close

Published : 06/03/2021 12:38 IST
Facebook Share Twitter Share WhatsApp Share Telegram Share
నాలుక కరుచుకొని.. డిలీట్‌ చేయక్కర్లేదు

ఇంటర్నెట్‌ డెస్క్‌: ట్వీట్‌ చేయడం అంటే.. పెన్నుతో రాయడం లాంటిదే. పెన్నుతో రాసింది ఎలా మార్చడం వీలుపడదో..  ట్వీటును ఎడిట్‌ చేయడం కూడా అస్సలు కుదరదు. కావాలంటే ఆ ట్వీటును డిలీట్‌ చేసి మళ్లీ కొత్తగా ట్వీటాల్సిందే. దీంతో చాలా రోజుల నుంచి ట్వీట్లను ఎడిట్‌ చేసుకునే సౌలభ్యం ఇవ్వాలంటూ నెటిజన్లు అడుగుతున్నా... ఆ దిశగా ట్విటర్‌ పెద్దలు ఆలోచించడం లేదు. దీంతో ట్వీటులో తప్పులు వస్తే.. నాలుక కరుచుకొని డిలీట్‌ చేయడం తప్ప వేరే ఆప్షన్‌ లేకుండా పోయింది. అయితే ట్వీటు సెండ్‌ అయ్యేలోపు... క్యాన్సిల్‌ చేసుకునే ఆప్షన్‌ ఇస్తారట. ప్రస్తుతం ఈ ప్రక్రియ చివరి దశకు వచ్చిందని సమాచారం.

ట్వీటు మొత్తం రాసి.. పైన ట్వీట్‌ బటన్‌ క్లిక్‌ చేశాక... ‘అన్‌ డు’ అని ఓ ఆప్షన్‌ కనిపిస్తుంది. ట్వీటు చేసిన ఐదు సెకన్ల వరకు ‘అన్‌ డు’ ఆప్షన్‌ ఉంటుంది. ఈలోపు దాన్ని క్లిక్‌ చేస్తే.. ట్వీట్‌ పోస్ట్‌ అవ్వదు. ఈ ఆప్షన్‌ ప్రయోగాత్మకంగా కొంతమందికి అందుబాటులోకి వచ్చిందని తెలుస్తోంది. త్వరలో మిగిలిన యూజర్లకు అందిస్తారు. దీంతో ట్వీట్‌లో అక్షర దోషాలకు చాలా వరకు చెక్‌ పడే అవకాశం ఉంది. అలాగే, ఇటీవల ఐఓఎస్‌ వినియోగదారుల కోసం ‘ఆడియో ట్వీట్‌ ’ స్టయిల్‌ ఫీచర్‌ ‘స్పేసెస్‌’ తీసుకొచ్చింది. ఆ ఫీచర్‌ ఆండ్రాయిడ్‌ వినియోగదారులకు వీలైనంత త్వరగా తీసుకొస్తారని సమాచారం.

ఇవీ చదవండి


Tags :

మరిన్ని

జిల్లా వార్తలు

తాజా వార్తలు

వెబ్ ప్రత్యేకం

దేవ‌తార్చ‌న

రుచులు