Fake Currency: రూ.12 లక్షల నకిలీ నోట్ల స్వాధీనం

ఏలూరు నేరవార్తలు, న్యూస్‌టుడే: పశ్చిమగోదావరి జిల్లా జంగారెడ్డిగూడెం పరిసర ప్రాంతాల్లో నకిలీ నోట్లు చలామణీ చేస్తున్న ముఠా సభ్యులను పట్టుకున్నట్లు ఎస్పీ రాహుల్‌దేవ్‌ శర్మ ఆదివారం తెలిపారు. ఆరుగురిని అరెస్టు చేసి, వారి నుంచి రూ.1.50 లక్షల అసలు నోట్లు, రూ.12 లక్షల నకిలీ నోట్లు, నాలుగు చరవాణులు, మూడు ద్విచక్ర వాహనాల్ని స్వాధీనం చేసుకున్నట్లు చెప్పారు. బుట్టాయగూడెం శివారులో శనివారం రాత్రి నకిలీ నోట్లు మార్చుకుంటుండగా పోలీసులు దాడి చేసి జంగారెడ్డిగూడెం మండలం పేరంపేటకు చెందిన చంద్రశేఖర్‌, శ్రీను, రమేష్‌రెడ్డి, మధు, పెనుగొండకు చెందిన నాగరాజు, తూర్పుగోదావరి జిల్లా తుని మండలం నక్కవరానికి చెందిన సురేష్‌ను అరెస్టు చేసినట్లు వివరించారు.