Andhra News: నిర్మించినవి వదిలేసి.. కొత్తవాటికి పాకులాట!

పేదలందరికీ సొంతింటి కల సాకారం చేయాలని వైయస్‌ఆర్‌ జిల్లా కడప నగర సమీపంలో 2006లో 70 ఎకరాల్లో శాటిలైట్‌ సిటీ నిర్మాణం చేపట్టారు.  మొత్తం 3,984 ఇళ్లు నిర్మించాలనేది దీని లక్ష్యం. ఆ మేరకు 1,296 పూర్తి చేశారు. లబ్ధిదారులకు కేటాయించారు. మిగిలిన 2,688 ఇళ్లు అసంపూర్తిగా వదిలేశారు. కంప చెట్లు, పొదలు చుట్టేసిన ఆ నిర్మాణాలు అసాంఘిక శక్తులకు అడ్డాగా మారాయి. దీంతో అక్కడ నివసిస్తున్న వారు ఆందోళన చెందుతున్నారు. వైకాపా ప్రభుత్వం మాత్రం అసంపూర్తి నిర్మాణాలను పూర్తి చేయకుండా.. వాటి పక్కనే జగనన్న కాలనీకి స్థలం కేటాయించింది. అందులో 500 మందికి ఇళ్ల స్థలాలూ చూపింది. కొద్ది నిధులతో వేల మంది ఇంటి కల నెరవేర్చే పనిని వదిలేసి.. జగనన్న కాలనీ పేరిట హడావుడి చేయడమేంటని స్థానికులు అసహనం వ్యక్తం చేస్తున్నారు.

ఈనాడు, కడప