TS EAMCET: టీఎస్‌ ఎంసెట్‌ పేరు మార్పు.. 8 ఉమ్మడి ప్రవేశ పరీక్షల తేదీలివే..

హైదరాబాద్‌: తెలంగాణలో ఎంసెట్‌ పేరు మారింది. టీఎస్‌ ఎంసెట్‌ పేరును టీఎస్‌ ఈఏపీసెట్‌ (TS EAPCET 2024)గా మారుస్తూ రాష్ట్ర ఉన్నత విద్యామండలి గురువారం ఉత్తర్వులు జారీ చేసింది. తెలంగాణ రాష్ట్ర ఇంజినీరింగ్‌, అగ్రికల్చర్‌ ఫార్మసీ కామన్‌ ఎంట్రన్స్‌ టెస్ట్‌ (TS EAPCET)సహా ఎనిమిది ప్రవేశ పరీక్షలకు తేదీలను ఖరారు చేశారు. 2024- 25 విద్యా సంవత్సరంలో ప్రవేశాలకు నిర్వహించే పరీక్షల తేదీలు.. నిర్వహించే యూనివర్సిటీల వివరాలివే..

• తెలంగాణ ఈసెట్‌ - మే 6 - ఉస్మానియా యూనివర్సిటీ
• టీఎస్‌ ఈఏపీసెట్‌ (ఇంజినీరింగ్‌)- మే 9 నుంచి 11 వరకు; (అగ్రికల్చరల్‌ అండ్‌ ఫార్మా) మే 12, 13 - జేఎన్‌టీయూహెచ్‌
• టీఎస్‌ ఎడ్‌సెట్‌ - మే 23 - మహాత్మాగాంధీ యూనివర్సిటీ
• టీఎస్‌ లా సెట్‌; పీజీఎల్‌సెట్‌ - జూన్‌ 3 - ఉస్మానియా యూనివర్సిటీ
• టీఎస్‌ ఐసెట్‌ - జూన్‌ 4, 5 - కాకతీయ యూనివర్సిటీ
• టీఎస్‌ పీజీఈసెట్‌ జూన్‌ 6 నుంచి 8వరకు - జేఎన్‌టీయూహెచ్‌
• టీఎస్‌ పీఈసెట్‌ - జూన్‌ 10 నుంచి 13 వరకు - శాతవాహన యూనివర్సిటీ

ఈ ప్రవేశ పరీక్షలకు సంబంధించిన నోటిఫికేషన్లు, షెడ్యూల్‌, రిజిస్ట్రేషన్‌ ఫీజు తదితర వివరాలను సంబంధిత పరీక్షల కన్వీనర్లు వెల్లడిస్తారని తెలంగాణ ఉన్నత విద్యామండలి కార్యదర్శి ఎన్‌.శ్రీనివాసరావు ఓ ప్రకటనలో తెలిపారు.