బ్యాక్టీరియా ‘మధుమేహం’!

సంప్రదాయ వైద్యం

బ్యాక్టీరియా ‘మధుమేహం’!

అధిక బరువు, ఊబకాయం. సుమారు 90-95% మందిలో ఇవే టైప్‌2 మధుమేహానికి దారితీస్తున్నాయి. ఇందులో మన ఒంట్లోని బ్యాక్టీరియా సైతం పాలు పంచుకుంటున్నట్టు తాజా అధ్యయనం ఒకటి చెబుతోంది. మధుమేహం లేనివారితో పోలిస్తే మధుమేహుల్లోని రక్తం, కాలేయం, కడుపుభాగంలోని కొవ్వులో విభిన్నమైన బ్యాక్టీరియా, అదీ పెద్దమొత్తంలో ఉంటున్నట్టు తేలింది మరి. మన పేగుల గోడల్లో పోషకాలను, ఎలక్ట్రోలైట్లను, నీటిని గ్రహించే సున్నితమైన పొర ఉంటుంది. ఇది పేగుల్లోని బ్యాక్టీరియా, విషతుల్యాల వంటివి రక్తంలో కలవకుండానూ నిలువరిస్తుంది. ఊబకాయుల్లో ఈ రక్షణ పొర కాస్త బలహీనంగా ఉంటుంది. దీని మూలంగానే పేగుల్లోని బ్యాక్టీరియా, వాటికి సంబంధించిన భాగాలు ఆయా అవయవాలకు చేరుకొని వాపు ప్రక్రియను ప్రేరేపిస్తుండొచ్చని.. ఇది ఇన్సులిన్‌ పనితీరు అస్తవ్యస్తం కావటానికి దోహదం చేస్తుండొచ్చన్నది పరిశోధకుల భావన. అంటే మన జీవక్రియల మీద బ్యాక్టీరియా ప్రభావం గణనీయంగానే ఉంటోందన్న మాట. బరువును నియంత్రణలో ఉంచుకోగలిగితే పేగుల్లోని బ్యాక్టీరియా కాలేయం వంటి అవయవాలకు విస్తరించకుండా చూసుకోవచ్చని, మధుమేహం బారినపడకుండా కాపాడుకోవచ్చని అధ్యయన ఫలితాలు సూచిస్తున్నాయి.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

సంప్రదాయ వైద్యం

మరిన్ని

రుచులు

App