YS Viveka: వివేకా హత్యపై సీన్‌ రీకన్‌స్ట్రక్షన్‌

పులివెందుల, న్యూస్‌టుడే: మాజీ మంత్రి వైఎస్‌ వివేకానందరెడ్డి హత్య కేసు దర్యాప్తులో భాగంగా సీబీఐ అధికారులు కడప జిల్లా పులివెందులలోని ఆయన నివాసాన్ని మంగళవారం పరిశీలించారు. వివేకా హత్యపై సీన్‌ రీకన్‌స్ట్రక్షన్‌ (సంఘటన పునర్నిర్మాణం) చేశారు. పడక గదిలో నిద్రిస్తున్న వివేకాను చంపేందుకు నిందితులు ఏ మార్గం నుంచి వచ్చారు? ఏ వాహనాన్ని వినియోగించారు? ఇంటి లోపలికి ఎలా, ఎంతమంది వచ్చారు? తదితర అంశాలపై  నిర్వహించారు. నిందితులు వ్యవహరించిన తీరును ఊహిస్తూ సీబీఐ బృందం కొద్దిసేపు అనుసరించింది. కొందరు నిందితుల పేర్లను రాయించుకున్న స్టిక్కర్లను చొక్కాలపై అతికించుకుని వారి మాదిరి వ్యవహరించింది. అనంతరం సీబీఐ అధికారులు పట్టణ పరిసరాలను పరిశీలించారు.