T20 World Cup: ధోని ఉంటే చాలు : విరాట్‌

తాజా వార్తలు

Updated : 17/10/2021 06:56 IST

T20 World Cup: ధోని ఉంటే చాలు : విరాట్‌

దుబాయ్‌: ప్రతి చిన్న విషయాన్ని ఎంతో క్షుణ్ణంగా పరిశీలించడమే కాక అప్పటికప్పుడు సలహాలు ఇవ్వడం ద్వారా మహేంద్రసింగ్‌ ధోని ఆటగాళ్లలో ఆత్మవిశ్వాసాన్ని పెంచుతాడని భారత క్రికెట్‌ జట్టు కెప్టెన్‌ విరాట్‌ కోహ్లి అన్నాడు. టీ20 ప్రపంచకప్‌లో టీమ్‌ఇండియాకు మహి మార్గనిర్దేశకుడిగా వ్యవహరించనున్న నేపథ్యంలో అతనీ వ్యాఖ్యలు చేశాడు. ‘‘తిరిగి భారత డ్రెస్సింగ్‌ రూమ్‌లోకి రావడానికి ధోని ఉత్సాహంగా ఉన్నాడు. అతడికి అపార అనుభవం ఉంది. మేమంతా కెరీర్లు ఆరంభించిన దశలో మహి మార్గనిర్దేశకుడి పాత్రే పోషించాడు. కెరీర్‌ ఆరంభంలోనే పెద్ద టోర్నీలు ఆడే యువ క్రికెటర్లు ధోని సలహాల వల్ల లాభం పొందనున్నారు. ధోని ప్రతి చిన్న విషయాన్ని క్షుణ్ణంగా పరిశీలించి అప్పటికప్పుడు సలహాలు ఇస్తాడు. అతను మాతో ఉన్నాడన్న మాటే మాకెంతో ఆత్మవిశ్వాసాన్ని ఇస్తుంది. టీ20 ప్రపంచకప్‌లో మహి మార్గదర్శకుడిగా ఉండడం మాకెంతో సంతోషంగా ఉంది’’ అని విరాట్‌ పేర్కొన్నాడు. భారత క్రికెట్‌ జట్టు చీఫ్‌ కోచ్‌గా రాహుల్‌ ద్రవిడ్‌ నియమితుడు కాబోతున్నాడన్న విషయంలో తనకు స్పష్టత లేదని కోహ్లి పేర్కొన్నాడు.  ‘‘ద్రవిడ్‌ కోచ్‌ అవుతాడన్న విషయంలో ఏం జరుగుతుందో నాకు తెలియట్లేదు. ఈ విషయంపై ఇప్పటి వరకు ఎవరితోనూ చర్చించలేదు’’ అని విరాట్‌ చెప్పాడు.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని