అక్కడి నుంచి హ్యాట్రిక్‌ కొడతా: పన్నీర్‌ 
close

తాజా వార్తలు

Published : 12/03/2021 18:47 IST

అక్కడి నుంచి హ్యాట్రిక్‌ కొడతా: పన్నీర్‌ 

చెన్నై: తమిళనాడులో నామినేషన్ల కోలాహలం ప్రారంభమైంది. అసెంబ్లీ ఎన్నికల సమయం దగ్గర పడుతుండటంతో ఇప్పటికే అభ్యర్థులను ఖరారు చేసిన రాజకీయ పార్టీలు నామినేషన్ల ప్రక్రియ షురూ చేశాయి. ఈ ఎన్నికల్లో తన సిట్టింగ్ స్థానమైన బోడినాయకనూరు నుంచి బరిలో నిలుస్తున్న అన్నాడీఎంకే నేత, డిప్యూటీ సీఎం పన్నీర్‌ సెల్వం శుక్రవారం నామినేషన్‌ దాఖలు చేశారు. అనంతరం ఆయన మీడియాతో మాట్లాడుతూ.. గత రెండు పర్యాయాలు ఇదే స్థానం నుంచి గెలుపొందినట్టు చెప్పారు. తన నియోజకవర్గంలో అనేక అభివృద్ధి కార్యక్రమాలు చేపట్టినట్టు వివరించారు. తన పనితీరు పట్ల ప్రజలు సంతృప్తితో ఉండబట్టే ఇదే స్థానం నుంచి పోటీ చేసేందుకు పార్టీ తనకు అవకాశం కల్పించిందన్నారు. ఈ ఎన్నికల్లోనూ తనకు ప్రజలు మద్దతుగా నిలుస్తారని ఆశాభావం వ్యక్తంచేశారు. ఏప్రిల్‌ 6న తమిళనాడు అసెంబ్లీ ఎన్నికలు జరగనుండగా.. మే 2న ఫలితాలు వెల్లడికానున్నాయి.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని