IPPB recruitment: ఏడాదికి రూ.25లక్షల వరకు జీతం.. IPPBలో ఉద్యోగాలకు దరఖాస్తు చేశారా?

దిల్లీ: నిరుద్యోగులకు గుడ్‌న్యూస్‌. ఇండియా పోస్ట్ పేమెంట్స్ బ్యాంక్ లిమిటెడ్ (IPPB) ఎగ్జిక్యూటివ్‌ పోస్టుల భర్తీకి దరఖాస్తులు ఆహ్వానిస్తోంది. ఒప్పంద ప్రాతిపదికన చేపట్టే ఈ 54 పోస్టులకు అర్హులైన వారు మే 24వరకు ఆన్‌లైన్‌లో దరఖాస్తులు చేసుకోవచ్చు. బీటెక్‌/బీఎస్సీ/ఎంసీఏ తదితర అర్హతల ఆధారంగా ఈ పోస్టులకు ఎంపికైన వారికి హోదాను బట్టి గరిష్ఠంగా రూ.25లక్షల వరకు వార్షిక వేతనం చెల్లించనున్నారు. 

దరఖాస్తు కోసం క్లిక్‌ చేయండి

నోటిఫికేషన్‌లోని కొన్ని ముఖ్యాంశాలివే.. 

• మొత్తం పోస్టులు 54 కాగా.. వీటిలో ఎగ్జిక్యూటివ్ (అసోసియేట్ కన్సల్టెంట్) 28 పోస్టులు;  ఎగ్జిక్యూటివ్ (కన్సల్టెంట్) 21,  ఎగ్జిక్యూటివ్ (సీనియర్ కన్సల్టెంట్): 5 పోస్టుల చొప్పున ఉన్నాయి. 
• విద్యార్హతలు:  బీఈ/ బీటెక్‌ లేదా బీసీఏ/ బీఎస్సీ (కంప్యూటర్ సైన్స్/ ఐటీ/ ఎలక్ట్రానిక్స్) లేదా ఎంసీఏ ఉత్తీర్ణతతో పాటు ఆయా పోస్టులను బట్టి కనీసం ఏడాది నుంచి మూడేళ్ల వరకు పని అనుభవం తప్పనిసరి. 
• వేతనం: ఏడాదికి ఎగ్జిక్యూటివ్ (అసోసియేట్ కన్సల్టెంట్) పోస్టుకు రూ.10,00,000; ఎగ్జిక్యూటివ్ (కన్సల్టెంట్) పోస్టులకు రూ.15,00,000; ఎగ్జిక్యూటివ్ (సీనియర్ కన్సల్టెంట్) పోస్టుకు రూ.25,00,000 చొప్పున చెల్లించనున్నారు.
• దరఖాస్తు రుసుం: రూ.750,  ఎస్సీ/ ఎస్టీ/ దివ్యాంగులకైతే రూ.150 మాత్రమే.
• ఎంపిక ప్రక్రియ : అసెస్‌మెంట్, ఆన్‌లైన్ టెస్ట్, ఇంటర్వ్యూ, గ్రూప్ డిస్కషన్ తదితరాల ఆధారంగా ఎంపిక చేస్తారు.
• ఎంపికైన వారు తొలుత దిల్లీ/ ముంబయి/ చెన్నైలో పనిచేయాల్సి ఉంటుంది. ఆ తర్వాత దేశంలో ఎక్కడైనా పనిచేయాల్సి ఉంటుంది.
• అసోసియేట్‌ కన్సల్టెంట్‌ పోస్టులకు 22 నుంచి 30 ఏళ్లు వయోపరిమితి కాగా, కన్సల్టెంట్‌ పోస్టులకు 22 నుంచి 40 ఏళ్లు, సీనియర్‌ కన్సల్టెంట్‌కు 22 నుంచి 45 ఏళ్లుగా ఉంది. 
• ఈ ఉద్యోగాలకు అవసరమైన నైపుణ్యాలు, ఇతర అంశాలను ఈ కింది పీడీఎఫ్‌లో చూడొచ్చు.