5న అల్పపీడనం

ఏయూ ప్రాంగణం (విశాఖపట్నం), న్యూస్‌టుడే : ఈనెల నాలుగో తేదీ నాటికి అండమాన్‌ సముద్రంలో ఉపరితల ఆవర్తనం ఏర్పడే అవకాశం ఉందని వాతావరణశాఖ తెలిపింది. దీని ప్రభావంతో ఆగ్నేయ బంగాళాఖాతం ఆనుకొని ఉన్న దక్షిణ అండమాన్‌ సముద్రం మీద ఈనెల ఐదో తేదీన అల్పపీడనం ఏర్పడే అవకాశం ఉన్నట్లు పేర్కొంది. ఇది పశ్చిమ వాయువ్య దిశగా కదిలి రానున్న 48 గంటల్లో వాయుగుండంగా ఆగ్నేయ బంగాళాఖాతంలో కేంద్రీకృతమయ్యే అవకాశం ఉంది. ఆ తర్వాత పశ్చిమ వాయువ్య దిశగా పయనిస్తూ ఎనిమిదో తేదీ నాటికి తమిళనాడు, పుదుచ్చేరి తీరాలకు చేరే అవకాశం ఉందన్నారు. దీని ప్రభావం వల్ల ఆంధ్రప్రదేశ్‌, యానాంలలో తేలిక పాటి నుంచి ఒక మోస్తరు వర్షాలు, ఒకట్రెండు చోట్ల కురిసే అవకాశం ఉందని తెలిపింది.