మద్యంలో స్పిరిట్‌ కలిపి తాగి ఇద్దరి మృతి

విజయవాడ, న్యూస్‌టుడే: తాగిన మైకంలో సర్జికల్‌ స్పిరిట్‌ను మద్యంలో కలిపి తాగిన ఇద్దరు మృతి చెందారు. విజయవాడ శివారు వాంబేకాలనీకి చెందిన పైడమ్మ(65) అదేకాలనీకే చెందిన సింగిడి కొండయ్య (60)తో కలిసి ఎ బ్లాకులో నివాసం ఉంటోంది. వీరు కూరగాయలు అమ్ముతూ జీవించేవారు. గురువారం రాత్రి తాగిన మైకంలో.. మద్యంలో సర్జికల్‌ స్పిరిట్‌ను కలిపి తాగారు. స్పిరిట్‌ మోతాదు ఎక్కువ కావడంతో.. రక్తపు వాంతులు అయ్యాయి. శుక్రవారం ఉదయం 8 గంటల సమయంలో పైడమ్మ మనవరాలు వచ్చి చూడగా వారిద్దరూ నేలపై పడిపోయిఉండటం, ఇద్దరి శరీరాలపై, నేలపై రక్తపు మరకలు చూసి తన తల్లికి తెలిపింది.