Suicide: ఉద్యోగం రాలేదని యువకుడి ఆత్మహత్య

ఆసుపత్రిలో చికిత్స పొందుతూ మృతి

పాల్వంచ గ్రామీణం, న్యూస్‌టుడే: ఉద్యోగం రావడం లేదన్న మనస్తాపంతో ఓ యువకుడు బలవన్మరణానికి పాల్పడ్డాడు. పోలీసుల వివరాల ప్రకారం.. భద్రాద్రి కొత్తగూడెం జిల్లా పాల్వంచ పాండురంగాపురం గ్రామానికి చెందిన శ్రీనివాసరావు, శివరాణి దంపతుల కుమారుడు అజయ్‌(25) బీటెక్‌ పూర్తి చేశాడు. తొలుత ఓ ప్రైవేట్‌ సంస్థలో ఉద్యోగం చేసి కొన్ని నెలలుగా ఇంటివద్దే ఉంటున్నాడు. పలు ఉద్యోగాల కోసం ప్రయత్నించినప్పటికీ రాలేదు. మనస్తాపం చెందిన అజయ్‌ గత నెల 20న పంటచేనుకు వెళ్లి పురుగుమందు తాగాడు. ఖమ్మం ఆసుపత్రిలో చికిత్స పొందుతూ ఆదివారం రాత్రి మృతి చెందారు. కుటుంబసభ్యుల ఫిర్యాదు మేరకు సోమవారం కేసు నమోదు చేసినట్లు పాల్వంచ గ్రామీణ ఎస్సై సుమన్‌ తెలిపారు.