌, రాష్ట్ర భాజపా నేతలు గురువారం ఉదయం భాజపా జాతీయ అధ్యక్షుడు జేపీ నడ్డాను కలిశారు. భాజపా జాతీయ అధ్యక్షుడిగా ఇటీవల బాధ్యతలు చేపట్టిన ఆయనకు ఈ సందర్భంగా పవన్‌ శుభాకాంక్షలు తెలిపారు. రాష్ట్రంలో ఇరుపార్టీల కార్యాచరణపై పవన్‌ ..నడ్డాకు వివరించారు. జనసేన నేత నాదెండ్ల మనోహర్‌, భాజపా ఎంపీ జీవీఎల్‌ నరసింహారావు తదితరులు ఈ భేటీలో పాల్గొన్నారు.

సమావేశం ముగిసిన తర్వాత పవన్‌ మీడియాతో మాట్లాడుతూ... మూడు రాజధానుల అంశాన్ని ప్రధాని, హోం మంత్రి దృష్టికి తీసుకెళ్లామని వైకాపా నాయకులు అసత్య ప్రచారం చేస్తున్నారన్నారు. వైకాపా నేతలు ఎప్పుడూ రాజధాని అంశాన్ని ప్రధాని దృష్టికి తీసుకెళ్లలేదని జేపీ నడ్డా కూడా స్పష్టం చేసినట్లు పవన్‌ తెలిపారు. ‘‘రాజధాని మార్చే విషయంలో కేంద్ర ప్రభుత్వం, ప్రధాని, హోం మంత్రి అంగీకారం లేదు. వైకాపా నేతలు వారి భూ దందాల కోసమే రాజధానిని మార్చాలని చూస్తున్నారు. వారి స్వార్థం కోసమే ఇదంతా చేస్తున్నారు. ఫిబ్రవరి 2న భాజపా, జనసేన సంయుక్తంగా రాజధాని  రైతులకు మద్దతుగా , ఆంధ్రప్రదేశ్‌ భవిష్యత్‌ కోసం లాంగ్‌ మార్చ్‌ నిర్వహించబోతున్నాం’’ అని పవన్‌ కల్యాణ్‌ తెలిపారు. 

 



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని