TSRJC CET 2024: ‘పది’ విద్యార్థులకు గమనిక.. టీఎస్‌ఆర్‌జేసీ సెట్‌కు దరఖాస్తులు షురూ

TSRJC CET 2024 | హైదరాబాద్‌: పదో తరగతి విద్యార్థులకు గమనిక.. తెలంగాణలోని గురుకుల రెసిడెన్షియల్‌ జూనియర్‌ కళాశాలల్లో ప్రవేశ పరీక్ష (TSRJC CET 2024)కు దరఖాస్తుల ప్రక్రియ మొదలైంది. రాష్ట్రవ్యాప్తంగా మొత్తం 35 గురుకుల జూనియర్‌ కళాశాలలు  (15 బాలురు, 20 బాలికల కాలేజీలు) ఉండగా..  వీటిలో ఇంటర్‌ మొదటి సంవత్సరంలో సీట్ల భర్తీకి ఏప్రిల్‌ 21న పరీక్ష నిర్వహించనున్నారు. ప్రస్తుతం పదోతరగతి చదువుతున్న విద్యార్థులు ఈ పరీక్షకు జనవరి 31 నుంచి మార్చి 16 వరకు ఆన్‌లైన్‌లో దరఖాస్తు చేసుకోవచ్చు. దరఖాస్తు రుసుం రూ.200. ఈ పరీక్షలో విద్యార్థుల ప్రతిభ, రిజర్వేషన్‌ ఆధారంగా ఎంపిక చేస్తారు. ఈ కళాశాలల్లో ఎంపీసీ, బైపీసీ, ఎంఈసీ కోర్సుల్లో సీట్లను భర్తీ చేస్తారు. TSRJC CET 2024 పరీక్ష ఏప్రిల్‌ 21న ఉదయం 10 గంటల నుంచి మధ్యాహ్నం 12.30 గంటల వరకు జరగనుంది. ఈ పరీక్షలో ప్రతిభ కనబరిచిన విద్యార్థులకు సీట్ల కేటాయింపునకు తొలి కౌన్సెలింగ్‌ మే నెలలో నిర్వహించే అవకాశం ఉంది. పూర్తి సమాచారం ఈ కింది పీడీఎఫ్‌లో చూడొచ్చు.

ఆన్‌లైన్‌ దరఖాస్తుల కోసం క్లిక్‌ చేయండి